mere bas men nahin varna qudrat ka likha hua kaatta tere hisse men aa.e bure din koi doosra kaatta laariyon se zyaada bahaav tha tere har ik lafz men main ishaara nahin kaat saka teri baat kya kaatta maine bhi zindagi aur shab e hijr kaatee hai sabki tarah vaise behtar to ye tha ke main kam se kam kuchh naya kaatta tere hote hue mombatti bujhaai kisi aur ne kya khushi rah gayi thii janmdin ki main cake kya kaatta koi bhi to nahin jo mere bhookhe rahne pe naaraz ho jail men teri tasveer hoti to hanskar saza kaatta

ye gham kya dil ki aadat hai nahin to kisi se kuchh shikaayat hai nahin to hai vo ik khwaab-e-be taabeer isko bhula dene ki niyat hai nahin to kisi ke bin kisi ki yaad ke bin ji.e jaane ki himmat hai nahin to kisi soorat bhi dil lagta nahin haan to kuchh din se ye haalaat hai nahin to tujhe jisne kahi ka bhi nahin rakha vo ek jaati si vehshat hai nahin to tere is haal par hai sab ko hairat tujhe bhi is pe hairat hai nahin to ham-aahangi nahin duniya se teri tujhe is par nadaamat hai nahin to vo darveshi jo taj kar aa gaya...tu yah daulat us ki qeemat hai nahin to hua jo kuchh yahii maqsoom tha kya yahii saari hikaayat hai nahin to aziyat-naak ummeedon se tujhko aman paane ki hasrat hai nahin to tu rehta hai khayaal-o-khvaab men gam to is wajah se fursat hai nahin to wahaan waalon se hai itni mohabbat yahaan waalon se nafrat hai nahin to sabab jo is judaai ka banaa hai vo mujhse khubsoorat hai nahin to

teri mushkil na badaaunga chala jaaunga ashk aankhoñ men chhupaaunga chala jaaunga apni dahleez pe kuchh der pada rahne de jaise hi hosh men aaunga chala jaaunga KHvaab lene koi aa.e ki na aa.e koi main to awaaz lagaauñga chala jaaunga chand yaaden mujhe bacchon ki tarah pyaari hain unko seene se lagaauñga chala jaaunga muddaton baad main aaya hooñ purane ghar men KHud ko jee bhar ke rulaaunga chala jaaunga is jazeera men ziyaada nahin rahna ab to aajkal naav banaoonga chala jaaunga mausam-e-gul ki tarah laut ke aaunga hasan har taraf phool khilaaoonga chala jaaunga

tum haqeeqat nahin ho hasrat ho jo mile KHvaab men vo daulat ho tum ho KHushboo ke KHvaab ki KHushboo aur itne hi bemuravvat ho kis tarah chhod doon tumhein jaanaan tum meri zindagi ki aadat ho kislie dekhte ho aaina tum to KHud se bhi khoobsurat ho dastaan khatm hone waali hai tum meri aakhiri muhabbat ho

itnaa majboor na kar baat banaane lag jaayen ham tere sar kii qasam jhooth hi khaane lag jaayen itne sannaate pi.e meri sama'at ne ki ab sirf aavaaz pe chaahoon to nishaane lag jaayen chaliye kuchh aur nahin aah-shumaarii hi sahi ham kisi kaam to is dil ke bahaane lag jaayen ham vo gum-gasht-e-mohabbat hain ki tum to kya ho khud ko ham dhoondhne niklen to zamaane lag jaayen khvaab kuchh aise dikhaaye hain faqiri ne mujhe jin kii ta'beer men shahon ke khazaane lag jaayen main agar apni jawaani ke suna doon qisse ye jo launde hain mire paanv dabane lag jaayen

har ek shaKHs pareshaan-o-dar-badar sa lage ye shahar mujh ko to yaaro koi bhanwar sa lage ab us ke tarz-e-tajaahul ko kya kahe koi vo be-KHabar to nahin phir bhi be-KHabar sa lage har ek gham ko khushi ki tarah bartana hai ye daur vo hai ki jeena bhi ik hunar sa lage nashaat-e-sohbat-e-rindaan bahut ghaneemat hai ki lamha lamha pur-aashob-o-pur-khatr sa lage kise khabar hai ki duniya ka hashr kya hogaa kabhi kabhi to mujhe aadmi se dar sa lage vo tund vaqt ki rau hai ki paanv tik na saken har aadmi koi ukhadta hua shajar sa lage jahaan-e-nau ke mukammal singaar ki khaatir sadi sadi ka zamaana bhi mukhtasar sa lage

zaraa si baat pe har rasm tod aaya tha dil-e-tabah ne bhi kya mizaaj paaya tha guzar gaya hai koi lamha-e-sharar ki tarah abhii to main use pahchaan bhi na paaya tha muaaf kar na saki meri zindagi mujh ko vo ek lamha ki main tujh se tang aaya tha shagufta phool simat kar kali bane jaise kuchh is kamaal se tu ne badan churaaya tha pata nahin ki mire baad un pe kya guzri main chand KHvaab zamaane men chhod aaya tha

zindagi tujh ko bhulaaya hai bahut din ham ne vaqt KHvaabon men ganwaaya hai bahut din ham ne ab ye neki bhi ha men jurm nazar aati hai sab ke aibon ko chhupaaya hai bahut din ham ne tum bhi is dil ko dukha lo to koi baat nahin apna dil aap dukhaaya hai bahut din ham ne muddaton tark-e-tamanna pe lahu roya hai ishq ka qarz chukaaya hai bahut din ham ne kya pata ho bhi sake is ki talaafi ki nahin shayari tujh ko ganwaaya hai bahut din ham ne

hausla kho na diya teri nahin se ham ne kitnii shiknon ko chuna teri jabeen se ham ne vo bhi kya din the ki deewaana bane firte the sun liya tha tire baare men kahii se ham ne jis jagah pahle-pahl naam tira aata hai dastaan apni sunaai hai wahin se ham ne yuñ to ehsaan haseenon ke uthaaye hain bahut pyaar lekin jo kiya hai to tumheen se ham ne kuchh samajh kar hi KHuda tujh ko kaha hai warna kaun si baat kahii itne yaqeen se ham ne

har ek rooh men ik gham chhupa lage hai mujhe ye zindagi to koi bad-dua lage hai mujhe pasand-e-khaatir-e-ahl-e-wafa hai muddat se ye dil ka daagh jo KHud bhi bhala lage hai mujhe jo aañsuon men k abhii raat bheeg jaati hai bahut qareeb vo aawaaz-e-paa lage hai mujhe main so bhi jaaun to kya meri band aankhoñ men tamaam raat koi jhaankta lage hai mujhe main jab bhi us ke khayaalon men kho sa jaata hooñ vo KHud bhi baat kare to bura lage hai mujhe main sochta tha ki lautunga ajnabi ki tarah ye meraa gaav to pahchaanta lage hai mujhe na jaane vaqt ki raftaar kya dikhaati hai k abhii k abhii to badaa khauf sa lage hai mujhe bikhar gaya hai kuchh is tarah aadmi ka vujood har ek fard koi saanehaa lage hai mujhe ab ek aadh qadam ka hisaab kya rakhiye abhii talak to vahii fasla lage hai mujhe hikaayat-e-gham-e-dil kuchh kashish to rakhti hai zamaana ghaur se sunta hua lage hai mujhe