tumhaari maut meri zindagi se behtar hai tum ek baar mare main to baar baar mara

zindagi bhar vo udaasi ke li.e kaafi hai ek tasveer jo hanste hue khinchvaai thii

phir usii be-vafa pe marte hain phir vahii zindagi hamaari hai

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

tum mohabbat ko khel kahte ho ham ne barbaad zindagi kar li

Bahut satate hain vo rishte jo toot jaate hain

main saari umr andheron men kaat saktaa hooñ mere diyon ko magar raushni paraai na de

jab tujhe rishte nibhaane ka hunar aa jaayega teraa dushman KHud hi chalkar tere ghar aa jaayega

zinda rahna hai to haalaat se darna kaisa jang laazim ho to lashkar nahin dekhe jaate

jaane kab chubh jaa.e aankhoñ men koii be-rehm sach aaina bhi dekhne waalo sambhal kar dekhna