aankh ko aaina samjhte ho tum bhi sabki tarah samjhte ho dost ab kyuuñ nahin samjhte tum tum to kahte the na samjhte ho apna gham tumko kaise samjhaaoon sabse haara hua samjhte ho meri duniya ujad gayi is men tum ise haadsa samjhte ho aakhiri raasta to baaki hai aakhiri raasta samjhte ho

chala hai silsila kaisa ye raaton ko manaane ka tumhein haq de diya kisne diyon ke dil dukhaane ka iraada chhodiye apni hadon se door jaane ka zamaana hai zamaane ki nigaahon men na aane ka kahaan ki dosti kin doston ki baat karte ho miyaan dushman nahin milta koi ab to thikaane ka nigaahon men koi bhi doosra chehra nahin aaya bharosa hi kuchh aisa tha tumhaare laut aane ka ye main hi tha bacha ke KHud ko le aaya kinaare tak samandar ne bahut mauqa' diya tha doob jaane ka

khaali baithe ho to ik kaam meraa kar do naa mujh ko achha sa koii zaKHm ada kar do naa dhyaan se panchiyo ko dete ho daana paani itne achchhe ho to pinjare se rihaa kar do naa jab qareeb aa hi ga.e ho to udaasi kaisi jab diya de hi rahe ho to jala kar do naa

ashk-e-naadaan se kaho baad men pachhtaayenge aap girkar meri aankhoñ se kidhar jaayenge apne lafzon ko takallum se giraakar jaana apne lehje ki thakaavat men bikhar jaayenge ik teraa ghar tha meri had-e-musaafit lekin ab ye socha hai ki ham had se guzar jaayenge apne afkaar jala daalenge kaaghaz kaaghaz soch mar jaayegi to ham aap bhi mar jaayenge isse pahle ki judaai ki khabar tumse mile hamne socha hai ki ham tumse bichhad jaayenge

isi KHushi ne meraa dam nikaal rakkha hai ki usne ab bhi meraa gham sanbhaal rakkha hai main KHaak hi to hooñ aaKHir meraa banega kya mujhe kumhaar ne chakkar men daal rakkha hai aur mere KHilaaf mile hai kaii suboot magar mere wakeel ne jaj ko sanbhaal rakkha hai

khaanqaah men sufi munh chhu paa.e baitha hai ghaliban zamaane se maat khaaye baitha hai qatl to nahin badla qatl ki ada badli teer ki jagah qaateel saaz uthaaye baitha hai un ke chaahne waale dhoop dhoop firte hain gair un ke kooche men saa.e saa.e baitha hai waaye aashiq-e-naadaan kaayenaat ye teri ik shikasta sheeshe ko dil banaaye baitha hai door baarish ai gulchein vaa hai deeda-e-nargis aaj har gul-e-nargis khaar khaaye baitha hai

salaam us par agar aisa koi fankaar ho jaa.e siyaahi KHoon ban jaa.e qalam talwaar ho jaa.e zamaane se kaho kuchh saiqaa-raftaar ho jaa.e hamaare saath chalne ke li.e taiyyaar ho jaa.e zamaane ko tamannaa hai tira deedaar karne ki mujhe ye fikr hai mujh ko mira deedaar ho jaa.e vo zulfen saanp hain be-shak agar zanjeer ban jaayen mohabbat zahar hai be-shak agar aazaar ho jaa.e mohabbat se tumhein sarkaar kahte hain wagarana ham nigaahen daal den jis par vahii sarkaar ho jaa.e

tum se na mil ke KHush hain vo daava kidhar gaya do roz men gulaab sa chehra utar gaya jaan-e-bahaar tum ne vo kaañte chubhoye hain main har gul-e-shagufta ko choone se dar gaya is dil ke tootne ka mujhe koi gham nahin achha hua ki paap kata dard-e-sar gaya main bhi samajh raha hooñ ki tum tum nahin rahe tum bhi ye soch lo ki mira kaif mar gaya

tan-e-tanha muqaabil ho raha hooñ main hazaaron se haseenon se raqeebon se ghamon se gham-gusaaron se unhen main cheen kar laaya hooñ kitne daavedaaron se shafaq se chaandni raaton se phoolon se sitaaron se sune koi to ab bhi raushni awaaz deti hai pahaadon se gufaaon se biyaabaanon se ghaaron se hamaare daag-e-dil zakham-e-jigar kuchh milte-julte hain gulon se gul-rukho'n se mah-vasho_n se maah-paaron se kabhi hota nahin mehsoos vo yuñ qatl karte hain nigaahon se kankhiyon se adaaon se ishaaron se hamesha ek pyaasi rooh ki awaaz aati hai kuon se panghaton se naddiyon se aabshaaron se na aa.e par na aa.e vo unhen kya kya khabar bheji lifaafon se khatoon se dukh bhare parchon se taaron se zamaane men kabhi bhi qismaten badla nahin karti umeedon se bharoson se dilaason se sahaaron se vo din bhi h aa.e kya din the jab apna bhi ta'alluq tha dashahre se diwali se basanton se bahaaron se kabhi patthar ke dil ai kaif pighle hain na pighlenge munaajaaton se fariyadon se cheekh'on se pukaaron se

teraa chehra kitna suhaana lagta hai tere aage chaand puraana lagta hai tirche tirche teer nazar ke lagte hain seedha seedha dil pe nishaana lagta hai aag ka kya hai pal do pal men lagti hai bujhte bujhte ek zamaana lagta hai paanv na baandha panchi ka par baandha aaj ka bachcha kitna siyaana lagta hai sach to ye hai phool ka dil bhi chhalni hai hansta chehra ek bahaana lagta hai sunne waale ghanton sunte rahte hain meraa fasana sab ka fasana lagta hai kaif bataa kya teri ghazal men jaadu hai bachcha bachcha teraa deewana lagta hai