allah ai buto hamen dikhlae lucknow sote men bhi ye kahte hain ham haae lucknow aisa hua huun hijr men us ke nahif-o-zar dekhe agar mujhe vahin sharmae lucknow aae na mere paas to main aap hi chalun mujh ko khuda kare kahin bulvae lucknow kalkatta ke hasinon ko jab dekh leta huun us vaqt dil men hota hai sauda-e-lucknow ab lut gaya hai kya raha dozakh se badh ke hai rashk-e-bahisht kahte the sab ja-e-lucknow khush-chashmi ahuon ki vo bhule jahan men dekhe jo aankh nargis-e-shahla-e-lucknow gulshan ajab bahar ke har qasr rashk-e-khuld aur gomti ghhazab ki hai dariya-e-lucknow hur-o-pari ko rashk tha ik ek shakhs par be-misl the sabhi mah-e-sima-e-lucknow marne ke baad bhi na mitega jigar se daaghh jannat men ham ko hoegi parva-e-lucknow jab se hata hai vo tah-o-bala ye ho gaya jannat koi zarur tha bala-e-lucknow main kya kahun faqiron ko jo kuchh ghhurur tha ik ik gada-e-shahr tha dara-e-lucknow hatta nahin tasavvur-e-asbab-o-mulk-o-mal kanon men baj rahi hai vo shahna-e-lucknow kya kya hasin the jama paristan ka takhta tha nazron men phirte hain rukh-e-zeba-e-lucknow shahon pe fakhr karte the is mulk ke gada tha misl-e-jam-e-jam mai-o-mina-e-lucknow har-chand laakh tarah bhulata huun yaad ko 'akhtar' pukar uthta hai dil haae lucknow allah ai buto hamein dikhlae lucknow sote mein bhi ye kahte hain hum hae lucknow aisa hua hun hijr mein us ke nahif-o-zar dekhe agar mujhe wahin sharmae lucknow aae na mere pas to main aap hi chalun mujh ko khuda kare kahin bulwae lucknow kalkatta ke hasinon ko jab dekh leta hun us waqt dil mein hota hai sauda-e-lucknow ab lut gaya hai kya raha dozakh se badh ke hai rashk-e-bahisht kahte the sab ja-e-lucknow khush-chashmi aahuon ki wo bhule jahan mein dekhe jo aankh nargis-e-shahla-e-lucknow gulshan ajab bahaar ke har qasr rashk-e-khuld aur gomti ghazab ki hai dariya-e-lucknow hur-o-pari ko rashk tha ek ek shakhs par be-misl the sabhi mah-e-sima-e-lucknow marne ke baad bhi na mitega jigar se dagh jannat mein hum ko hoegi parwa-e-lucknow jab se hata hai wo tah-o-baala ye ho gaya jannat koi zarur tha baala-e-lucknow main kya kahun faqiron ko jo kuchh ghurur tha ek ek gada-e-shahr tha dara-e-lucknow hatta nahin tasawwur-e-asbab-o-mulk-o-mal kanon mein baj rahi hai wo shahna-e-lucknow kya kya hasin the jama paristan ka takhta tha nazron mein phirte hain rukh-e-zeba-e-lucknow shahon pe fakhr karte the is mulk ke gada tha misl-e-jam-e-jam mai-o-mina-e-lucknow har-chand lakh tarah bhulata hun yaad ko 'akhtar' pukar uthta hai dil hae lucknow
Related Ghazal
pahle muft men pyaas bathegi baa'd men ik-ik boond bikegi kitne haseen ho maasha-allah tum pe mohabbat khoob jachegi zalim bas itnaa batla de kya rone ki chhoot milegi aaj to patthar baandh liya hai lekin kal phir bhook lagegi main bhi paagal tu bhi paagal ham dono ki khoob jamegi yaar ne paani fer diya hai KHaak hamaari KHaak udegi duniya ko aise bhooloonga duniya mujh ko yaad karegi
Zubair Ali Tabish
30 likes
