Sadness

ghussa jitna kam hoga, uski jagah udaasi leti jaaegi.

rone walon se kaho un ka bhi rona ro len jin ko majburi-e-haalat ne rone na diya tell those who wish to grieve for them i will lament whom cruel compulsions from crying did prevent

ye zindagi jo pukare to shak sa hota hai kahin abhi to mujhe khud-kushi nahin karni

kisi ne phir se lagai sada udasi ki palat ke aane lagi hai faza udasi ki

main mariz hun tere hijr ka zara hath mein mera hath le tu ghamon ka mere ilaj kar meri baat sun tu abhi na ja

badi mushkil se aa ke baitha hun dard uthte hain mat uthaen mujhe

tufan ke ba'd main bhi bahut tut sa gaya dariya phir apne rukh pe baha le gaya mujhe

koi surat nahin hai judne ki itne tukdon mein bat ke aaya hun

koi apne hi gham se khali kahan hai jahan mein koi mera gham-khwar kyun ho

aafat-o-qahr fitne musibat alam dard taklif karb-o-bala ranj-o-gham ek tawajjoh hatai jo us ne zara dekh lo khud pe kaisi ghadi aa gai

wo kahte hain wallah ye kya ho gaya hai zara bhi jo aankhon ko nam dekhte hain

jada-e-gham mein aarzu ke siwa ham-safar dusra nahin hota

gham ka sathi kaun hai ye soch kar tanha tha main sath lekin mere 'nashtar' ro rahi thi chandni

chhapi thi jis ki ghazal mein zamane bhar ki khushi khud us ki zist ka naghma azab sa ubhra

kal to nikla tha bahut saj-dhaj ke aaj lauta to nidhaal aaya hai