yahii apni kahaanii thii miyaan pahle bahut pahle woh ladki jaañ hamaari thii miyaan pahle bahut pahle vaham mujh...ko ye bhaata hai,अभी meri divaani hai magar meri divaani thii miyaan pahle bahut pahle raqeeb aakar bataate hain yahaañ til hai vahaañ til hai ha men ye jaankaari thii miyaan pahle bahut pahle adab se maang kar maafi bharii mehfil ye kahtaa hooñ vo ladki khaandaani thii miyaan pahle bahut pahle

vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

usii jagah par jahaan kaii raaste milenge palat ke aa.e to sabse pahle tujhe milenge agar kabhi tere naam par jang ho gaii to ham aise buzdil bhi pahli saf men khade milenge tujhe ye sadken mere tavassut se jaanti hain tujhe hamesha ye sab ishaare khule milenge

kyun darein zindagi men kya hogaa kuchh na hogaa to tajurba hogaa hansati aankhoñ men jhaank kar dekho koi aañsu kahii chhupa hogaa in dinon na-umeed sa hooñ main shaayad usne bhi ye suna hogaa dekhkar tumko sochta hooñ main kya kisi ne tumhein chhua hogaa

is tarah se tarjumaani kar gaya mere ashkon ko vo paani kar gaya us ne chehre se hata daala naqaab aur meri ghazlein puraani kar gaya rakh gaya vo apne kapde sookhne dhoop bhi kitnii suhaani kar gaya bhool jaane ki qasam dena teraa yaad aane ki nishaani kar gaya do ghadi ko paas aaya tha koi dil pe barson hukmraani kar gaya jis pe main eimaan le aaya asad mujh se vo hi be-imaani kar gaya

vo jo soorat thii saath saath kabhi surkh mahke gulaab ki sooratus ki yaaden utarti rahtii hain zehn-o-dil pe azaab ki soorat ye ravayya sahi nahin hota yuñ ha men kashmakash men mat daalo ya ha men sach ki tarah apna lo ya bhula bhi do KHvaab ki soorat us ne an-dekha an-suna kar ke be-taalluq kiya hai to ab hamus ki tasveer se nikaalenge aañsuon ke hisaab ki soorat apni jhooti ana ki baaton men aa ke us ko sula to baithe hain ab hain seharaaon ke musaafir ham aur vo soorat saraab ki soorat

is ka gham hai ki mujhe vaham hua hai shaayad koi pahluu men mire jaag raha hai shaayad jaagte jaagte pichhli kaii raatein guzri chaand hona mirii qismat men likha hai shaayad daud jaaun har ik aahat pe kiwaadon ki taraf aur phir KHud ko hi samjhaaoon hawa hai shaayad us ki baaton se vo ab phool nahin jhadte hainus ke honton pe abhii meraa gilaa hai shaayad us ko kholoon to rag-e-dil ko koi dasta hai yaad ki gathri men ik saanp chhupa hai shaayad mujh ko har raah ujaalon se bharii milti hai ye un aankhoñ ke charaaghon ki dua hai shaayad

dard ke daaimi rishton se lipt jaate hain aks rote hain to sheeshon se lipt jaate hain haaye vo log jinhen ham ne bhula rakha hai yaad aate hain to saanson se lipt jaate hain kis ke pairo'n ke nishaan hain ki musaafir bhi ab manzilen bhool ke raston se lipt jaate hain jab woh rota hai to yak-lakht mirii pyaas ke hontus ki aankhoñ ke kinaaron se lipt jaate hain jab unhen neend panaahen nahin deti hain asad KHvaab phir jaagti aankhoñ se lipt jaate hain

abke chehre pe vo daraar aayi aaina ban gaya tamaashaai apna dil jaise dukhti aankh koi uski yaaden ki jaise purwaai ek muddat ke baad hamne asad us..ko dekha to apni yaad aayi