paagal kaise ho jaate hain dekho aise ho jaate hain KHvaabon ka dhanda karti ho kitne paise ho jaate hain duniya sa hona mushkil hai tere jaise ho jaate hain mere kaam KHuda karta hai tere vaise ho jaate hain

ik pal men ik sadi ka mazaa ham se poochiye do din ki zindagi ka mazaa ham se poochiye bhule hain rafta rafta unhen muddaton men ham qiston men khudkushi ka mazaa ham se poochiye aagaz-e-aashiqi ka mazaa aap jaaniye anjaam-e-aashiqi ka mazaa ham se poochiye jalte diyon men jalte gharo jaisi zau kahaan sarkaar raushni ka mazaa ham se poochiye vo jaan hi ga.e ki ha men unse pyaar hai aankhoñ ki mukhbirii ka mazaa hamse poochiye hansne ka shauq hamko bhi tha aap ki tarah hansiye magar hañsi ka mazaa ham se poochiye ham tauba kar ke mar ga.e be-maut ai khumaar tauheen-e-may-kashi ka mazaa ham se poochiye

tum haqeeqat nahin ho hasrat ho jo mile KHvaab men vo daulat ho tum ho KHushboo ke KHvaab ki KHushboo aur itne hi bemuravvat ho kis tarah chhod doon tumhein jaanaan tum meri zindagi ki aadat ho kislie dekhte ho aaina tum to KHud se bhi khoobsurat ho dastaan khatm hone waali hai tum meri aakhiri muhabbat ho

mere li.e to ishq ka vaa'da hai shayari aadha suroor tum ho to aadha hai shayari rudraaksh haath men hai to seene men om hai krishna hai meraa dil meri radha hai shayari apna to mel jol hi bas aashikon se hai darvesh ka bas ek labaada hai shayari ho aashna koi to dikhaati hai apna rang be ramziyon ke vaaste saada hai shayari tum saamne ho aur meri dastaras men ho is waqt mere dil ka iraada hai shayari bhagwaan ho KHuda ho muhabbat ho ya badan jis samt bhi chalo yahii jaada hai shayari is li.e bhi ishq hi likhta hooñ main ali meraa kisi se aakhri vaa'da hai shayari

teri mushkil na badaaunga chala jaaunga ashk aankhoñ men chhupaaunga chala jaaunga apni dahleez pe kuchh der pada rahne de jaise hi hosh men aaunga chala jaaunga KHvaab lene koi aa.e ki na aa.e koi main to awaaz lagaauñga chala jaaunga chand yaaden mujhe bacchon ki tarah pyaari hain unko seene se lagaauñga chala jaaunga muddaton baad main aaya hooñ purane ghar men KHud ko jee bhar ke rulaaunga chala jaaunga is jazeera men ziyaada nahin rahna ab to aajkal naav banaoonga chala jaaunga mausam-e-gul ki tarah laut ke aaunga hasan har taraf phool khilaaoonga chala jaaunga

leke maazi ko jo haal aaya to dil kaanp gaya jab kabhi unka khayal aaya to dil kaanp gaya aisa toda tha muhabbat men kisi ne dil ko jab kisi sheeshe men baal aaya to dil kaanp gaya sar bulan dii pe to maghroor the ham bhi lekin chadhte suraj pe zawaal aaya to dil kaanp gaya badnazar uthne hi waali thii kisi ki jaanib apne beti ka khayal aaya to dil kaanp gaya

vahaañ kaise koii diya jale jahaan door tak ye hawa na ho unhen haal-e-dil na sunaaiye jinhen dard-e-dil ka pata na ho hon ajab tarah kii shikaayaten hon ajab tarah kii inaayaten tujhe mujh se shikwe hazaar hon mujhe tujh se koii gilaa na ho koii aisa she'r bhi de KHuda jo tiri ata ho tiri ata kabhi jaisa main ne kaha na ho kabhi jaisa main ne suna na ho na diye ka hai na hawa ka hai yahaañ jo bhi kuchh hai KHuda ka hai yahaañ aisa koii diya nahin jo jala ho aur vo bujha na ho main mareez-e-ishq hooñ chaaragar tu hai dard-e-ishq se be-KHabar ye tadap hi us ka ilaaj hai ye tadap na ho to shifa na ho

manzil pe na pahunchen use rastaa nahin kahte do chaar qadam chalne ko chalna nahin kahte ik ham hain ki ghairon ko bhi kah dete hain apna ik tum ho ki apnon ko bhi apna nahin kahte kam-himmati khatra hai samundar ke safar men toofaan ko ham dosto khatra nahin kahte ban jaa.e agar baat to sab kahte hain kya kya aur baat bigad jaa.e to kya kya nahin kahte