dekha hilal-e-id to tum yaad aa gae is mahviyat men iid hamari guzar gai

mujh ko ehsas-e-rang-o-bu na hua yuun bhi aksar bahar aai hai

mujh ko to iid men bhi faraghhat kahan mili ladti rahi hai saas savere se shaam tak

vo rang rang ke chhinte pade ki us ke baad kabhi na phir nae kapde pahan ke nikla main

bahut hi khushki men guzri hai is baras holi gila hai tujh se ki giila nahin kiya mujh ko

shab jo holi ki hai milne ko tire mukhde se jaan chand aur taare liye phirte hain afshan haath men

mai pi ke iid kijiye guzra mah-e-siyam tasbih rakhiye saghhar-o-mina uthaiye

nikle hain ghar se dekhne ko log mah-e-id aur dekhte hain abru-e-khamdar ki taraf

iid hai ham ne bhi jaana ki na hoti gar iid mai-farosh aaj dar-e-mai-kada kyuun va karta

kya khabar hai ham se mahjuron ki un ko roz-e-id jo gale mil kar baham sarf-e-mubarakbad hain

khud to aaya nahin aur iid chali aai hai iid ke roz mujhe yuun na satae koi

dekha hilal-e-id to tum yaad aa gae is mahviyat men iid hamari guzar gai

raas aa jatin hamen bhi iid ki khushiyan tamam kaash tu bhi paas hota iid ke lamhat men

khud to aaya nahin aur iid chali aai hai iid ke roz mujhe yuun na satae koi

bahar aai ki din holi ke aae gulon men rang khela ja raha hai

vo rang rang ke chhinte pade ki us ke baad kabhi na phir nae kapde pahan ke nikla main

vo subh-e-id ka manzar tire tasavvur men vo dil men aa ke ada tere muskurane ki

shab jo holi ki hai milne ko tire mukhde se jaan chand aur taare liye phirte hain afshan haath men

vo kudte uchhalte rangin pairahan the maasum qahqahon men udta gulal dekha

nikle hain ghar se dekhne ko log mah-e-id aur dekhte hain abru-e-khamdar ki taraf

lab-e-dariya pe dekh aa kar tamasha aaj holi ka bhanvar kaale ke daf baaje hai mauj ai yaar paani men

kya khabar hai ham se mahjuron ki un ko roz-e-id jo gale mil kar baham sarf-e-mubarakbad hain