zabaan to khol nazar to mila javaab to de main kitnii baar luta hooñ mujhe hisaab to de tere badan ki likhaavat men hai utaar chadhaav main tujhe kaise padhoonga mujhe kitaab to de teraa sawaal hai saaqi ki zindagi kya hai javaab deta hooñ pahle mujhe sharaab to de

paagal kaise ho jaate hain dekho aise ho jaate hain KHvaabon ka dhanda karti ho kitne paise ho jaate hain duniya sa hona mushkil hai tere jaise ho jaate hain mere kaam KHuda karta hai tere vaise ho jaate hain

ik pal men ik sadi ka mazaa ham se poochiye do din ki zindagi ka mazaa ham se poochiye bhule hain rafta rafta unhen muddaton men ham qiston men khudkushi ka mazaa ham se poochiye aagaz-e-aashiqi ka mazaa aap jaaniye anjaam-e-aashiqi ka mazaa ham se poochiye jalte diyon men jalte gharo jaisi zau kahaan sarkaar raushni ka mazaa ham se poochiye vo jaan hi ga.e ki ha men unse pyaar hai aankhoñ ki mukhbirii ka mazaa hamse poochiye hansne ka shauq hamko bhi tha aap ki tarah hansiye magar hañsi ka mazaa ham se poochiye ham tauba kar ke mar ga.e be-maut ai khumaar tauheen-e-may-kashi ka mazaa ham se poochiye

jo tere saath rahte hue sogwaar ho laanat ho aise shaKHs pe aur beshumaar ho ab itni der bhi na laga ye ho na kahii tu aa chuka ho aur teraa intezar ho main phool hooñ to phir tere baalo men kyuuñ nahin hooñ tu teer hai to mere kaleje ke paar ho ek aasteen chadhaane ki aadat ko chhod kar haafi tum aadmi to bahut shaandaar ho

usii jagah par jahaan kaii raaste milenge palat ke aa.e to sabse pahle tujhe milenge agar kabhi tere naam par jang ho gaii to ham aise buzdil bhi pahli saf men khade milenge tujhe ye sadken mere tavassut se jaanti hain tujhe hamesha ye sab ishaare khule milenge

roo-b-roo tere bahut der bithaaya gaya main vajd men aaya nahin vajd men laaya gaya main silsila khatm na hogaa ye dil-aazaari ka is se pahle bhi kaii baar manaaya gaya main yuñ laga sab ne gawaahi dii ki tu meraa hai jab tire naam se bastii men sataaya gaya main jab jab asraar mirii zaat ke khulne se rahe chhed kar zikr tira vajd men laaya gaya main mujh se raaste men thehrne ki aziyyat poochho thokren maar ke raaste se hataaya gaya main

thokron men asar nahin aaya dil abhii raah par nahin aaya KHud men dekha jo jhaank kar tire baad mujh ko main bhi nazar nahin aaya muddaton se sukoot cheekhta hai lekin ab tak asar nahin aaya chaand kis tamkanat se niklega tu agar baam par nahin aaya kab se ghar chhod kar gaya hua hooñ kab se main laut kar nahin aaya

padi hai raat koi gham-shanaas bhi nahin hai sharaab khaane men aadha gilaas bhi nahin hai main dil ko lekar kaha nikluun itni raat ga.e makaan uskaa kahii aaspaas bhi nahin hai yahaan to ladkiyaan achha sa ghar bhi chahti hai hamaare paas to achha libaas bhi nahin hai

teri gali ko chhod ke paagal nahin gaya rassi to jal gaii hai magar bal nahin gaya majnoon ki tarah chhodaa nahin main ne shahar ko ya'ni main hijr kaatne jungle nahin gaya us ko nazar utha ke zaraa dekhne to de phir kehna meraa jaadu agar chal nahin gaya haaye vo aañkhen taat ko takte hi bujh gaiin haaye vo dil ki jaanib-e-makhmal nahin gaya tere makaan ke baad qadam hi nahin uthe tere makaan se aage main paidal nahin gaya

zamaana is li.e lahjaa badal raha hai dost hamaara vaqt zaraa peeche chal raha dost main muskuraa raha hooñ teri rukhsati pe agar to mujh men kaun hai jo haath mal raha hai dost na mil saki mire hisse ki raushni bhi mujhe mira charaaghh kahii aur jal raha hai dost paleed kar ke hamaare vujood ki miTTi hamaare naam ka suraj nikal raha hai dost bataayen kya tujhe ab khasta-haali-e-dil raaz shikasta KHvaab ke tukdon pe pal raha hai dost