kahaan ham ghazal ka hunar jaante hain magar is zabaan ka asar jaante hain ye vo husn jis..ko nikhaara gaya hai naya kuchh nahin ham KHabar jaante hain ki hai jo qafas men vo panchi rihaa ho parinde zameen ke shajar jaante hain faqat rooh ke naam hai ishq lekin badan ke hawaale se ghar jaante hain fulaan hai fulaan ka yaqeen hain ha men bhi suno ham use sar-b-sar jaante hain ki ab yuñ sikhaao na rasm-e-siyasat jhukaana kahaan hai ye sar jaante hain

zindagi ik film hai milnaa bichadna seen hain aankh ke aañsu tire kirdaar ki tauheen hain ek hi mausam vahii manzar khatkane lagta hai sach ye hai ham aadatan badlaav ke shauqeen hain neend men palkon se mirii rang chalke raat bhar aankh men hain titliyan to KHvaab bhi rangeen hain raah takti raat ka ye rang hai tere bina chaand bhi mayus hai taare bhi sab ghamgeen hain ungliyon pe gin mirii tanhaaiyon ke hamsafar ik udaasi jaam dooja yaad teri teen hain qaayede se kab jiya hai zindagi maine tujhe main tira mujrim hooñ mere jurm to sangeen hain khushnuma maahol tha kal tak thirakte the sabhi aaj aaKHir kya hua hai log kyuuñ ghamgeen hain

rona-dhona sirf dikhaava hota hai kaun mire jaane se tanhaa hota hai uski tees nahin jaati hai saari umar pehla dhoka pehla dhoka hota hai naam bhi uskaa yaad nahin rakh paate ham galiyaan galiyaan jisepukaara hota hai saari baatein yaad ha men aa jaati hai lekin jab vo uthne vaala hota hai mar jaata hai tanj bhare ik jumle se koi-koi to itnaa zinda hota hai aansoo bhi ham kharch wahin par karte hain jahaan koi dil rakhne vaala hota hai bematlab ki bheed lagaane waalon se jaane vaala aur akela hota hai ghar men ise mehsoos karo ya sehra men sannaata to bas sannaata hota hai achchhe chehre achchhe chehre hote hain un men bhi ik apna vaala hota hai

daad to baad men kamaayenge pahle ham sochna sikhaayenge main kahii ja nahin raha lekin aap kya mere saath aayenge koi khidki khulegi raat ga.e kaii apni muraad paayenge khul ke rone pe ikhtiyaar nahin ham koi jashn kya manaaenge hasenge teri bad-havaasi par log rastaa nahin bataaenge tum uthaoge koi ranj mira dost ahbaab haz uthaaenge ha men apni talash men mat bhej khadi faslen ujaad aayenge

dil ko teri KHvaahish pahli baar hui is sehra men baarish pahli baar hui maangne waale heere moti maangte hain ashkon ki basaaoge pahli baar hui doobne waale ik ik kar ke aa jaayen dariyaa men gunjaish pahli baar hui

yuñ bhi katne laga hooñ ab main ghair-munaasib yaaron se baarish vafaa nahin kar sakti miTTi ki deewaron se dukhe hue logon ki dukhti rag ko choona theek nahin vaqt nahin poocha karte hain yaaron vaqt ke maaron se aashiq hain to 'aashiq waale jalwe bhi dikhlaayen aap kapde faadein khaaq udaayein sar maarein deewaron se aur chaman gar apna hai to iska sabkuchh apna hai beshak phool pe phool lutaaein khaar na khaayein khaaron se

ham ko mushkil men rahne de chaaragar aasaani se mar jaaenge samjha kar awwal awwal ham bhi tere jaise the ham bhi KHush hote the dekh ke KHush manzar naql-makaani shauq nahin majboori thii main ghar se na chaltaa kaise chaltaa ghar un ko bas tanqeed hi karne hoti hai un ko kya maaloom ghazal ke pas manzar

haalaat is kadar na the dushwaar theek the charagari se qabl ye beemaar theek the bekar ho ga.e hue hain jab se kaargar isse to meri jaan ham bekar theek the us paar lag raha tha ki is paar mauj hai is paar sochte hain ki us paar theek the the yuñ bhi apne chaahne waale bahut ki ham insaan to jaise bhi the fankaar theek the

umr bhar yuñ hi jalte rahe raushni bhi nahin kar sake gaav karna tha raushan ha men ik gali bhi nahin kar sake ham ko itnaa daraaya gaya mere maula tere naam se tere bande kabhi theek se bandagi bhi nahin kar sake bekhu dii men uthe the qadam aa phnse aise raaste pe ham manzilen bhi nahin mil saki waapsi bhi nahin kar sake chhote ghar ke bade the so ham zimmedaari nibhaate rahe aashiqi to ba dii baat thii khudkushi bhi nahin kar sake kaam do hi the karne ha men aashiqi ya to phir shayari aashiqi bhi nahin kar sake shayari bhi nahin kar sake

ye lagbhag ghair-mumkin hai khudaaya par nikal jaa.e charagon ke dimaagon se hawa ka dar nikal jaa.e isee dar se safar bhar men kahii aañkhen nahin jhapki kahii aisa na ho ghalti se teraa ghar nikal jaa.e tareeqa ek hi hai bas sukoon paane ka duniya men yahaañ se dil nikal jaa.e yahaañ se sar nikal jaa.e