chala hai silsila kaisa ye raaton ko manaane ka tumhein haq de diya kisne diyon ke dil dukhaane ka iraada chhodiye apni hadon se door jaane ka zamaana hai zamaane ki nigaahon men na aane ka kahaan ki dosti kin doston ki baat karte ho miyaan dushman nahin milta koi ab to thikaane ka nigaahon men koi bhi doosra chehra nahin aaya bharosa hi kuchh aisa tha tumhaare laut aane ka ye main hi tha bacha ke KHud ko le aaya kinaare tak samandar ne bahut mauqa' diya tha doob jaane ka

kiya baadlon men safar zindagi bhar zameen par banaya na ghar zindagi bhar sabhi zindagi ke maze lootte hainna aaya ha men ye hunar zindagi bhar mohabbat rahi chaar din zindagi men raha chaar din ka asar zindagi bhar

pooch lete vo bas mizaaj mira kitna aasaan tha ilaaj mira chaara-gar ki nazar bataati hai haal achha nahin hai aaj mira main to rehta hooñ dasht men masroof qais karta hai kaam-kaaj mira koi kaasa madad ko bhej allah mere bas men nahin hai taaj mira main mohabbat ki baadshaahat hooñ mujh pe chaltaa nahin hai raaj mira

maheenon baad daftar aa rahe hain ham ek sad men se baahar aa rahe hain teri baahon se dil ukta gaya hain ab is jhoole men chakkar aa rahe hain kahaan soya hai chaukidaar meraa ye kaise log andar aa rahe hain samandar kar chuka tasleem hamko khajaane KHud hi u uupar aa rahe hain yahii ek din bacha tha dekhne ko use bas men bitha kar aa rahe hain

kya ghalatfahmi men rah jaane ka sadma kuchh nahin vo mujhe samjha to saka tha ki aisa kuchh nahin ishq se bach kar bhi banda kuchh nahin hota magar ye bhi sach hai ishq men bande ka bachta kuchh nahin jaane kaise raaz seene men li.e baitha hai vo zahr kha leta hai par munh se ugalta kuchh nahin shukr hai ki usne mujhse kah diya ki kuchh to hai main usse kehne hi vaala tha ki achha kuchh nahin

tamaam umr azaabon ka silsila to raha ye kam nahin ha men jeene ka hausla to raha guzar hi aa.e kisi tarah tere deewane qadam qadam pe koi sakht marhala to raha chalo na ishq hi jeeta na aql haar saki tamaam vaqt maze ka muqaabla to raha main teri zaat men gum ho sakaa na tu mujh men bahut qareeb the ham phir bhi fasla to raha ye aur baat ki har chhed la-ubaali thii tiri nazar ka dilon se moamala to raha

zaraa si baat pe har rasm tod aaya tha dil-e-tabah ne bhi kya mizaaj paaya tha guzar gaya hai koi lamha-e-sharar ki tarah abhii to main use pahchaan bhi na paaya tha muaaf kar na saki meri zindagi mujh ko vo ek lamha ki main tujh se tang aaya tha shagufta phool simat kar kali bane jaise kuchh is kamaal se tu ne badan churaaya tha pata nahin ki mire baad un pe kya guzri main chand KHvaab zamaane men chhod aaya tha

chaunk chaunk uthatii hai mahlon ki fazaa raat ga.e kaun deta hai ye galiyon men sadaa raat ga.e ye haqaaiq ki chataanon se taraashi duniya odh letii hai tilismon ki rida raat ga.e chubh ke rah jaati hai seene men badan ki khushboo khol deta hai koi band-e-qaba raat ga.e aao ham jism ki shamon se ujaala kar len chaand niklaa bhi to niklega zaraa raat ga.e tu na ab aa.e to kya aaj talak aati hai seedhiyon se tire qadmon ki sadaa raat ga.e

zameen hogii kisi qaateel ka daamaan ham na kahte the akaarat jaayega khun-e-shaheedaan ham na kahte the ilaaj-e-chaak-e-pairaahan hua to is tarah hogaa siya jaayega kaanton se garebaan ham na kahte the taraane kuchh diye lafzon men KHud ko qaid kar lenge ajab andaaz se failega zindaan ham na kahte the koi itnaa na hogaa laash bhi le ja ke dafna de inheen sadkon pe mar jaayega insaan ham na kahte the nazar lipti hai sholon men lahu tapta hai aankhoñ men utha hi chahta hai koi toofaan ham na kahte the chhalakte jaam men bheegi hui aañkhen utar aayein sataayegi kisi din yaad-e-yaaraan ham na kahte the nayi tahzeeb kaise lucknow ko raas aayegi ujad jaayega ye sheher-e-ghazaalaan ham na kahte the

vo log hi har daur men mahboob rahe hain jo ishq men taalib nahin matlab rahe hain toofaan ki awaaz to aati nahin lekin lagta hai safeene se kahii doob rahe hain un ko na pukaaro gham-e-dauraan ke laqab se jo dard kisi naam se mansoob rahe hain ham bhi tiri soorat ke parastaar hain lekin kuchh aur bhi chehre ha men marghoob rahe hain alfaaz men izhaar-e-mohabbat ke tariqe KHud ishq ki nazaron men bhi maayub rahe hain is ahad-e-baseerat men bhi naqqaad hamaare har ek bade naam se mar'oub rahe hain itnaa bhi na ghabraao nayi tarz-e-ada se har daur men badle hue usloob rahe hain