maine jo kuchh bhi socha hua hai main vo vaqt aane pe kar jaaunga tum mujhe zahar lagte ho aur main kisi din tumhein pee ke mar jaaunga tu to beenaai hai meri tere alaava mujhe kuchh bhi dikhta nahin maine tujhko agar tere ghar pe utaara to main kaise ghar jaaunga chahta hooñ tumhein aur bahut chahta hooñ tumhein KHud bhi maaloom hai haan agar mujhse poocha kisi ne to main seedha munh par mukar jaaunga tere dil se tere shahar se tere ghar se teri aankh se tere dar se teri galiyon se tere watan se nikala hua hooñ kidhar jaaunga

ye saath aath padosi kahaan se aa.e mere tumhaare dil men to koi na tha sivaae mere kisi ne paas bithaaya bas aage yaad nahin mujhe to dost vahaañ se utha ke l aa.e mere ye soch kar na ki.e apne dard uske supurd vo laalchi hai asaase na bech kh aa.e mere idhar kidhar tu naya hai yahaañ ki paagal hai kisi ne kya tujhe qisse nahin sun aa.e mere vo aazm aa.e mere dost ko zaroor magar use kaho ki tarike na aazm aa.e mere

jis tarah waqt guzarne ke li.e hota hai aadmi shakl pe marne ke li.e hota hai teri aankhoñ se mulaqaat hui tab ye khula doobne vaala ubharne ke li.e hota hai ishq kyun peeche hata baat nibhaane se miyaan husn to khair mukarne ke li.e hota hai aankh hoti hai kisi raah ko takne ke li.e dil kisi paanv pe dharne ke li.e hota hai dil ki dilli ka chunaav hi alag hai sahab jab bhi hota hai ye harne ke li.e hota hai koi bastii ho ujhadne ke li.e bastii hai koi mazma ho bikharna ke li.e hota hai

zane haseen thii aur phool chun kar laati thii main she'r kahtaa tha vo dastaan sunaati thii arab lahu tha ragon men badan sunhara tha vo muskuraati nahin thii dii.e jalaati thii ali se door raho log usse kahte the vo meraa sach hai bahut cheekh kar bataati thii ali ye log tumhein jaante nahin hain abhii gale lagaakar meraa hausla badhaati thii ye phool dekh rahe ho ye uskaa lahjaa tha ye jheel dekh rahe ho yahaañ vo aati thii main uske baad k abhii theek se nahin jaaga vo mujh...ko khwaab nahin neend se jagati thii use kisi se mohabbat thii aur vo main nahin tha ye baat mujhse zyaada use roolaati thii main kuchh bataa nahin saka vo meri kya thii ali ki us..ko dekhkar bas apni yaad aati thii

ham ne kab chaaha ki vo shaKHs hamaara ho jaa.e itnaa dik jaa.e ki aankhoñ ka guzaara ho jaa.e ham jise paas bitha len vo bichhad jaata hai tum jise haath laga do vo tumhaara ho jaa.e tum ko lagta hai ki tum jeet ga.e ho mujh se hai yahii baat to phir khel dubara ho jaa.e hai mohabbat bhi ajab tarz-e-tijaarat ki yahaañ har dukaan-daar ye chahe ki khasaara ho jaa.e

apne saa.e ko itnaa samjhaane de mujh tak mere hisse ki dhoop aane de ek nazar men kaii zamaane dekhe to boodhi aankhoñ ki tasveer banaane de baba duniya jeet ke main dikhla dooñga apni nazar se door to mujh ko jaane de main bhi to is baagh ka ek parinda hooñ meri hi awaaz men mujh ko gaane de phir to ye ooncha hi hota jaayega bachpan ke haathon men chaand aa jaane de faslen pak jaayen to khet se bichhdenge roti aankh ko pyaar kahaan samjhaane de

vo mujh ko kya bataana chahta hai jo duniya se chhupaana chahta hai mujhe dekho ki main us ko hi chaahoon jise saara zamaana chahta hai qalam karna kahaan hai us ka mansha vo meraa sar jhukaana chahta hai shikaayat ka dhuaan aankhoñ se dil tak ta'alluq toot jaana chahta hai taqaza vaqt ka kuchh bhi ho ye dil vahii qissa puraana chahta hai

ham apne aap ko ik mas'ala banaa na sake isee li.e to kisi ki nazar men aa na sake ham aañsuon ki tarah vaaste nibha na sake rahe jin aankhoñ men un men hi ghar banaa na sake phir aandhiyon ne sikhaaya vahaañ safar ka hunar jahaan charaaghh ha men raasta dikha na sake jo pesh pesh the bastii bachaane waalon men lagii jab aag to apna bhi ghar bacha na sake mire KHuda kisi aisi jagah use rakhna jahaan koi mire baare men kuchh bataa na sake tamaam umr ki koshish ka bas yahii haasil kisi ko apne mutaabiq koi banaa na sake tasalliyon pe bahut din jiya nahin jaata kuchh aisa ho ke tira e'tibaar aa na sake

kuchh itnaa khauf ka maara hua bhi pyaar na ho vo e'tibaar dilae aur e'tibaar na ho hawa KHilaaf ho maujon pe ikhtiyaar na ho ye kaisi zid hai ki dariyaa kisi se paar na ho main gaav laut raha hooñ bahut dinon ke baad KHuda kare ki use meraa intizaar na ho zaraa si baat pe ghut ghut ke subh kar dena mirii tarah bhi koi meraa gham-gusaar na ho dukhi samaaj men aañsu bhare zamaane men use ye kaun bataaye ki ashk-baar na ho gunaahgaaron pe ungli uthaaye dete ho waseem aaj kahii tum bhi sangsaar na ho

tahreer se warna mirii kya ho nahin saka ik tu hai jo lafzon men ada ho nahin saka aankhoñ men khayaalaat men saanson men basa hai chahe bhi to mujh se vo juda ho nahin saka jeena hai to ye jabr bhi sahna hi padega qatra hooñ samundar se KHafaa ho nahin saka gumraah ki.e honge kaii phool se jazbe aise to koi raah-numa ho nahin saka qad meraa badhaane ka use kaam mila hai jo apne hi pairo'n pe khada ho nahin saka ai pyaar tire hisse men aaya tiri qismat vo dard jo chehron se ada ho nahin saka