baithe baithe kaisa dil ghabra jaata hai jaane waalon ka jaana yaad aa jaata hai baat-cheet men jis ki ravaani masal hui ek naam lete men kuchh ruk sa jaata hai hansati-basati raahon ka khush-baash musaafir rozi ki bhatti ka eendhan ban jaata hai daftar mansab dono zehan ko kha lete hain ghar waalon ki qismat men tan rah jaata hai ab is ghar ki aabaa dii mehmaanon par hai koi aa jaa.e to vaqt guzar jaata hai daftar mansab dono zehan ko kha lete hain ghar waalon ki qismat men tan rah jaata hai ab is ghar ki aabaa dii mehmaanon par hai koi aa jaa.e to vaqt guzar jaata hai

jis samt bhi dekhooñ nazar aata hai ki tum ho ai jaan-e-jahaan ye koi tum sa hai ki tum ho ye KHvaab hai KHushboo hai ki jhonka hai ki pal hai ye dhund hai baadal hai ki saaya hai ki tum ho is deed ki saaat men kaii rang hain larzaan main hooñ ki koi aur hai duniya hai ki tum ho dekho ye kisi aur ki aañkhen hain ki meri dekhooñ ye kisi aur ka chehra hai ki tum ho ye umr-e-gurezaan kahii thehre to ye jaanoon har saans men mujh ko yahii lagta hai ki tum ho har bazm men mauzoo-e-sukhan dil-zadgaan ka ab kaun hai sheerin hai ki leila hai ki tum ho ik dard ka faila hua sehra hai ki main hooñ ik mauj men aaya hua dariyaa hai ki tum ho vo vaqt na aa.e ki dil-e-zaar bhi soche is shahar men tanhaa koi ham sa hai ki tum ho aabaad ham aashufta-saron se nahin maqtal ye rasm abhii shahar men zinda hai ki tum ho ai jaan-e-'faraz itni bhi taufeeq kise thii ham ko gham-e-hasti bhi gawara hai ki tum ho

aap hi kahte the sasta khojie aap hi ab yaar achha khojie jo muhabbat karke bhi aabaad hon ek ladki aur ladka khojie varna rah jaaenge chakkar kaatte kendra tak jaane ka rastaa khojie

charaagahein nai aabaad hogii magar jo bastiyaan barbaad hogii KHuda miTTi ko phir se hukm dega kaii shaklein nai ijaad hogii abhii mumkin nahin lekin ye hogaa kitaaben sahib-e-aulaad hogii main un aankhoñ ko padhkar sochta hoon ye naz men kis tarah se yaad hogii ye pariyaan phir nahin aayegi milne ye ghazlein phir nahin irshaad hogii main dartaa hoon ali un aadaton se ke jo mujh...ko tumhaare baad hogii

so rahenge ke jaagte rahenge ham tere khwaab dekhte rahenge tu kahii aur hi dhoondhta rahega ham kahii aur hi khile rahenge raahgeeron ne raah badalni hai ped apni jagah khade rahenge sabhi mausam hai dastaras men teri tune chaaha to ham hare rahenge lautna kab hai tune par tujhko aadatan hi pukaarte rahenge tujhko paane men mas'ala ye hai tujhko khone ke vasvase rahenge tu idhar dekh mujhse baate kar yaar chash men to phoote rahenge ek muddat hui hai tujhse mile tu to kahtaa tha raabte rahenge