udaasiyon ko gale lag aa.e udaas ladke bhatk rahe hain fareb kh aa.e udaas ladke kisi kisi ko naseeb hain ye udaasiyaan bhi kisi ko ye bhi bataa na paa.e udaas ladke hazaar dukh hain dilon men inke jinhen chhipakar yahaañ sabhi ko hansaane aa.e udaas ladke udaas rahna sahi nahin hai ye jaankar bhi udaas rahna na chhod paa.e udaas ladke kisi ka kaandha naseeb hota to ye bhi sote tamaam raatein jage jagaae udaas ladke
Vikas Sahaj
18 likes
ik parinda abhii udaan men hai teer har shaKHs ki kamaan men hai jis ko dekho vahii hai chup chup sa jaise har shaKHs imtihaan men hai kho chuke ham yaqeen jaisi shay tu abhii tak kisi gumaan men hai zindagi sang-dil sahi lekin aaina bhi isee chataan men hai sar-bulan dii naseeb ho kaise sar-nigoon hai ki saayebaan men hai khauf hi khauf jaagte sote koi aaseb is makaan men hai aasraa dil ko ik umeed ka hai ye hawa kab se baadbaan men hai KHud ko paaya na umr bhar ham ne kaun hai jo hamaare dhyaan men hai
Ameer Qazalbash
11 likes
sab log jidhar vo hain udhar dekh rahe hain ham dekhne waalon ki nazar dekh rahe hain tevar tire ai rashk-e-qamar dekh rahe hain ham shaam se aasaar-e-sehr dekh rahe hain meraa dil-e-gum-gashta jo dhoonda nahin milta vo apna dehan apni kamar dekh rahe hain koi to nikal aayega sarbaaz-e-mohabbat dil dekh rahe hain vo jigar dekh rahe hain hai majma-e-aghyaar ki hangaama-e-mahshar kya sair mire deeda-e-tar dekh rahe hain ab ai nigah-e-shauq na rah jaa.e tamannaa is vaqt udhar se vo idhar dekh rahe hain har-chand ki har roz ki ranjish hai qayamat ham koi din us ko bhi magar dekh rahe hain aamad hai kisi ki ki gaya koi idhar se kyun sab taraf-e-raahguzar dekh rahe hain takraar tajalli ne tire jalwe men kyun ki hairat-zada sab ahl-e-nazar dekh rahe hain nairang hai ek ek tira deed ke qaabil ham ai falak-e-shobda-gar dekh rahe hain kab tak hai tumhaara sukhan-e-talkh gawara is zahar men kitna hai asar dekh rahe hain kuchh dekh rahe hain dil-e-bismil ka tadapna kuchh ghaur se qaateel ka hunar dekh rahe hain ab tak to jo qismat ne dikhaaya vahii dekha aainda ho kya nafa o zarar dekh rahe hain pahle to suna karte the 'aashiq ki museebat ab aankh se vo aath pahar dekh rahe hain kyun kufr hai deedaar-e-sanam hazrat-e-waaiz allah dikhaata hai bashar dekh rahe hain khat gair ka padhte the jo toka to vo bole akhbaar ka parcha hai khabar dekh rahe hain padh padh ke vo dam karte hain kuchh haath par apne hañs hañs ke mire zakham-e-jigar dekh rahe hain main daagh hooñ marta hooñ idhar dekhiye mujh ko munh fer ke ye aap kidhar dekh rahe hain
Dagh Dehlvi
3 likes
pooch lete vo bas mizaaj mira kitna aasaan tha ilaaj mira chaara-gar ki nazar bataati hai haal achha nahin hai aaj mira main to rehta hooñ dasht men masroof qais karta hai kaam-kaaj mira koi kaasa madad ko bhej allah mere bas men nahin hai taaj mira main mohabbat ki baadshaahat hooñ mujh pe chaltaa nahin hai raaj mira
Fahmi Badayuni
96 likes
Similar Writers
Our suggestions based on Wajid Ali Shah Akhtar.
Similar Moods
More moods that pair well with Wajid Ali Shah Akhtar's ghazal.