kyuuñ darein zindagi men kya hogaa kuchh na hogaa to tajurba hogaa

main bhi ik shakhs pe ik shart laga baitha tha tum bhi ik roz isee khel men haaroge mujhe eed ke din ki tarah tumne mujhe zaayaa' kiya main samajhta tha muhabbat se guzaaroge mujhe

agar hai ishq saccha to nigaahon se bayaañ hogaa zabaan se bolna bhi kya koi izhaar hota hai

sair kar duniya ki ghaafil zindagaani phir kahaan zindagi gar kuchh rahi to ye jawaani phir kahaan

mere honton pe apni pyaas rakh do aur phir socho ki is ke baa'd bhi duniya men kuchh paana zaroori hai

teri har ada hai dilkash teraa husn dilruba hai tujhe jab se maine dekha mujhe ishq ho gaya hai

tujhe yaad karte karte main ye sochta hooñ akshar teraa hijr bhi na ho to mere paas aur kya hai

kabhi socha hai tumne kya guzarti hai deewane par ke jab tum zulf bikhra kar nikal aate ho shaane par

ik taraf husn-e-tabassum ik taraf husn-e-hayaa aur us par jaan leva aapki angdaai hai

teri taa'riif bataane ko ghazal kahte hain ham kahaan naam kamaane ko ghazal kahte hain