usii jagah par jahaan kaii raaste milenge palat ke aa.e to sabse pahle tujhe milenge agar kabhi tere naam par jang ho gaii to ham aise buzdil bhi pahli saf men khade milenge tujhe ye sadken mere tavassut se jaanti hain tujhe hamesha ye sab ishaare khule milenge

yahii apni kahaanii thii miyaan pahle bahut pahle woh ladki jaañ hamaari thii miyaan pahle bahut pahle vaham mujh...ko ye bhaata hai,अभी meri divaani hai magar meri divaani thii miyaan pahle bahut pahle raqeeb aakar bataate hain yahaañ til hai vahaañ til hai ha men ye jaankaari thii miyaan pahle bahut pahle adab se maang kar maafi bharii mehfil ye kahtaa hooñ vo ladki khaandaani thii miyaan pahle bahut pahle

mere bas men nahin varna qudrat ka likha hua kaatta tere hisse men aa.e bure din koi doosra kaatta laariyon se zyaada bahaav tha tere har ik lafz men main ishaara nahin kaat saka teri baat kya kaatta maine bhi zindagi aur shab e hijr kaatee hai sabki tarah vaise behtar to ye tha ke main kam se kam kuchh naya kaatta tere hote hue mombatti bujhaai kisi aur ne kya khushi rah gayi thii janmdin ki main cake kya kaatta koi bhi to nahin jo mere bhookhe rahne pe naaraz ho jail men teri tasveer hoti to hanskar saza kaatta

kyun darein zindagi men kya hogaa kuchh na hogaa to tajurba hogaa hansati aankhoñ men jhaank kar dekho koi aañsu kahii chhupa hogaa in dinon na-umeed sa hooñ main shaayad usne bhi ye suna hogaa dekhkar tumko sochta hooñ main kya kisi ne tumhein chhua hogaa

ye gham kya dil ki aadat hai nahin to kisi se kuchh shikaayat hai nahin to hai vo ik khwaab-e-be taabeer isko bhula dene ki niyat hai nahin to kisi ke bin kisi ki yaad ke bin ji.e jaane ki himmat hai nahin to kisi soorat bhi dil lagta nahin haan to kuchh din se ye haalaat hai nahin to tujhe jisne kahi ka bhi nahin rakha vo ek jaati si vehshat hai nahin to tere is haal par hai sab ko hairat tujhe bhi is pe hairat hai nahin to ham-aahangi nahin duniya se teri tujhe is par nadaamat hai nahin to vo darveshi jo taj kar aa gaya...tu yah daulat us ki qeemat hai nahin to hua jo kuchh yahii maqsoom tha kya yahii saari hikaayat hai nahin to aziyat-naak ummeedon se tujhko aman paane ki hasrat hai nahin to tu rehta hai khayaal-o-khvaab men gam to is wajah se fursat hai nahin to wahaan waalon se hai itni mohabbat yahaan waalon se nafrat hai nahin to sabab jo is judaai ka banaa hai vo mujhse khubsoorat hai nahin to

ham jaise teg-e-zulm se dar bhi ga.e to kya kuchh vo bhi hain jo kahte hain sar bhi ga.e to kya uthatii raheingi dard ki teesen tamaam umr hain zakham tere haath ke bhar bhi ga.e to kya hain kaun se bahaar ke din apne muntazir ye din kisi tarah se guzar bhi ga.e to kya ik makr hi tha aap ka ifa-e-ahd bhi apne kahe se aaj mukar bhi ga.e to kya ham to isee tarah se firenge kharaab-haal ye she'r tere dil men utar bhi ga.e to kya baasir tumhein yahaañ ka abhii tajurba nahin beemaar ho pade raho mar bhi ga.e to kya

kitnii hi be-zarar sahi teri kharaabiyaan baasir kharaabiyaan to hain phir bhi kharaabiyaan haalat jagah badlne se badli nahin mirii hoti hain har jagah ki kuchh apni kharaabiyaan tu chahta hai apni nayi khoobiyo ki daad mujh ko aziz teri puraani kharaabiyaan joohee ta'alluqaat kisi se hue KHaraab saare jahaan ki us men milengi kharaabiyaan sarkaar ka hai apna hi meaar-e-intikhaab yaaro kahaan ki khoobiyaan kaisi kharaabiyaan aadam KHataa ka putla hai gar maan len ye baat niklengi is kharaabi se kitnii kharaabiyaan un hastiyon ki raah pe dekhenge chal ke ham jin men na theen kisi bhi tarah ki kharaabiyaan boenge apne baagh men sab khoobiyo ke beej jad se ukhaad fenkengi saari kharaabiyaan baasir ki shakhsiyat bhi ajab hai ki is men hain kuchh khoobiyaan KHaraab kuchh achchhii kharaabiyaan

zakham tumhaare bhar jaayenge thodii der lagegi be-sabri se kaam liya to aur bhi der lagegi sahab aaj to apna kaam kara ke jaayenge ham saari shartein poori hain phir kaisi der lagegi yuñ behaal na ho ai dil bas aate hi honge vo kal bhi der lagii thii un ko aaj bhi der lagegi seekh liya hai main ne apne aap se baatein karna fikr nahin un ko aane men kitnii der lagegi kaun ruke ab us ke dar par shaam hui ghar jaayen itnaa zaroori kaam nahin hai jitni der lagegi itni der men kuchh ke kuchh ho jaayenge haalaat khat likhne se khat milne tak jitni der lagegi maar-gazeeda kaun bacha hai baasir shukr karo tum theek bhi ho jaaoge lekin khaasi der lagegi

ye nahin hai ki tujhe main ne pukaara kam hai mire naalon ko hawaon ka sahaara kam hai is qadar hijr men ki nazm-shumaari ham ne jaan lete hain kahaan koi sitaara kam hai dosti men to koi shak nahin us ki par vo dost dushman ka ziyaada hai hamaara kam hai saaf izhaar ho aur vo bhi kam-az-kam do baar ham vo aaqil hain jinhen ek ishaara kam hai ek rukhsaar pe dekha hai vo til ham ne bhi ho samarkand muqaabil ki bukhara kam hai itni jal dii na banaa raay mire baare men ham ne hamraah abhii vaqt guzaara kam hai baagh ik ham ko mila tha magar us ko afsos ham ne jee bhar ke bigaara hai sanwaara kam hai aaj tak apni samajh men nahin aaya baasir kaun sa kaam hai vo jis men khasaara kam hai

hote hain jo sab ke vo kisi ke nahin hote auron ke to kya honge vo apne nahin hote mil un se kabhi jaagte hain jin ke muqaddar teri tarah har vaqt vo soye nahin hote din men jo fira karte hain hushiyaar o khabar-daar vo meri tarah raat ko jaage nahin hote ham un ki taraf se kabhi hote nahin ghaafil rishte vahii pakke hain jo pakke nahin hote aghyaar ne muddat se jo roke hue the kaam ab ham bhi ye dekhenge vo kaise nahin hote naakaami ki soorat men mile taana-e-na-yaft ab kaam mire itne bhi kacche nahin hote shab ahl-e-hawas aise pareshaan the baasir jaise meh-o-anjum kabhi dekhe nahin hote