apni aankhoñ men bhar kar le jaane hain mujh...ko uske aansoo kaam men laane hai dekho ham koi vehshi nahin deewane hain tumse button khulwane nahin lagwane hai ham tum ek dooje ki seedhi hai jaana baaki duniya to saanpon ke khaane hain paakiza cheezon ko paakiza likho mat likho uski aañkhen maykhaane hain

aankhoñ men raha dil men utar kar nahin dekha kashtii ke musaafir ne samundar nahin dekha be-waqt agar jaaunga sab chaunk padenge ik umr hui din men kabhi ghar nahin dekha jis din se chala hooñ mirii manzil pe nazar hai aankhoñ ne kabhi meel ka patthar nahin dekha ye phool mujhe koi viraasat men mile hain tum ne mira kaanton bhara bistar nahin dekha yaaron ki mohabbat ka yaqeen kar liya maine phoolon men chhupaaya hua khanjar nahin dekha mahboob ka ghar ho ki buzurgon ki zameenen jo chhod diya phir use mud kar nahin dekha khat aisa likha hai ki nageene se jade hain vo haath ki jis ne koi zevar nahin dekha patthar mujhe kahtaa hai mira chaahne vaala main mom hooñ us ne mujhe choo kar nahin dekha

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

kiya baadlon men safar zindagi bhar zameen par banaya na ghar zindagi bhar sabhi zindagi ke maze lootte hainna aaya ha men ye hunar zindagi bhar mohabbat rahi chaar din zindagi men raha chaar din ka asar zindagi bhar

raaste jo bhi chamak-daar nazar aate hain sab teri odhni ke taar nazar aate hain koi paagal hi mohabbat se nawaazega mujhe aap to KHair samajhdaar nazar aate hain main kahaan jaaun karoon kis se shikaayat us ki har taraf us ke taraf-daar nazar aate hain zakham bharne lage hain pichhli mulaqaaton ke phir mulaqaat ke aasaar nazar aate hain ek hi baar nazar padti hai un par taabish aur phir vo hi lagaataar nazar aate hain

yuñ sadaa dete hue tere khayal aate hain jaise ka'be ki khulii chat pe bilaal aate hain roz ham ashkon se dho aate hain deewar-e-haram pagadiyaan roz farishton ki uchaal aate hain haath abhii peeche bandhe rahte hain chup rahte hain dekhna ye hai tujhe kitne kamaal aate hain chaand suraj mirii chaukhat pe kaii sadiyon se roz likkhe hue chehre pe sawaal aate hain be-hisi murda-dili raqs sharaaben nag men bas isee raah se qaumon pe zawaal aate hain

chehron ki dhoop aankhoñ ki gehraai le gaya aaina saare shahar ki beenaai le gaya doobe hue jahaaz pe kya tabsira karen ye haadisa to soch ki gehraai le gaya haalaanki be-zabaan tha lekin ajeeb tha jo shaKHs mujh se cheen ke goyaai le gaya main aaj apne ghar se nikalne na paaooñga bas ik qamees thii jo mira bhaai le gaya ghalib tumhaare vaaste ab kuchh nahin raha galiyon ke saare sang to saudaai le gaya

shajar hain ab samar-aasaar mere chale aate hain daavedaar mere muhaajir hain na ab ansaar mere mukhalif hain bahut is baar mere yahaañ ik boond ka muhtaaj hooñ main samundar hain samundar paar mere abhii murdon men roohen phoonk daalen agar chahein to ye beemaar mere hawaaein odh kar soya tha dushman ga.e bekar saare vaar mere main aa kar dushmanon men bas gaya hooñ yahaañ hamdard hain do-chaar mere hañsi men taal dena tha mujhe bhi KHataa kyun ho ga.e sarkaar mere tasavvur men na jaane kaun aaya mahak utthe dar-o-deewar mere tumhaara naam duniya jaanti hai bahut rusva hain ab ashaar mere bhanwar men ruk gaii hai naav meri kinaare rah ga.e is paar mere main KHud apni hifazat kar raha hooñ abhii soye hain pahre-daar mere

ise saamaan-e-safar jaan ye jugnoo rakh le raah men teergii hogii mire aañsu rakh le tu jo chahe to tira jhooth bhi bik saka hai shart itni hai ki sone ki taraazu rakh le vo koi jism nahin hai ki use choo bhi saken haan agar naam hi rakhna hai to khushboo rakh le tujh ko an-dekhi bulan dii men safar karna hai ehtiyaatan mirii himmat mire baazu rakh le mirii KHvaahish hai ki aangan men na deewaar uthe mire bhaai mire hisse ki zameen tu rakh le

tumhaare naam par main ne har aafat sar pe rakkhi thii nazar sholoon pe rakkhi thii zabaan patthar pe rakkhi thii hamaare KHvaab to shehron ki sadkon par bhatkte the tumhaari yaad thii jo raat bhar bistar pe rakkhi thii main apna azm le kar manzilon ki samt niklaa tha mashqat haath pe rakkhi thii qismat ghar pe rakkhi thii inheen saanson ke chakkar ne ha men vo din dikhaaye the hamaare paanv ki miTTi hamaare sar pe rakkhi thii sehar tak tum jo aa jaate to manzar dekh sakte the diye palkon pe rakhe the shikan bistar pe rakkhi thii