vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai nayi umron ki khudmukhtaariyon ko kaun samjh aa.e kahaan se bach ke chalna hai kahaan j aanaa zaroori hai thake haare parinde jab basere ke liye lautain saleeqamand shaakhon ka lachak j aanaa zaroori hai bahut bebaak aankhoñ men talluq tik nahin paata muhabbat men kashish rakhne ko sharm aanaa zaroori hai saleeqa hi nahin shaayad use mehsoos karne ka jo kahtaa hai KHuda hai to nazar aanaa zaroori hai mere honthon pe apni pyaas rakh do aur phir socho ki iske baad bhi duniya men kuchh p aanaa zaroori hai

sambhaalne se tabeeyat kahaan sambhalti hai vo be-kasi hai ki duniya ragon men chalti hai ye sard-mehr ujaala ye jeeti-jaagti raat tire khayal se tasveer-e-maah jaltee hai vo chaal ho ki badan ho kamaan jaisi kashish qadam se ghaat ada se ada nikalti hai tumhein khayal nahin kis tarah bataayen tumhein ki saans chalti hai lekin udaas chalti hai tumhaare shahar ka insaaf hai ajab insaaf idhar nigaah udhar zindagi badalti hai bikhar ga.e mujhe saanche men dhaalne waale yahaañ to zaat bhi saanche samet dhalti hai khizaan hai haasil-e-hangaama-e-bahaar khizaan bahaar phoolti hai kaayenaat phalti hai

palkon par hasrat ki ghataaein ham bhi paagal tum bhi jee na saken aur marte jaayen ham bhi paagal tum bhi dono apni aan ke sacche dono aql ke andhe haath badhaayein phir hat jaayen ham bhi paagal tum bhi KHvaab men jaise jaan chhuda kar bhag na sakne waale bhaagen aur wahin rah jaayen ham bhi paagal tum bhi sandal phoole jungle jaage naag fireen matwaale nange paanv chalen ghabraayein ham bhi paagal tum bhi

mohabbat ko gale ka haar bhi karte nahin banta kuchh aisi baat hai inkaar bhi karte nahin banta khuloos-e-naaz ki tauheen bhi dekhi nahin jaati shuur-e-husn ko bedaar bhi karte nahin banta tujhe ab kya kahein ai meherbaan apna hi rona hai ki saari zindagi eesaar bhi karte nahin banta sitam dekho ki us be-dard se apni ladai hai jise sharminda-e-paikaar bhi karte nahin banta ada ranjeedgi parwaanagi aansoo-bhari aañkhen ab itni saadgi kya pyaar bhi karte nahin banta jawaani meherbaani husn bhi achchhii museebat hai use achha use beemaar bhi karte nahin banta bhanwar se jee bhi ghabraata hai lekin kya kiya jaa.e tawaaf-e-mauj-e-kam-raftaar bhi karte nahin banta isee dil ko bharii duniya ke jhagde jhelne thehre yahii dil jis ko duniya-daar bhi karte nahin banta jalaati hai dilon ko sard-mehri bhi zamaane ki sawaal-e-garmi-e-baazaar bhi karte nahin banta khizaan un ki tavajjoh aisi naa-mumkin nahin lekin zaraa si baat par israar bhi karte nahin banta

ye jo ham kabhi kabhi sochte hain raat ko raat kya samajh sake in muaamlaat ko husn aur najaat men fasl-e-mashriqain hai kaun chahta nahin husn ko najaat ko ye sukoon-e-be-jihat ye kashish ajeeb hai tujh men band kar diya kis ne shash-jahaat ko saahil-e-khyaal par kahkashaan ki chhoot thii ek mauj le gaii in tajalliyaat ko aankh jab uthe bhar aa.e she'r ab kaha na jaa.e kaise bhool jaa.e vo bhoolne ki baat ko dekh ai mirii nigaah tu bhi hai jahaan bhi hai kis ne ba-khabar kiya doosre ki zaat ko kya ai mirii nigaah tu bhi hai jahaan bhi hai kis ne ba-khabar kaha doosre ki zaat ko kya hui rivaayatein ab hain kyun shikaayaten ishq-e-na-muraad se husn-e-be-sabaat ko ai bahaar-e-sar-giraan tu khizaan-naseeb hai aur ham taras ga.e tere iltifaat ko

haal aisa nahin ki tum se kahein ek jhagda nahin ki tum se kahein zer-e-lab aah bhi muhaal hui dard itnaa nahin ki tum se kahein tum zulekha nahin ki ham se kaho ham maseeha nahin ki tum se kahein sab samjhte hain aur sab chup hain koi kahtaa nahin ki tum se kahein kis se poochen ki vasl men kya hai hijr men kya nahin ki tum se kahein ab khizaan ye bhi kah nahin sakte tum ne poocha nahin ki tum se kahein