baithe hain chain se kahii j aanaa to hai nahin ham be-gharon ka koi thik aanaa to hai nahin tum bhi ho beete vaqt ke maanind hoo-b-hoo tum ne bhi yaad aanaa hai aanaa to hai nahin ahad-e-wafaa se kis li.e khaif ho meri jaan kar lo ki tum ne ahd nibh aanaa to hai nahin vo jo ha men aziz hai kaisa hai kaun hai kyun poochte ho ham ne bat aanaa to hai nahin duniya ham ahl-e-ishq pe kyun fenkti hai jaal ham ne tire fareb men aanaa to hai nahin vo ishq to karega magar dekh bhaal ke faris vo tere jaisa deewana to hai nahin

zane haseen thii aur phool chun kar laati thii main she'r kahtaa tha vo dastaan sunaati thii arab lahu tha ragon men badan sunhara tha vo muskuraati nahin thii dii.e jalaati thii ali se door raho log usse kahte the vo meraa sach hai bahut cheekh kar bataati thii ali ye log tumhein jaante nahin hain abhii gale lagaakar meraa hausla badhaati thii ye phool dekh rahe ho ye uskaa lahjaa tha ye jheel dekh rahe ho yahaañ vo aati thii main uske baad k abhii theek se nahin jaaga vo mujh...ko khwaab nahin neend se jagati thii use kisi se mohabbat thii aur vo main nahin tha ye baat mujhse zyaada use roolaati thii main kuchh bataa nahin saka vo meri kya thii ali ki us..ko dekhkar bas apni yaad aati thii

haath khaali hain tire shahar se jaate jaate jaan hoti to mirii jaan lutate jaate ab to har haath ka patthar ha men pahchaanta hai umr guzri hai tire shahar men aate jaate ab ke mayus hua yaaron ko ruksat kar ke ja rahe the to koi zakham lagaate jaate renagne ki bhi ijaazat nahin ham ko warna ham jidhar jaate naye phool khilaate jaate main to jalte hue seharaaon ka ik patthar tha tum to dariyaa the mirii pyaas bujhaate jaate mujh ko rone ka saleeqa bhi nahin hai shaayad log hanste hain mujhe dekh ke aate jaate ham se pahle bhi musaafir kaii guzre honge kam se kam raah ke patthar to hataate jaate

ik pal men ik sadi ka mazaa ham se poochiye do din ki zindagi ka mazaa ham se poochiye bhule hain rafta rafta unhen muddaton men ham qiston men khudkushi ka mazaa ham se poochiye aagaz-e-aashiqi ka mazaa aap jaaniye anjaam-e-aashiqi ka mazaa ham se poochiye jalte diyon men jalte gharo jaisi zau kahaan sarkaar raushni ka mazaa ham se poochiye vo jaan hi ga.e ki ha men unse pyaar hai aankhoñ ki mukhbirii ka mazaa hamse poochiye hansne ka shauq hamko bhi tha aap ki tarah hansiye magar hañsi ka mazaa ham se poochiye ham tauba kar ke mar ga.e be-maut ai khumaar tauheen-e-may-kashi ka mazaa ham se poochiye

kitne aish se rahte honge kitne itraate honge jaane kaise log vo honge jo us ko bhaate honge shaam hue khush-baash yahaañ ke mere paas aa jaate hain mere bujhne ka nazzara karne aa jaate honge vo jo na aane vaala hai na us se mujh ko matlab tha aane waalon se kya matlab aate hain aate honge us ki yaad ki baad-e-saba men aur to kya hota hogaa yoonhi mere baal hain bikhre aur bikhar jaate honge yaaro kuchh to zikr karo tum us ki qayamat baanhon ka vo jo simtate honge un men vo to mar jaate honge meraa saans ukhadte hi sab bein karenge roenge ya'ni mere baa'd bhi ya'ni saans li.e jaate honge

akela din hai koi aur na tanhaa raat hoti hai main jis pal se guzarta hooñ mohabbat saath hoti hai tiri awaaz ko is shahar ki lahren tarasti hain galat number milaata hooñ to paharon baat hoti hai saroon par khof-e-ruswaai ki chadar taan lete ho tumhaare vaaste rangon ki jab barsaat hoti hai kahii chidiyaan chahakti hain kahii kaliyaan chatkati hain magar mere makaan se aasmaañ tak raat hoti hai kise aabaad samjhoon kis ka shahr-aashob likhoon main jahaan shehron ki yaksaan soorat-e-haalat hoti hai

pahle ik shaKHs meri zaat banaa aur phir poori kaayenaat banaa husn ne KHud kaha musavvir se paanv par mere koi haath banaa pyaas ki saltanat nahin mitati laakh dajle banaa furaat banaa gham ka suraj vo de gaya tujh ko chahe ab din banaa ki raat banaa she'r ik mashghala tha qasir ka ab yahii maqsd-e-hayaat banaa

ban men veeraan thii nazar shahar men dil rota hai zindagi se ye mira doosra samjhauta hai lahlahaate hue KHvaabon se mirii aankhoñ tak ratjage kasht na kar le to vo kab sota hai jis ko is fasl men hona hai barabar ka shareek mire ehsaas men tanhaaiyaan kyun bota hai naam likh likh ke tira phool banaane vaala aaj phir shabnameen aankhoñ se varq dhota hai tere bakshe hue ik gham ka karishma hai ki ab jo bhi gham ho mire meyaar se kam hota hai so ga.e shahr-e-mohabbat ke s abhii daagh o charaaghh ek saaya pas-e-deewaar abhii rota hai ye bhi ik rang hai shaayad mirii mehroomi ka koi hañs de to mohabbat ka gumaan hota hai

baghair us ke ab aaraam bhi nahin aata vo shaKHs jis ka mujhe naam bhi nahin aata usii ki shakl mujhe chaand men nazar aa.e vo maah-rukh jo lab-e-baam bhi nahin aata karunga kya jo mohabbat men ho gaya naakaam mujhe to aur koi kaam bhi nahin aata bitha diya mujhe dariyaa ke us kinaare par jidhar hubaab tahee-jaam bhi nahin aata chura ke KHvaab vo aankhoñ ko rehan rakhta hai aur us ke sar koi ilzaam bhi nahin aata

nazar nazar men ada-e-jamaal rakhte the ham ek shaKHs ka kitna khayal rakhte the jabeen pe aane na dete the ik shikan bhi kabhi agarche dil men hazaaron malaal rakhte the khushi usii ki hamesha nazar men rahtii thii aur apni quwwat-e-gham bhi bahaal rakhte the bas ishtiyaq-e-takallum men baar-ha ham log javaab dil men zabaan par sawaal rakhte the usii se karte the ham roz o shab ka andaaza zameen pe rah ke vo suraj ki chaal rakhte the junoon ka jaam mohabbat ki may khird ka khumaar humeen the vo jo ye saare kamaal rakhte the chhupa ke apni sisakti sulagti sochon se mohabbaton ke urooj o zawaal rakhte the kuchh un ka husn bhi tha maavra misaalon se kuchh apna ishq bhi ham be-misaal rakhte the KHataa nahin jo khile phool raah-e-sarsar men ye jurm hai ki vo fikr-e-maal rakhte the