kyun darein zindagi men kya hogaa kuchh na hogaa to tajurba hogaa hansati aankhoñ men jhaank kar dekho koi aañsu kahii chhupa hogaa in dinon na-umeed sa hooñ main shaayad usne bhi ye suna hogaa dekhkar tumko sochta hooñ main kya kisi ne tumhein chhua hogaa

ye gham kya dil ki aadat hai nahin to kisi se kuchh shikaayat hai nahin to hai vo ik khwaab-e-be taabeer isko bhula dene ki niyat hai nahin to kisi ke bin kisi ki yaad ke bin ji.e jaane ki himmat hai nahin to kisi soorat bhi dil lagta nahin haan to kuchh din se ye haalaat hai nahin to tujhe jisne kahi ka bhi nahin rakha vo ek jaati si vehshat hai nahin to tere is haal par hai sab ko hairat tujhe bhi is pe hairat hai nahin to ham-aahangi nahin duniya se teri tujhe is par nadaamat hai nahin to vo darveshi jo taj kar aa gaya...tu yah daulat us ki qeemat hai nahin to hua jo kuchh yahii maqsoom tha kya yahii saari hikaayat hai nahin to aziyat-naak ummeedon se tujhko aman paane ki hasrat hai nahin to tu rehta hai khayaal-o-khvaab men gam to is wajah se fursat hai nahin to wahaan waalon se hai itni mohabbat yahaan waalon se nafrat hai nahin to sabab jo is judaai ka banaa hai vo mujhse khubsoorat hai nahin to

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

bas ik usii pe to poori tarah ayaan hoon main vo kah raha hai mujhe raigaan to haan hoon main jise dikhaai doon meri taraf ishaara kare mujhe dikhaai nahin de raha kahaan hoon main idhar-udhar se nami ka risaav rehta hai sadak se neeche banaya gaya makaan hoon main kisi ne poocha ki tum kaun ho to bhool gaya abhii kisi ne bataaya to tha falan hoon main main KHud ko tujh se mitaaounga ehtiyaat ke saath tu bas nishaan laga de jahaan jahaan hoon main main kis se poochhun ye rastaa durust hai ki galat jahaan se koi guzarta nahin vahaan hoon main

yaad tab karte ho karne ko na ho jab kuchh bhi aur kahte ho tumhein ishq hai matlab kuchh bhi ab jo aa aa ke bataate ho vo shaKHs aisa tha jab mere saath tha vo kyun na kaha tab kuchh bhi waqfe-waqfe se mujhe dekhne aate rahna hijr ki shab hai so ho saka hai is shab kuchh bhi

ye bataa yaum-e-mohabbat ka samaan hai ki nahin shahar ka shahar gulaabon ki dukaaan hai ki nahin aadatan uske li.e phool khareede varna nahin maaloom vo is baar yahaañ hai ki nahin ye tere baad jo leta hooñ main lambi saansen mujh...ko ye jaanna hai jism men jaañ hai ki nahin ham to phoolon ke evaz phool liya karte hain kya khabar iska rivaaz aap ke yahaañ hai ki nahin us gali ka to pata theek bataaya tune ye bataa us men vo dildaar makaan hai ki nahin pahle to mujh...ko dilaate hai vo ghussa taabish aur phir poochte hai munh men zabaan hai ki nahin

tootte ishq men kuchh haath bantaate jaate saara malba mere u uupar na giraate jaate itni ujlat men bhi kya aankh se ojhal hona ja rahe the to mujhe tum nazar aate jaate kam se kam rakhta palatne ki tavqko tum se haath men haath liya tha to dabate jaate kin andheron men mujhe chhod diya hai tumne is se behtar tha mujhe aag lagaate jaate main bhi hota tere raaste ke darakhton men darakht is tarah dekh to leta tujhe aate jaate

koi takra ke subuk-sar bhi to ho saka hai meri ta'aamir men patthar bhi to ho saka hai kyun na ai shaKHs tujhe haath laga kar dekhooñ tu mire vaham se badh kar bhi to ho saka hai tu hi tu hai to phir ab jumla jamaal-e-duniya teraa shak aur kisi par bhi to ho saka hai ye jo hai phool hatheli pe ise phool na jaan meraa dil jism se baahar bhi to ho saka hai shaakh par baithe parinde ko udaane waale ped ke haath men patthar bhi to ho saka hai kya zaroori hai ki baahar hi numoo ho meri meraa khilna mire andar bhi to ho saka hai ye jo hai ret ka teela mire qadmon ke tale koi dam men mire u uupar bhi to ho saka hai kya zaroori hai ki ham haar ke jeeten taabish ishq ka khel barabar bhi to ho saka hai

ab nazarandaaz karne ki bhi aasaani nahin kaunsi si ja hai jahaan main zer-e-nigraani nahin baat kar ai khoobsurat shakhs koi baat kar aur saabit kar tujhe koi pareshaani nahin ham guzaarish par guzaara kar rahe hai in dinon tujhse tujhko cheen lene ki abhii thaanii nahin

dasht men pyaas bujhaate hue mar jaate hain ham parinde kahiin jaate hue mar jaate hain ham hain sukhe hue taalaab pe baithe hue hans jo muqaddam ko nibhaate hue mar jaate hain ghar pahunchta hai koii aur hamaare jaisa ham tere shahar se jaate hue mar jaate hain kis tarah log chale jaate hain uth kar chup chaap ham to ye dhyaan men late hue mar jaate hain un ke bhi qatl ka ilzaam hamaare sar hai jo ha men zehar pilaate hue mar jaate hain ye mohabbat kii kahaanii nahin marti lekin log kirdaar nibhaate hue mar jaate hain ham hain vo tooti hui kashtiyon waale taabish jo kinaaron ko milaate hue mar jaate hain