vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai nayi umron ki khudmukhtaariyon ko kaun samjh aa.e kahaan se bach ke chalna hai kahaan j aanaa zaroori hai thake haare parinde jab basere ke liye lautain saleeqamand shaakhon ka lachak j aanaa zaroori hai bahut bebaak aankhoñ men talluq tik nahin paata muhabbat men kashish rakhne ko sharm aanaa zaroori hai saleeqa hi nahin shaayad use mehsoos karne ka jo kahtaa hai KHuda hai to nazar aanaa zaroori hai mere honthon pe apni pyaas rakh do aur phir socho ki iske baad bhi duniya men kuchh p aanaa zaroori hai

chaandni tha ki ghazal tha ki saba tha kya tha main ne ik baar tira naam suna tha kya tha ab ke bichhde hain to lagta hai ki kuchh toot gaya meraa dil tha ki tira ahad-e-wafaa tha kya tha KHud-kushi kar ke bhi bistar se utha hooñ zinda main ne kal raat ko jo zahar piya tha kya tha tum to kahte the KHuda tum se KHafaa hai qaisar doobte vaqt vo jo ik haath badha tha kya tha

deewaron se mil kar rona achha lagta hai ham bhi paagal ho jaayenge aisa lagta hai kitne dinon ke pyaase honge yaaro socho to shabnam ka qatra bhi jin ko dariyaa lagta hai aankhoñ ko bhi le dooba ye dil ka paagal-pan aate jaate jo milta hai tum sa lagta hai is bastii men kaun hamaare aañsu ponchega jo milta hai us ka daaman bheega lagta hai duniya bhar ki yaaden ham se milne aati hain shaam dhale is soone ghar men mela lagta hai kis ko patthar maarun qaisar kaun paraaya hai sheesh-mahal men ik ik chehra apna lagta hai

maayusi ki barf padi thii lekin mausam sard na tha aaj se pahle dil men yaaro itnaa thanda dard na tha tanhaaii ki bojhal raatein pahle bhi to barsi theen zakham nahin the itne qaateel gham itnaa be-dard na tha firte hain ab rusva hote kal tak ye raftaar na thii shahar men theen sau koo-e-malaamat dil aawaara-gard na tha marne par bhi lau deti thii deewane ke dil ki aag patharaai theen aañkhen lekin phool sa chehra zard na tha harf-e-tasalli mauj-e-hawa the mauj-e-hawa se hota kya seene ka patthar tha qaisar gham daaman ki gard na tha

sadiyon taveel raat ke zaanoo se sar utha suraj ufuq se jhaank raha hai nazar utha itni burii nahin hai khandar ki zameen bhi is dher ko samet naye baam-o-dar utha mumkin hai koi haath samundar lapet de kashtii men sau shigaaf hon langar magar utha shaakh-e-chaman men aag laga kar gaya tha kyun ab ye azaab-e-dar-badri umr bhar utha manzil pe aa ke dekh raha hoonmain aaina kitna ghubaar tha jo sar-e-rahguzar utha sehra men thodii der theharna galat na tha le gard-baad baith gaya ab to sar utha dastak men koi dard ki khushboo zaroor thii darwaaza kholne ke li.e ghar ka ghar utha qaisar mata-e-dil ka khareedaar kaun hai bazaar ujad gaya hai dukaan-e-hunar utha

tumhaare shahar ka mausam badaa suhaana lage main ek shaam chura luun agar bura na lage tumhaare bas men agar ho to bhool jaao mujhe tumhein bhulaane men shaayad mujhe zamaana lage jo doobna hai to itne sukoon se doobo ki aas-paas ki lehron ko bhi pata na lage vo phool jo mire daaman se ho ga.e mansoob KHuda kare unhen bazaar ki hawa na lage na jaane kya hai kisi ki udaas aankhoñ men vo munh chhupa ke bhi jaa.e to be-vafa na lage tu is tarah se mire saath be-vafaaii kar ki tere baa'd mujhe koi be-vafa na lage tum aankh moond ke pee jaao zindagi qaisar ki ek ghoont men mumkin hai bad-maza na lage