lamha dar lamha teri raah taka karti hai ek khidki teri aamad ki dua karti hai ek sofa hai jise teri zaroorat hai bahot ek kursi hai jo mayus raha karti hai salvaten cheeKHtii rahtii hain mire bistar par karvaton men hi mirii raat kata karti hai vaqt tham jaata hai ab raat guzarti hi nahin jaane deewaar ghadi raat men kya karti hai chaand khidki men jo aata tha nahin aata ab teergii chaaro taraf rak's kiya karti hai mire kamre men udaasi hai qayamat ki magar ek tasveer puraani si hansa karti hai

mohabbat se mohabbat mil gaii jaise ki sehra men kali ik khil gaii jaise na jaane kaise tum bin jee raha tha main samajh lo har ghadi mushkil gaii jaise chali thii rail ik seeti bajaae bin jo mere dil se tere dil gaii jaise na niklaa lafz uske roo-b-roo meraa mere vo hont dono sil gaii jaise ghazal ko meri tune gungunaaya jab laga meri haan men haan mil gaii jaise use itnaa qareebi kyon banaya kabk gaya ik shaKHs to mehfil gaii jaise

bhare hue jaam par suraahi ka sar jhuka to bura lagega jise teri aarzoo nahin tu use mila to bura lagega ye aisa rastaa hai jis pe har koi baarha ladkhada raha hai main pahli thokar ke baad hi gar sambhal gaya to bura lagega main KHush hooñ us ke nikaalne par aur itnaa aage nikal chuka hooñ ke ab achaanak se us ne waapas bula liya to bura lagega ye aakhiri kapkapata jumla ki is ta'alluq ko khatm kar do bade jatan se kaha hai us ne nahin kiya to bura lagega na jaane kitne ghamon ko peene ke baa'd taabish chadhi udaasi kisi ne aise men aa ke ham ko hansa diya to bura lagega

padi hai raat koi gham-shanaas bhi nahin hai sharaab khaane men aadha gilaas bhi nahin hai main dil ko lekar kaha nikluun itni raat ga.e makaan uskaa kahii aaspaas bhi nahin hai yahaan to ladkiyaan achha sa ghar bhi chahti hai hamaare paas to achha libaas bhi nahin hai

badaa ehsaan ham farma rahe hain ki un ke khat unhen lautaa rahe hain nahin tark-e-mohabbat par vo raazi qayamat hai ki ham samjha rahe hain yaqeen ka raasta tay karne waale bahut tezi se waapas aa rahe hain ye mat bhoolo ki ye lamhaat ham ko bichhadne ke li.e milva rahe hain ta'ajjub hai ki ishq-o-aashiqi se abhii kuchh log dhoka kha rahe hain tumhein chaahenge jab chin jaayogi tum abhii ham tum ko arzaan pa rahe hain kisi soorat unhen nafrat ho ham se ham apne aib KHud ginwa rahe hain vo paagal mast hai apni vafaa men mirii aankhoñ men aañsu aa rahe hain daleelon se use qaail kiya tha daleelen de ke ab pachta rahe hain tiri baanhon se hijrat karne waale naye maahol men ghabra rahe hain ye jazb-e-ishq hai ya jazba-e-rehm tire aañsu mujhe rulva rahe hain ajab kuchh rabt hai tum se ki tum ko ham apna jaañ kar thukra rahe hain vafaa ki yaadgaarein tak na hongi mirii jaañ bas koi din ja rahe hain

haal poocha na kare haath milaaya na kare main isee dhoop men KHush hooñ koi saaya na kare main bhi aaKHir hooñ isee dasht ka rahne vaala kaise majnoon se kahooñ KHaak udaaya na kare aaina mere shab o roz se waqif hi nahin kaun hooñ kya hooñ mujhe yaad dilaayaa na kare ain-mumkin hai chali jaa.e samaat meri dil se kahiye ki bahut shor machaaya na kare mujh se raston ka bichadna nahin dekha jaata mujh se milne vo kisi mod pe aaya na kare