jahaan-jahaan pe tujhe gair ne chhua hua tha wahaan-wahaan pe meraa jism bhi jala hua tha shikast honi thii ye meraa pehla ishq tha aur vo be-vafa yahii karte hue badaa hua tha phir ek roz mujhe ye pata laga uske purane aashiqon ke saath bhi bura hua tha pitaa ke kehne se ladki ne ghar basa liya par maon is kahaanii men ladke ke saath kya hua tha

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai nayi umron ki khudmukhtaariyon ko kaun samjh aa.e kahaan se bach ke chalna hai kahaan j aanaa zaroori hai thake haare parinde jab basere ke liye lautain saleeqamand shaakhon ka lachak j aanaa zaroori hai bahut bebaak aankhoñ men talluq tik nahin paata muhabbat men kashish rakhne ko sharm aanaa zaroori hai saleeqa hi nahin shaayad use mehsoos karne ka jo kahtaa hai KHuda hai to nazar aanaa zaroori hai mere honthon pe apni pyaas rakh do aur phir socho ki iske baad bhi duniya men kuchh p aanaa zaroori hai

safar men dhoop to hogii jo chal sako to chalo sabhi hain bheed men tum bhi nikal sako to chalo kisi ke vaaste raahen kahaan badalti hain tum apne aap ko KHud hi badal sako to chalo yahaañ kisi ko koi raasta nahin deta mujhe giraa ke agar tum sambhal sako to chalo kahii nahin koi suraj dhuaan dhuaan hai fazaa KHud apne aap se baahar nikal sako to chalo yahii hai zindagi kuchh KHvaab chand ummeedein inheen khilauno se tum bhi bahl sako to chalo

suna hai log use aankh bhar ke dekhte hain so us ke shahar men kuchh din thehar ke dekhte hain suna hai rabt hai us ko kharaab-haalon se so apne aap ko barbaad kar ke dekhte hain suna hai dard ki gaahak hai chashm-e-naaz us ki so ham bhi us ki gali se guzar ke dekhte hain suna hai us ko bhi hai she'r o shaayri se shagaf so ham bhi mo'jize apne hunar ke dekhte hain suna hai bole to baaton se phool jhadte hain ye baat hai to chalo baat kar ke dekhte hain suna hai raat use chaand takta rehta hai sitaare baam-e-falak se utar ke dekhte hain suna hai din ko use titliyan sataati hain suna hai raat ko jugnoo thehar ke dekhte hain suna hai hashr hain us ki ghazaal si aañkhen suna hai us ko hiran dasht bhar ke dekhte hain suna hai raat se badh kar hain kaakulen us ki suna hai shaam ko saa.e guzar ke dekhte hain suna hai us ki siyah-chashmagi qayamat hai so us ko surma-farosh aah bhar ke dekhte hain suna hai us ke labon se gulaab jalte hain so ham bahaar pe ilzaam dhar ke dekhte hain suna hai aaina timsaal hai jabeen us ki jo saada dil hain use ban-sanwar ke dekhte hain suna hai jab se hamaail hain us ki gardan men mizaaj aur hi laal o guhar ke dekhte hain suna hai chashm-e-tasavvur se dasht-e-imkaan men palang zaaviye us ki kamar ke dekhte hain suna hai us ke badan ki taraash aisi hai ki phool apni qabaayein katar ke dekhte hain vo sarv-qad hai magar be-gul-e-muraad nahin ki us shajar pe shagoofe samar ke dekhte hain bas ik nigaah se lutta hai qaafila dil ka so rah-ravaan-e-tamanna bhi dar ke dekhte hain suna hai us ke shabistaan se muttasil hai behisht makeen udhar ke bhi jalwe idhar ke dekhte hain ruke to gardishein us ka tawaaf karti hain chale to us ko zamaane thehar ke dekhte hain kise naseeb ki be-pairhan use dekhe kabhi kabhi dar o deewaar ghar ke dekhte hain kahaaniyaan hi sahi sab mubaalga hi sahi agar vo KHvaab hai taabeer kar ke dekhte hain ab us ke shahar men thehre ki kooch kar jaayen faraaz aao sitaare safar ke dekhte hain

maheenon baad daftar aa rahe hain ham ek sad men se baahar aa rahe hain teri baahon se dil ukta gaya hain ab is jhoole men chakkar aa rahe hain kahaan soya hai chaukidaar meraa ye kaise log andar aa rahe hain samandar kar chuka tasleem hamko khajaane KHud hi u uupar aa rahe hain yahii ek din bacha tha dekhne ko use bas men bitha kar aa rahe hain

jigar aur dil ko bachaana bhi hai nazar aap hi se milaana bhi hai mohabbat ka har bhed paana bhi hai magar apna daaman bachaana bhi hai jo dil tere gham ka nishaana bhi hai qatil-e-jafa-e-zamaana bhi hai ye bijli chamakti hai kyun dam-b-dam chaman men koi aashiyana bhi hai khird ki itaaat zaroori sahi yahii to junoon ka zamaana bhi hai na duniya na uqba kahaan jaaie kahii ahl-e-dil ka thikaana bhi hai mujhe aaj saahil pe rone bhi do ki toofaan men muskurana bhi hai zamaane se aage to badhiye majaaz zamaane ko aage badhaana bhi hai

junoon-e-shauq ab bhi kam nahin hai magar vo aaj bhi barham nahin hai bahut mushkil hai duniya ka sanwarna tiri zulfon ka pech-o-kham nahin hai bahut kuchh aur bhi hai is jahaan men ye duniya mahaj gham hi gham nahin hai taqaze kyun karoon paiham na saaqi kise yaa fikr-e-besh-o-kam nahin hai udhar mashkook hai mirii sadaqat idhar bhi bad-gumaani kam nahin hai mirii barbaadiyon ka ham-nashino tumhein kya KHud mujhe bhi gham nahin hai abhii bazm-e-tarab se kya uthoon main abhii to aankh bhi pur-nam nahin hai b-ein sail-e-gham o sail-e-hawadis mira sar hai ki ab bhi KHam nahin hai majaaz ik baada-kash to hai yaqeenan jo ham sunte the vo aalam nahin hai