mere li.e to ishq ka vaa'da hai shayari aadha suroor tum ho to aadha hai shayari rudraaksh haath men hai to seene men om hai krishna hai meraa dil meri radha hai shayari apna to mel jol hi bas aashikon se hai darvesh ka bas ek labaada hai shayari ho aashna koi to dikhaati hai apna rang be ramziyon ke vaaste saada hai shayari tum saamne ho aur meri dastaras men ho is waqt mere dil ka iraada hai shayari bhagwaan ho KHuda ho muhabbat ho ya badan jis samt bhi chalo yahii jaada hai shayari is li.e bhi ishq hi likhta hooñ main ali meraa kisi se aakhri vaa'da hai shayari

chhod kar jaane ka dastoor nahin hota tha koi bhi zakham ho naasoor nahin hota tha mere bhi hont pe cigarette nahin hoti thii uski bhi maang men sindoor nahin hota tha auratein pyaar men tab shauq nahin rakhti thii aadmi ishq men mazdoor nahin hota tha

jo tere saath rahte hue sogwaar ho laanat ho aise shaKHs pe aur beshumaar ho ab itni der bhi na laga ye ho na kahii tu aa chuka ho aur teraa intezar ho main phool hooñ to phir tere baalo men kyuuñ nahin hooñ tu teer hai to mere kaleje ke paar ho ek aasteen chadhaane ki aadat ko chhod kar haafi tum aadmi to bahut shaandaar ho kab tak kisi se koi mohabbat se pesh aaein us..ko mere ravayye par dukh hai to yaar ho

vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

mere bas men nahin varna qudrat ka likha hua kaatta tere hisse men aa.e bure din koi doosra kaatta laariyon se zyaada bahaav tha tere har ik lafz men main ishaara nahin kaat saka teri baat kya kaatta maine bhi zindagi aur shab e hijr kaatee hai sabki tarah vaise behtar to ye tha ke main kam se kam kuchh naya kaatta tere hote hue mombatti bujhaai kisi aur ne kya khushi rah gayi thii janmdin ki main cake kya kaatta koi bhi to nahin jo mere bhookhe rahne pe naaraz ho jail men teri tasveer hoti to hanskar saza kaatta

aap hamaare saath nahin chaliye koi baat nahin aap kisi ke ho jaayen aap ke bas ki baat nahin ab ham ko awaaz na do ab aise haalaat nahin is duniya ke naqshe men shahar to hain dehaat nahin sab hai gawara ham ko magar tauheen-e-jazbaat nahin ham ko mitaana mushkil hai sadiyaan hain lamhaat nahin zalim se darne waale kya tere do haath nahin

ab ke baras honton se mere tishna-labi bhi khatm hui tujh se milne ki ai dariyaa majboori bhi khatm hui kaisa pyaar kahaan ki ulfat ishq ki baat to jaane do mere li.e ab us ke dil se hamdar dii bhi khatm hui saamne waali building men ab kaam hai bas aaraish ka kal tak jo milti thii ha men vo mazdoori bhi khatm hui jail se waapas aa kar us ne paanchon vaqt namaaz padhi munh bhi band hue sab ke aur badnaami bhi khatm hui jis ki jal-dhaara se bastii waale jeevan paate the rastaa badalte hi nad dii ke vo bastii bhi khatm hui

jab mire honton pe meri tishnagi rah jaayegi teri aankhoñ men bhi thodii si nami rah jaayegi sar-fira jhonka hawa ka tod dega shaakh ko phool banne ki tamannaa men kali rah jaayegi khatm ho jaayega jis din bhi tumhaara intizaar ghar ke darwaaze pe dastak cheeKHtii rah jaayegi kya khabar thii aayega ik roz aisa vaqt bhi meri goyaai tira munh dekhti rah jaayegi waqt-e-rukhsat aayega aur khatm hogaa ye safar mire dil ki baat mire dil men hi rah jaayegi

men na kahtaa tha ki shehron men na ja yaar mire sondhi miTTi hi men hoti hai vafaa yaar mire koi toote hue KHvaabon se kahaan milta hai har jagah dard ka bistar na laga yaar mire silsila phir se juda hai to juda rahne de dil ke rishton ko tamasha na banaa yaar mire apni chaahat ke shab-o-roz mukammal kar le ja ye suraj bhi tire naam kiya yaar mire tujh se milta hooñ to rishta koi yaad aata hai silsila mujh se ziyaada na badha yaar mire aisa lagta hai ki kuchh toot raha hai mujh men chhod ke tu mujhe is vaqt na ja yaar mire khush-naseebi se ye sa'at tire haath aayi hai aasmaañ jhukne laga haath badha yaar mire

dard KHaamosh raha tootti awaaz rahi mirii har shaam tiri yaad ki hamraaz rahi shahar men jab bhi chale thandi hawa ke jhonke tapte sehra ki tabi'at badi na-saaz rahi aaine toot ga.e aks ki sachchaai par aur sachchaai hamesha ki tarah raaz rahi ik naye mod pe us ne bhi mujhe chhod diya jis ki awaaz men shaamil mirii awaaz rahi sunta rehta hooñ buzurgon se main akshar taahir vo sama'at hi rahi aur na vo awaaz rahi