kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

ye maine kab kaha ki mere haq men faisla kare agar vo mujh se KHush nahin hai to mujhe juda kare main uske saath jis tarah guzaarta hooñ zindagi use to chahiye ki meraa shukriya ada kare meri dua hai aur ik tarah se baddua bhi hai KHuda tumhein tumhaare jaisi betiyaan ata kare banaa chuka hooñ main mohabbaton ke dard ki davaa agar kisi ko chahiye to mujhse raabta kare

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai nayi umron ki khudmukhtaariyon ko kaun samjh aa.e kahaan se bach ke chalna hai kahaan j aanaa zaroori hai thake haare parinde jab basere ke liye lautain saleeqamand shaakhon ka lachak j aanaa zaroori hai bahut bebaak aankhoñ men talluq tik nahin paata muhabbat men kashish rakhne ko sharm aanaa zaroori hai saleeqa hi nahin shaayad use mehsoos karne ka jo kahtaa hai KHuda hai to nazar aanaa zaroori hai mere honthon pe apni pyaas rakh do aur phir socho ki iske baad bhi duniya men kuchh p aanaa zaroori hai

vo kam-sukhan na tha par baat soch kar karta yahii saleeqa use sab men mo'tabar karta na jaane kitnii galat-fahmiyaan janam letiin main asl baat se pahlu-tahi agar karta main sochta hooñ kahaan baat is qadar badhti agar main tere ravayye se dar-guzar karta mira adoo to tha ilm-ul-kalaam ka maahir mire KHilaaf zamaane ko bol kar karta akelaa jang ladi jeet li to sab ne kaha pahunchte ham bhi agar tu ha men khabar karta mirii bhi chaanv na hoti agar tumhaari tarah main inhisaar buzurgon ke saa.e par karta safar men hoti hai pahchaan kaun kaisa hai ye aarzoo thii mire saath tu safar karta ga.e dinon men ye maamool tha mira taimoor ziyaada vaqt main ik KHvaab men basar karta

vo jo mumkin na ho mumkin ye banaa deta hai KHvaab dariyaa ke kinaaron ko mila deta hai zindagi bhar ki riyaazat mirii be-kaar gaii ik khayal aaya tha badle men vo kya deta hai ab mujhe lagta hai dushman mira apna chehra mujh se pahle ye mira haal bataa deta hai chand jumle vo ada karta hai aise dhab se mere afkaar ki buniyaad hila deta hai ye bhi ejaz-e-mohabbat hai ki rone vaala rote rote tujhe hansne ki dua deta hai zindagi jang hai aasaab ki aur ye bhi suno ishq aasaab ko mazboot banaa deta hai baithe baithe use kya hota hai jaane taimoor jalta cigarette vo hatheli pe bujha deta hai ye jahaan is li.e achha nahin lagta taimoor jab bhi deta hai mujhe teraa gilaa deta hai

vafaa ka zikr chhida tha ki raat beet gaii abhii to rang jama tha ki raat beet gaii mirii taraf chali aati hai neend KHvaab li.e abhii ye muzda suna tha ki raat beet gaii main raat zeest ka qissa sunaane baith gaya abhii shuruat kiya tha ki raat beet gaii yahaañ to chaaron taraf ab talak andhera hai kisi ne mujh se kaha tha ki raat beet gaii ye kya tilism ye pal bhar men raat aa bhi gaii abhii to main ne suna tha ki raat beet gaii shab aaj ki vo mire naam karne vaala hai ye inkishaaf hua tha ki raat beet gaii naved-e-subh jo sab ko sunaata firta tha vo mujh se pooch raha tha ki raat beet gaii uthe the haath dua ke li.e ki raat kate dua men aisa bhi kya tha ki raat beet gaii khushi zaroor thii taimoor din nikalne ki magar ye gham bhi siva tha ki raat beet gaii

moti nahin hooñ ret ka zarra to main bhi hooñ dariyaa tire vujood ka hissa to main bhi hooñ ai qahqahe bikherne waale tu KHush bhi hai hansne ki baat chhod ki hansta to main bhi hooñ mujh men aur us men sirf muqaddar ka farq hai warna vo shaKHs jitna hai utna to main bhi hooñ us ki tu soch duniya men jis ka koi nahin tu kis li.e udaas hai teraa to main bhi hooñ ik ek kar ke doobte taare bujha ga.e mujh ko bhi doobna hai sitaara to main bhi hooñ ik aaine men dekh ke aaya hai ye khayal main kyun na us se kah doon ki tujh sa to main bhi hooñ

Tujhe zindagi ka shauur tha tera kya bana