bheed to ooncha hi sunegi dost meri awaaz gir padegi dost meri taqdeer teri khidki hai meri taqdeer kab khulegi dost gaav meraa bahut hi chhota hai teri gaadi nahin rukegi dost dosti lafz men hi do hai do sirf teri nahin chalegi dost

pyaar men jism ko yaksar na mita jaane de qurbat-e-lams ko gaali na banaa jaane de tu jo har roz naye husn pe mar jaata hai tu bataaega mujhe ishq hai kya jaane de chaai peete hain kahiin baith ke dono bhai ja chuki hai naa to bas chhod chal aa jaane de

abhii ik shor sa utha hai kahii koi KHaamosh ho gaya hai kahii hai kuchh aisa ki jaise ye sab kuchh is se pahle bhi ho chuka hai kahii tujh ko kya ho gaya ki cheezein ko kahii rakhta hai dhoondhta hai kahii jo yahaañ se kahii na jaata tha vo yahaañ se chala gaya hai kahii aaj shamshaan ki si boo hai yahaañ kya koi jism jal raha hai kahii ham kisi ke nahin jahaan ke siva aisi vo khaas baat kya hai kahii tu mujhe dhundh main tujhe dhundhun koi ham men se rah gaya hai kahii kitnii vehshat hai darmiyaan-e-hujoom jis ko dekho gaya hua hai kahii main to ab shahar men kahii bhi nahin kya mira naam bhi likha hai kahii

vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

mujhe udaas kar ga.e ho KHush raho mire mizaaj par ga.e ho KHush raho mire li.e na ruk sake to kya hua jahaan kahiin thehar ga.e ho KHush raho khushi hui hai aaj tum ko dekh kar bahut nikhar sanwar ga.e ho KHush raho udaas ho kisi ki be-vafaaii par vafaa kahiin to kar ga.e ho KHush raho gali men aur log bhi the aashna ha men salaam kar ga.e ho KHush raho tumhein to meri dosti pe naaz tha isee se ab mukar ga.e ho KHush raho kisi ki zindagi bano ki bandagi mire li.e to mar ga.e ho KHush raho

ghar ki buni yaaden deewarein baam-o-dar the baabu jee sab ko baandh ke rakhne vaala khaas hunar the baabu jee teen mohallon men un jaisi qad kaathee ka koi na tha achhe-khaase unche poore qad-aavar the baabu jee ab to us soone maathe par kore-pan ki chadar hai amma jee ki saari saj-dhaj sab zevar the baabu jee bheetar se khaalis jazbaati aur u uupar se theth pitaa alag anootha anbuujha sa ik tevar the baabu jee kabhi badaa sa haath-kharch the kabhi hatheli ki soojan mere man ka aadha saahas aadha dar the baabu jee

ye aur baat door rahe manzilon se ham bach kar chale hamesha magar qaafilon se ham hone ko phir shikaar nayi uljhnon se ham milte hain roz apne kaii doston se ham barson fareb khaate rahe doosron se ham apni samajh men aa.e badi mushkilon se ham manzil ki hai talab to ha men saath le chalo waqif hain khoob raah ki bareekiyo se ham jin ke paron pe subh ki KHushboo ke rang hain bachpan udhaar l aa.e hain un titliyon se ham kuchh to hamaare beech kabhi dooriyaan bhi hon tang aa ga.e hain roz ki nazdeekiyon se ham guzre hamaare ghar ki kisi raahguzaar se vo parde hataayein dekhen unhen khidkiyon se ham jab bhi kaha ki yaad hamaari kahaan unhen pakde ga.e hain theek tabhi hichkiyon se ham

theek hua jo bik ga.e sainik mutthi bhar deenaaron men vaise bhi to zang laga tha pushtaini hathiyaaron men sard nason men chalte chalte garm lahu jab barf hua chaar padosi jism utha kar jhonk aa.e angaaron men kheton ko mutthi men bharna ab tak seekh nahin paaya yuñ to meraa jeevan beeta saamanti ayyaaron men kaise us ke chaal-chalan men angrezee andaaz na ho aaKHir us ne saansen leen hain pachhim ke darbaaron men nazdeeki akshar doori ka kaaran bhi ban jaati hai soch-samajh kar ghulna-milna apne rishte-daaron men chaand agar poora chamke to us ke daagh khatkate hain ek na ek buraai tay hai saare izzat-daaron men

har baar hua hai jo vahii to nahin hogaa dar jis ka sataata hai abhii to nahin hogaa duniya ko chalo parkein naye dost banaayein har shaKHs zamaane men vahii to nahin hogaa vo shaKHs badaa hai to galat ho nahin saka duniya ko bharosa ye abhii to nahin hogaa hai us ka ishaara bhi samajhne ki zaroorat hogaa to k abhii hogaa abhii to nahin hogaa do-chaar gadde murde ukhaadenge kisi roz har baar naya jhagda k abhii to nahin hogaa kuchh aur bhi ho saka hai taqreer ka matlab jo aap ne samjha hai vahii to nahin hogaa har baar zamaane ka sitam hogaa mujhi par haan main hi badal jaaun k abhii to nahin hogaa

agar safar men mire saath miraa yaar chale tawaaf karta hua mausam-e-bahaar chale laga ke vaqt ko thokar jo khaaksaar chale yaqeen ke qafile hamraah be-shumaar chale nawaazna hai to phir is tarah nawaaz mujhe ki mire ba'd miraa zikr baar baar chale ye jism kya hai koi pairhan udhaar ka hai yahiin sanbhaal ke pahna yahiin utaar chale ye jugnuon se bhara aasmaañ jahaan tak hai vahaañ talak tiri nazaron ka iqtidaar chale yahii to ek tamannaa hai is musaafir ki jo tum nahin to safar men tumhaara pyaar chale