usii jagah par jahaan kaii raaste milenge palat ke aa.e to sabse pahle tujhe milenge agar kabhi tere naam par jang ho gaii to ham aise buzdil bhi pahli saf men khade milenge tujhe ye sadken mere tavassut se jaanti hain tujhe hamesha ye sab ishaare khule milenge

vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

mere bas men nahin varna qudrat ka likha hua kaatta tere hisse men aa.e bure din koi doosra kaatta laariyon se zyaada bahaav tha tere har ik lafz men main ishaara nahin kaat saka teri baat kya kaatta maine bhi zindagi aur shab e hijr kaatee hai sabki tarah vaise behtar to ye tha ke main kam se kam kuchh naya kaatta tere hote hue mombatti bujhaai kisi aur ne kya khushi rah gayi thii janmdin ki main cake kya kaatta koi bhi to nahin jo mere bhookhe rahne pe naaraz ho jail men teri tasveer hoti to hanskar saza kaatta

hai khird-man dii yahii ba-hosh deewaana rahe hai vahii apna ki jo apne se begaana rahe kufr se ye iltijaaein kar raha hooñ baar baar jaaun to kaa'ba magar rukh soo-e-may-khaana rahe sham-e-sozaan kuchh khabar bhi hai tujhe o mast-e-gham husn-e-mahfil hai jabhi jab tak ki parwaana rahe zakhm-e-dil ai zakhm-e-dil naasoor kyun banta nahin lutf to jab hai ki afsaane men afsaana rahe ham ko waiz ka bhi dil rakhna hai saaqi ka bhi dil ham to tauba kar ke bhi paaband-e-may-khaana rahe aakhirsh kab tak raheingi husn ki naadaaniyaañ husn se poochho ki kab tak ishq deewaana rahe faiz-e-raah-e-ishq hai ya faiz-e-jazb-e-ishq hai ham to manzil pa ke bhi manzil se begaana rahe may-kade men ham duaaein kar rahe hain baar baar is taraf bhi chashm-e-mast-e-peer-e-may-khaana rahe aaj to saaqi se ye bahzaad ne baandha hai ahd lab pe tauba ho magar haathon men paimaana rahe

KHuda ko dhundh raha tha kahii KHuda na mila zahe-naseeb ki bande ko muddaa na mila nigaah-e-shauq men be-nooriyon ka rang badha nigaah-e-shauq ko jab koi doosra na mila ham apni be-khudi-e-shauq par nisaar rahe khu dii ko Dhoondh liya jab ha men KHuda na mila tumhaari bazm men lab khol kar hua KHaamosh vo bad-naseeb jise koi aasraa na mila har ek zarre men main KHud to aa raha tha nazar ajeeb baat tumhaara kahii pata na mila bas ik sukoon hi ham ko na mil sakaa ta-umr wagarana tere tasadduq men ham ko kya na mila tiri nigaah-e-mohabbat-nawaaz hi ki qasam ki aaj tak to ha men tujh sa doosra na mila tira jamaal fazaaon men muntashir tha magar nigaah-e-shauq ko phir bhi tira pata na mila hazaar thokren khaaiin hazaar soo bahzaad jahaan-e-husn men koi bhi ba-wafa na mila

mohabbat mustaqil kaif-aafareen maaloom hoti hai khalish dil men jahaan par thii wahin maaloom hoti hai tire jalvo se takra kar nahin maaloom hoti hai nazar bhi ek mauj-e-tah-nasheen maaloom hoti hai nukush-e-paa ke sadqe bandagi-ishq ke qurbaan mujhe har samt apni hi jabeen maaloom hoti hai mirii rag rag men yuñ to daudti hai ishq ki bijli kahii zaahir nahin hoti kahii maaloom hoti hai ye ejaz-e-nazar kab hai ye kab hai husn ki kaavish haseen jo cheez hoti hai haseen maaloom hoti hai umeedein tod de mire dil-e-muztar khuda-haafiz zabaan-e-husn par ab tak nahin maaloom hoti hai use kyun may-kada kahtaa hai batla de mire saaqi yahaañ ki sar-zameen khuld-e-bareen maaloom hoti hai are ai chaara-gar haan haan khalish tu jis ko kahtaa hai ye shay dil men nahin dil ke qareen maaloom hoti hai kisi ke paa-e-naazuk par jhuki hai aur nahin uthatii mujhe bahzaad ye apni jabeen maaloom hoti hai

khushi mehsoos karta hooñ na gham mehsoos karta hooñ magar haan dil men kuchh kuchh zer-o-bam mehsoos karta hooñ mohabbat ki ye nairangi bhi duniya se niraali hai alam koi nahin lekin alam mehsoos karta hooñ mirii nazaron men ab baaki nahin hai zauq-e-kufr-o-deen main ik markaz pe ab dair-o-haram mehsoos karta hooñ jo lutf-e-zindagaani mil raha tha ghatta jaata hai khalish jo dil men rahtii thii vo kam mehsoos karta hooñ tumhaare zikr par kab munhasir hai dil ki betaabi kisi ka zikr ho main chashm-e-nam mehsoos karta hooñ kabhi paata hooñ dil men ek hashr-e-dard-e-betaabi kabhi main apne dil men dard-o-gham mehsoos karta hooñ zabaan par mirii shikwa aa nahin saka zamaane ka ki har aalam ko main un ka karam mehsoos karta hooñ ye dil men hai jo ghabraahat ye aankhoñ men hai jo aañsu is ehsaan ko bhi baala-e-karam mehsoos karta hooñ khushi ki mujh ko ab bahzaad kuchh haajat nahin baaki ki gham ko bhi main ab un ka karam mehsoos karta hooñ

ik be-wafa ko pyaar kiya haaye kya kiya KHud dil ko be-qaraar kiya haaye kya kiya maaloom tha ki ahad-e-wafaa un ka jhooth hai is par bhi e'tibaar kiya haaye kya kiya vo dil ki jis pe qeemat-e-kaunain thii nisaar nazr-e-nigaah-e-yaar kiya haaye kya kiya KHud ham ne faash faash kiya raaz-e-aashiqi daaman ko taar taar kiya haaye kya kiya aahen bhi baar baar bhariin un ke hijr men naala bhi baar baar kiya haaye kya kiya mitne ka gham nahin hai bas itnaa malaal hi kyun teraa intizaar kiya haaye kya kiya ham ne to gham ko seene se apne laga liya gham ne ha men shikaar kiya haaye kya kiya sayyaad ki raza ye ham aañsu na pee sake uzr-e-gham-bahaar kiya haaye kya kiya qismat ne aah ham ko ye din bhi dikha diye qismat pe e'tibaar kiya haaye kya kiya rangeeni-e-khayaal se kuchh bhi na bach sakaa har shay ko pur-bahaar kiya haaye kya kiya dil ne bhula bhula ke tiri be-vafaiyaan phir ahd ustuvaar kiya haaye kya kiya un ke sitam bhi sah ke na un se kiya gilaa kyun jabr ikhtiyaar kiya haaye kya kiya kaafir ki chashm-e-naaz pe kya dil-jigar ka zikr eimaan tak nisaar kiya haaye kya kiya kaali ghatta ke uthte hi tauba na rah saki tauba pe e'tibaar kiya haaye kya kiya shaam-e-firaq qalb ke daaghoon ko gin liya taaron ko bhi shumaar kiya haaye kya kiya bahzaad ki na qadar koi tum ko ho saki tum ne zaleel-o-khwaar kya haaye kya kiya