aaiine aankh men chubhte the bistar se badan katraata tha ek yaad basar karti thii mujhe main saans nahin le paata tha ek shakhs ke haath men tha sab kuchh meraa khilna bhi murjhaana bhi rota tha to raat ujad jaati hansata tha to din ban jaata tha main rab se raabte men rehta mumkin hai ki us se raabta ho mujhe haath uthaana padte the tab jaakar vo phone uthaata tha mujhe aaj bhi yaad hai bachpan men kabhi us par nazar agar padti mere baste se phool barsate the meri takhti pe dil ban jaata tha ham ek zindaan men jinda the ham ek janjeer men badhe hue ek doosre ko dekh kar ham kabhi hansate the to rona aata tha vo jism nazarandaaz nahin ho paata tha in aankhoñ se mujrim thehrata tha apna kehne ko to ghar thehrata tha

chadar ki izzat karta hoon aur parde ko maanta hoon har parda parda nahin hota itnaa main bhi jaanta hoon saare mard ek jaise hain tumne kaise kah daala main bhi to ek mard hoon tumko KHud se behtar maanta hoon maine usse pyaar kiya hai milkiiyat ka daava nahin vo jiske bhi saath hai main us..ko bhi apna maanta hoon chadar ki izzat karta hoon aur parde ko maanta hoon har parda parda nahin hota itnaa main bhi jaanta hoon

pooch lete vo bas mizaaj mira kitna aasaan tha ilaaj mira chaara-gar ki nazar bataati hai haal achha nahin hai aaj mira main to rehta hooñ dasht men masroof qais karta hai kaam-kaaj mira koi kaasa madad ko bhej allah mere bas men nahin hai taaj mira main mohabbat ki baadshaahat hooñ mujh pe chaltaa nahin hai raaj mira

tumhein bas yah bat aanaa chahta hooñ main tumse kya chhup aanaa chahta hooñ kabhi mujhse bhi koi jhooth bolo main haan men haan mil aanaa chahta hooñ adaakaari bada dukh de rahi hai main sachmuch muskurana chahta hooñ ameeri ishq ki tumko mubarak main bas kh aanaa kam aanaa chahta hooñ main saare shahar ki baisakhiyon ko tere dar par nachana chahta hooñ mujhe tumse bichadna hi padega main tumko yaad aanaa chahta hooñ

kise khabar hai ki umr bas us pe ghaur karne men kat rahi hai ki ye udaasi hamaare jismoon se kis khushi men lipt rahi hai ajeeb dukh hai ham us ke hokar bhi us ko choone se dar rahe hain ajeeb dukh hai hamaare hisse ki aag auron men bat rahi hai main us ko har roz bas yahii ek jhooth sunne ko phone karta suno yahaañ koi mas’ala hai tumhaari awaaz kat rahi hai mujh aise pedon ke sookhne aur sabz hone se kya kisi ko ye bel shaayad kisi museebat men hai jo mujh se lipt rahi hai ye vaqt aane pe apni aulaad apne azdaad bech degi jo fauj dushman ko apna saalar girvi rakh kar palat rahi hai so is ta'alluq men jo galat-fahmiyaan theen ab door ho rahi hain ruki hui gaadiyon ke chalne ka vaqt hai dhundh chhat rahi hai

jitna teraa hukm tha utni sanwaari zindagi apni marzi se kahaan ham ne guzaari zindagi mere andar ik naya gham roz rakh jaata hai kaun rafta rafta ho rahi hai aur bhari zindagi rooh ki taskin ke saare dariche khul ga.e dard ke pahluu men jab aayi hamaari zindagi sirf thii khaana-badoshi ya mohabbat ka junoon hijraten karta raha ik shaKHs saari zindagi ek lafz-e-kun kaha aabaad sannaate hue aasmaanon se zameenon par utaari zindagi

dil men hasrat koi bachi hi nahin aag aisi lagii bujhi hi nahin us ne jab KHud ko be-naqaab kiya phir kisi ki nazar u thii hi nahin jaisa is baar khul ke roye ham aisi baarish k abhii hui hi nahin zindagi ko gale lagaate kya zindagi umr-bhar mili hi nahin muntazir kab se chaand chat par hai koi khidki abhii khulii hi nahin main jise apni zindagi samjha sach to ye hai vo meri thii hi nahin

KHoon aañsu ban gaya aankhoñ men bhar jaane ke baad aap aa.e to magar toofaan guzar jaane ke baad chaand ka dukh baantne nikle hain ab ahl-e-wafa raushni ka saara sheeraza bikhar jaane ke baad hosh kya aaya musalsal jal raha hooñ hijr men ik sunhari raat ka nashsha utar jaane ke baad zakham jo tum ne diya vo is li.e rakha haraa zindagi men kya bachega zakham bhar jaane ke baad shaam hote hi charaaghon se tumhaari guftugoo ham bahut masroof ho jaate hain ghar jaane ke baad zindagi ke naam par ham umar bhar jeete rahe zindagi ko ham ne paaya bhi to mar jaane ke baad

ye mat kaho ki bheed men tanhaa khada hooñ main takra ke aabgeene se patthar hua hooñ main aankhoñ ke junglon men mujhe mat karo talash daaman pe aañsuon ki tarah aa gaya hooñ main yuñ be-rukhi ke saath na munh fer ke guzar ai sahib-e-jamaal tira aaina hooñ main yuñ baar baar mujh ko sadaaein na deejie ab vo nahin raha hooñ koi doosra hooñ main meri buraaiyon pe kisi ki nazar nahin sab ye samajh rahe hain badaa paarsa hooñ main vo be-vafa samajhta hai mujh ko use kaho aankhoñ men us ke KHvaab li.e phir raha hooñ main

chahta ye hooñ ki benaam-o-nishaan ho jaaun shaam ki tarah jaloon aur dhuaan ho jaaun pahle dahleez pe raushan karoon aankhoñ ke charaaghh aur phir KHud kisi parde men nihaan ho jaaun tod kar fenk doon ye firqa-parasti ke mahal aur peshaani pe sajde ka nishaan ho jaaun dil se phir dard mahakne ki sadaaein utthen kaash aisa ho main teri rag-e-jaan ho jaaun bas tire zikr men kat jaayen mire roz-o-shab noor ki shaakh pe chidiyon ki zabaan ho jaaun KHaak jis kooche ki malte hain farishte aa kar main usii KHaak ke zarron men nihaan ho jaaun meri aawaara-mizaaji ko sukoon mil jaa.e dard ban kar tire seene men ravaan ho jaaun