mere bas men nahin varna qudrat ka likha hua kaatta tere hisse men aa.e bure din koi doosra kaatta laariyon se zyaada bahaav tha tere har ik lafz men main ishaara nahin kaat saka teri baat kya kaatta maine bhi zindagi aur shab e hijr kaatee hai sabki tarah vaise behtar to ye tha ke main kam se kam kuchh naya kaatta tere hote hue mombatti bujhaai kisi aur ne kya khushi rah gayi thii janmdin ki main cake kya kaatta koi bhi to nahin jo mere bhookhe rahne pe naaraz ho jail men teri tasveer hoti to hanskar saza kaatta

ye gham kya dil ki aadat hai nahin to kisi se kuchh shikaayat hai nahin to hai vo ik khwaab-e-be taabeer isko bhula dene ki niyat hai nahin to kisi ke bin kisi ki yaad ke bin ji.e jaane ki himmat hai nahin to kisi soorat bhi dil lagta nahin haan to kuchh din se ye haalaat hai nahin to tujhe jisne kahi ka bhi nahin rakha vo ek jaati si vehshat hai nahin to tere is haal par hai sab ko hairat tujhe bhi is pe hairat hai nahin to ham-aahangi nahin duniya se teri tujhe is par nadaamat hai nahin to vo darveshi jo taj kar aa gaya...tu yah daulat us ki qeemat hai nahin to hua jo kuchh yahii maqsoom tha kya yahii saari hikaayat hai nahin to aziyat-naak ummeedon se tujhko aman paane ki hasrat hai nahin to tu rehta hai khayaal-o-khvaab men gam to is wajah se fursat hai nahin to wahaan waalon se hai itni mohabbat yahaan waalon se nafrat hai nahin to sabab jo is judaai ka banaa hai vo mujhse khubsoorat hai nahin to

teri mushkil na badaaunga chala jaaunga ashk aankhoñ men chhupaaunga chala jaaunga apni dahleez pe kuchh der pada rahne de jaise hi hosh men aaunga chala jaaunga KHvaab lene koi aa.e ki na aa.e koi main to awaaz lagaauñga chala jaaunga chand yaaden mujhe bacchon ki tarah pyaari hain unko seene se lagaauñga chala jaaunga muddaton baad main aaya hooñ purane ghar men KHud ko jee bhar ke rulaaunga chala jaaunga is jazeera men ziyaada nahin rahna ab to aajkal naav banaoonga chala jaaunga mausam-e-gul ki tarah laut ke aaunga hasan har taraf phool khilaaoonga chala jaaunga

tum haqeeqat nahin ho hasrat ho jo mile KHvaab men vo daulat ho tum ho KHushboo ke KHvaab ki KHushboo aur itne hi bemuravvat ho kis tarah chhod doon tumhein jaanaan tum meri zindagi ki aadat ho kislie dekhte ho aaina tum to KHud se bhi khoobsurat ho dastaan khatm hone waali hai tum meri aakhiri muhabbat ho

vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

ham hi men thii na koi baat yaad na tum ko aa sake tum ne ha men bhula diya ham na tumhein bhula sake tum hi na sun sake agar qissa-e-gham sunega kaun kis ki zabaan khulegi phir ham na agar suna sake hosh men aa chuke the ham josh men aa chuke the ham bazm ka rang dekh kar sar na magar utha sake raunaq-e-bazm ban ga.e lab pe hikaayaten raheen dil men shikaayaten raheen lab na magar hila sake shauq-e-visaal hai yahaañ lab pe sawaal hai yahaañ kis ki majaal hai yahaañ ham se nazar mila sake aisa ho koi nama-bar baat pe kaan dhar sake sun ke yaqeen kar sake ja ke unhen suna sake izz se aur badh gaii barhamee-e-mizaaj-e-dost ab vo kare ilaaj-e-dost jis ki samajh men aa sake ahl-e-zabaan to hain bahut koi nahin hai ahl-e-dil kaun tiri tarah hafiz dard ke geet ga sake

ye mulaqaat mulaqaat nahin hoti hai baat hoti hai magar baat nahin hoti hai baaryaabi ka bura ho ki ab un ke dar par agle waqton ki mudaarat nahin hoti hai gham to ghanghor ghataon ki tarah uthte hain zabt ka dasht hai barsaat nahin hoti hai ye mira tajurba hai husn koi chaal chale baazi-e-ishq kabhi maat nahin hoti hai vasl hai naam ham-aahangi o yak-rangi ka vasl men koi burii baat nahin hoti hai hijr tanhaai hai suraj hai sawaa neze par din hi rehta hai yahaañ raat nahin hoti hai zabt-e-girya kabhi karta hooñ to farmaate hain aaj kya baat hai barsaat nahin hoti hai mujhe allah ki qasam she'r men tahseen-e-butaan main jo karta hooñ meri zaat nahin hoti hai fikr-e-takhleeq-e-sukhan masnad-e-raahat pe hafiz bais-e-kashf-o-karaamaat nahin hoti hai

mitne waali hasratein ijaad kar leta hooñ main jab bhi chaahoon ik jahaan aabaad kar leta hooñ main mujh ko in majbooriyon par bhi hai itnaa ikhtiyaar aah bhar leta hooñ main fariyaad kar leta hooñ main husn be-chaara to ho jaata hai akshar meherbaan phir use aamaada-e-be-daad kar leta hooñ main tu nahin kahtaa magar dekh o wafa-na-aashnaa apni hasti kis qadar barbaad kar leta hooñ main haan ye veeraana ye dil ye aarzooon ka mazaar tum kaho to phir ise aabaad kar leta hooñ main jab koi taaza museebat tootti hai ai hafiz ek aadat hai KHuda ko yaad kar leta hooñ main

koi davaa na de sake mashwara-e-dua diya charagaron ne aur bhi dard dil ka badha diya dono ko de ke sooraten saath hi aaina diya ishq bisorne laga husn ne muskuraa diya zaauq-e-nigaah ke siva shauq-e-gunaah ke siva mujh ko buton se kya mila mujh ko KHuda ne kya diya thii na khizaan ki rok-thaam daman-e-ikhtiyaar men ham ne bharii bahaar men apna chaman luta diya husn-e-nazar ki aabroo sanat-e-barahman se hai jis ko sanam banaa liya us ko KHuda banaa diya daagh hai mujh pe ishq ka meraa gunaah bhi to dekhus ki nigaah bhi to dekh jis ne ye gul khila diya ishq ki mamlakat men hai shorish-e-aql-e-na-muraad ubhara kahii jo ye fasaad dil ne wahin daba diya naqsh-e-wafa to main hi tha ab mujhe dhoondte ho kya harf-e-ghalat nazar pada tum ne mujhe mita diya khubs-e-darun dikha diya har dehan-e-ghaliz ne kuchh na kaha hafiz ne hañs diya muskuraa diya

husn ne seekheen ghareeb-aazaarriyaan ishq ki majbooriyaan laachaariyaan bah gaya dil hasraton ke KHoon men le gaiin beemaar ko beemaariyaan soch kar gham deejie aisa na ho aap ko karne pade gham-khwaariyaan daar ke qadmon men bhi pahunchee na aql ishq hi ke sar raheen sardaariyaan ik taraf jins-e-wafa qeemat-tabl ik taraf main aur mirii naadaariyaan hote hote jaan doobhar ho gaii badhte badhte badh gaiin be-zaariyaan tum ne duniya hi badal daali mirii ab to rahne do ye duniya-daariyaan