ab mere saath nahin hai samjhe naasamjhaane kii baat nahin hai samjhe naa tum maangoge aur tumhein mil jaayega pyaar hai ye khairaat nahin hai samjhe naa main baadal hooñ jis par chaahoon barsoonga meri koii zaat nahin hai samjhe naa apna khaali haath mujhe mat dikhlaao is men meraa haath nahin hai samjhe naa

seena dahak raha ho to kya chup rahe koi kyun cheekh cheekh kar na gala chheel le koi saabit hua sukoon-e-dil-o-jaan kahii nahin rishton men dhoondhta hai to dhoonda kare koi tark-e-taalluqaat koi mas'ala nahin ye to vo raasta hai ki bas chal pade koi deewaar jaanta tha jise main vo dhool thii ab mujh ko e'timaad ki daawat na de koi main KHud ye chahta hooñ ki haalaat hooñ KHaraab mere KHilaaf zahar ugalta phire koi ai shaKHs ab to mujh ko s abhii kuchh qubool hai ye bhi qubool hai ki tujhe cheen le koi haan theek hai main apni ana ka mareez hooñ aaKHir mere mizaaj men kyun dakhl de koi ik shaKHs kar raha hai abhii tak vafaa ka zikr kaash us zabaan-daraaz ka munh noch le koi

baithe hain chain se kahii j aanaa to hai nahin ham be-gharon ka koi thik aanaa to hai nahin tum bhi ho beete vaqt ke maanind hoo-b-hoo tum ne bhi yaad aanaa hai aanaa to hai nahin ahad-e-wafaa se kis li.e khaif ho meri jaan kar lo ki tum ne ahd nibh aanaa to hai nahin vo jo ha men aziz hai kaisa hai kaun hai kyun poochte ho ham ne bat aanaa to hai nahin duniya ham ahl-e-ishq pe kyun fenkti hai jaal ham ne tire fareb men aanaa to hai nahin vo ishq to karega magar dekh bhaal ke faris vo tere jaisa deewana to hai nahin

zane haseen thii aur phool chun kar laati thii main she'r kahtaa tha vo dastaan sunaati thii arab lahu tha ragon men badan sunhara tha vo muskuraati nahin thii dii.e jalaati thii ali se door raho log usse kahte the vo meraa sach hai bahut cheekh kar bataati thii ali ye log tumhein jaante nahin hain abhii gale lagaakar meraa hausla badhaati thii ye phool dekh rahe ho ye uskaa lahjaa tha ye jheel dekh rahe ho yahaañ vo aati thii main uske baad k abhii theek se nahin jaaga vo mujh...ko khwaab nahin neend se jagati thii use kisi se mohabbat thii aur vo main nahin tha ye baat mujhse zyaada use roolaati thii main kuchh bataa nahin saka vo meri kya thii ali ki us..ko dekhkar bas apni yaad aati thii

jaam cigarette kash aur bas kuchh dhuaan aakhirsh aur bas maut tak zindagi ka safar raat-din kashmakash aur bas pee gaya ped aandhi magar gir pada kha ke ghash aur bas zindagi jaltee cigarette hai sirf do-chaar kash aur bas sookhte ped ki lakdiyaan aakhiri peshkash aur bas

vo kam-sukhan na tha par baat soch kar karta yahii saleeqa use sab men mo'tabar karta na jaane kitnii galat-fahmiyaan janam letiin main asl baat se pahlu-tahi agar karta main sochta hooñ kahaan baat is qadar badhti agar main tere ravayye se dar-guzar karta mira adoo to tha ilm-ul-kalaam ka maahir mire KHilaaf zamaane ko bol kar karta akelaa jang ladi jeet li to sab ne kaha pahunchte ham bhi agar tu ha men khabar karta mirii bhi chaanv na hoti agar tumhaari tarah main inhisaar buzurgon ke saa.e par karta safar men hoti hai pahchaan kaun kaisa hai ye aarzoo thii mire saath tu safar karta ga.e dinon men ye maamool tha mira taimoor ziyaada vaqt main ik KHvaab men basar karta

nahin udaaunga KHaak roya nahin karunga karunga main ishq par tamasha nahin karunga mirii mohabbat bhi khaas hai kyunki khaas hooñ main so aam logon men zikr is ka nahin karunga use batao firaar ka naam to nahin ishqjo kah raha hai main kaar-e-duniya nahin karunga kabhi na socha tha guftugoo bhi karunga ghanton aur apni baaton men zikr teraa nahin karunga iraadtan jo kiya hai ab tak galat kiya hai so ab koi kaam bil-iraada nahin karunga tujhe main apna nahin samajhta isee li.e to zamaane tujh se main koi shikwa nahin karunga mirii tavajjoh faqat mire kaam par rahegi main KHud ko saabit karunga daava nahin karunga agar main haara to maan loonga shikast apni tiri tarah se koi bahaana nahin karunga agar kisi maslahat men peeche hata hooñ taimoor to mat samajhna ki ab main hamla nahin karunga

Tujhe zindagi ka shauur tha tera kya bana

ham duniya se jab tang aaya karte hain apne saath ik shaam manaaya karte hain suraj ke us jaanib basne waale log akshar ham ko paas bulaayaa karte hain yoonhi KHud se rootha karte hain pahle der talak phir KHud ko manaaya karte hain chup rahte hain us ke saamne ja kar ham yuñ us ko chakh yaad dilaayaa karte hain neendon ke veeraan jazeera par har shab KHvaabon ka ik shahar basaaya karte hain in KHvaabon ki qeemat ham se pooch ki ham in ke sahaare umr bitaya karte hain ab to koi bhi door nahin to phir taimoor ham khat kis ke naam likhaaya karte hain

vo jo mumkin na ho mumkin ye banaa deta hai KHvaab dariyaa ke kinaaron ko mila deta hai zindagi bhar ki riyaazat mirii be-kaar gaii ik khayal aaya tha badle men vo kya deta hai ab mujhe lagta hai dushman mira apna chehra mujh se pahle ye mira haal bataa deta hai chand jumle vo ada karta hai aise dhab se mere afkaar ki buniyaad hila deta hai ye bhi ejaz-e-mohabbat hai ki rone vaala rote rote tujhe hansne ki dua deta hai zindagi jang hai aasaab ki aur ye bhi suno ishq aasaab ko mazboot banaa deta hai baithe baithe use kya hota hai jaane taimoor jalta cigarette vo hatheli pe bujha deta hai ye jahaan is li.e achha nahin lagta taimoor jab bhi deta hai mujhe teraa gilaa deta hai