baat muqaddar ki hai saari waqt ka likkha maarta hai kuchh sajdon men mar jaate hain kuchh ko sajda maarta hai sirf ham hi hain jo tujh par poore ke poore marte hain varna kisi ko teri aañkhen kisi ko lahza maarta hai dilwaale ek dooje ki imdaad ko KHud mar jaate hain duniyadaar ko jab bhi maare duniyaavaala maarta hai shahar men ek naye kaatil ke husn-e-sukhan ke balve hain usse bach ke rahna she'r suna ke banda maarta hai

phir mirii yaad aa rahi hogii phir vo deepak bujha rahi hogii phir mire facebook pe aa kar vo KHud ko banner banaa rahi hogii apne bete ka choom kar maatha mujh ko teeka laga rahi hogii phir usii ne use chhua hogaa phir usii se nibha rahi hogii jism chadar sa bich gaya hogaa rooh silvat hata rahi hogii phir se ik raat kat gaii hogii phir se ik raat aa rahi hogii

meraa khazana zamaane ke haath ja na lage tujhe kisi kii kisi ko teri hawa na lage main ek jism ko chakhna to chahta hooñ magar kuchh is tarah ki mere munh ko zaika na lage ha men laga so laga khud-aziyyati ka nasha dua karo ki tumhein baddua dua na lage dua karo ki kisi ka na dil lage tumse lage to aur kisi se laga hua na lage hasad kiya ho tere rizq se kabhi maine to mujh...ko apni kamaai hui ghiza na lage ha men hi ishq kii tashheer chahiye varna pata na lagne diya jaa.e to pata na lage pada raha main kisi aur hi bakhede men bahut se qeemti jazbe kisi disha na lage banaa raha hooñ tasavvur men ek muddat se ek aisa shahar jise koii raasta na lage ha men to usse muhabbat hai aur behad hai agar use nahin lagta to kya hua na lage kise khushi nahin hoti sarahae jaane kii magar vo dost hi kya hai jo aaina na lage kabhi khabaar jo rakhne lage zabaan ka bharam vo ab bhi kya nahin lagta majeed kya na lage yahii kahunga ki javvaad bach bacha ke zaraa agar kisi ka raviya baradara na lage

kise khabar hai ki umr bas us pe ghaur karne men kat rahi hai ki ye udaasi hamaare jismoon se kis khushi men lipt rahi hai ajeeb dukh hai ham us ke hokar bhi us ko choone se dar rahe hain ajeeb dukh hai hamaare hisse ki aag auron men bat rahi hai main us ko har roz bas yahii ek jhooth sunne ko phone karta suno yahaañ koi mas’ala hai tumhaari awaaz kat rahi hai mujh aise pedon ke sookhne aur sabz hone se kya kisi ko ye bel shaayad kisi museebat men hai jo mujh se lipt rahi hai ye vaqt aane pe apni aulaad apne azdaad bech degi jo fauj dushman ko apna saalar girvi rakh kar palat rahi hai so is ta'alluq men jo galat-fahmiyaan theen ab door ho rahi hain ruki hui gaadiyon ke chalne ka vaqt hai dhundh chhat rahi hai

rooh jism ka thaur thikaana chaltaa rehta hai jeena marna khona paana chaltaa rehta hai sukh dukh waali chadar ghatti badhti rahtii hai maula teraa taana waana chaltaa rehta hai ishq karo to jeete jee mar jaana padta hai mar kar bhi lekin jurmaana chaltaa rehta hai jin nazaron ne kaam dilaayaa ghazlein kehne ka aaj talak unko nazraana chaltaa rehta hai

vo dhal raha hai to ye bhi rangat badal rahi hai zameen suraj ki ungliyon se fisal rahi hai jo mujh ko zinda jala rahe hain vo be-KHabar hain ki meri zanjeer dheere dheere pighal rahi hai main qatl to ho gaya tumhaari gali men lekin mire lahu se tumhaari deewaar gal rahi hai na jalne paate the jis ke choolhe bhi har savere suna hai kal raat se vo bastii bhi jal rahi hai main jaanta hooñ ki KHaamushi men hi maslahat hai magar yahii maslahat mire dil ko khal rahi hai kabhi to insaan zindagi ki karega izzat ye ek ummeed aaj bhi dil men pal rahi hai

hamaare dil men ab talkhi nahin hai magar vo baat pahle si nahin hai mujhe mayus bhi karti nahin hai yahii aadat tiri achchhii nahin hai bahut se faaede hain maslahat men magar dil ki to ye marzi nahin hai har ik ki dastaan sunte hain jaise kabhi ham ne mohabbat ki nahin hai hai ik darwaaze bin deewar-e-duniya mafar gham se yahaañ koi nahin hai

shahar ke dukaa'n-daaro kaarobaar-e-ulfat men sood kya ziyaan kya hai tum na jaan paoge dil ke daam kitne hain KHvaab kitne mehnge hain aur naqd-e-jaan kya hai tum na jaan paoge koi kaise milta hai phool kaise khilta hai aankh kaise jhukti hai saans kaise rukti hai kaise rah nikalti hai kaise baat chalti hai shauq ki zabaan kya hai tum na jaan paoge vasl ka sukoon kya hai hijr ka junoon kya hai husn ka fusoon kya hai ishq ka daroon kya hai tum mareez-e-daanaai maslahat ke shaidai raah-e-gum-rahan kya hai tum na jaan paoge zakham kaise phalte hain daagh kaise jalte hain dard kaise hota hai koi kaise rota hai ashk kya hai naale kya dasht kya hai chaale kya aah kya fugaan kya hai tum na jaan paoge na-muraad dil kaise subh-o-shaam karte hain kaise zinda rahte hain aur kaise marte hain tum ko kab nazar aayi gham-zadon ki tanhaaii zeest be-amaan kya hai tum na jaan paoge jaanta hooñ main tum ko zaauq-e-shaayari bhi hai shakhsiyat sajaane men ik ye maahri bhi hai phir bhi harf chunte ho sirf lafz sunte ho un ke darmiyaañ kya hai tum na jaan paoge

mere dil men utar gaya suraj teergii men nikhar gaya suraj dars de kar ha men ujaale ka KHud andhere ke ghar gaya suraj ham se vaa'da tha ik savere ka haaye kaise mukar gaya suraj chaandni aks chaand aaina aaine men sanwar gaya suraj doobte vaqt zard tha utna log samjhe ki mar gaya suraj

pyaas ki kaise laaye taab koi nahin dariyaa to ho saraab koi zakhm-e-dil men jahaan mahakta hai isee kyaari men tha gulaab koi raat bajti thii door shehnai roya pee kar bahut sharaab koi dil ko ghere hain rozgaar ke gham rad dii men kho gaii kitaab koi kaun sa zakham kis ne bakhsha hai is ka rakhe kahaan hisaab koi phir main sunne laga hooñ is dil ki aane vaala hai phir azaab koi shab ki dahleez par shafaq hai lahu phir hua qatl aftaab koi