chaand sitaare phool parinde shaam savera ek taraf saari duniya uskaa charba uskaa chehra ek taraf vo ladhkar bhi so jaa.e to uskaa maatha choomun main usse muhabbat ek taraf hai usse jhagda ek taraf jis shay par vo ungli rakh de us..ko vo dilwaani hai uski khushiyaan sab se awwal sasta mehnga ek taraf zaKHmon par marham lagwao lekin uske haathon se chaarasaazi ek taraf hai uskaa choona ek taraf saari duniya jo bhi bole sab kuchh shor sharaaba hai sab ka kehna ek taraf hai uskaa kehna ek taraf usne saari duniya maangi maine us..ko maanga hai uske sapne ek taraf hai meraa sapna ek taraf

lamha dar lamha teri raah taka karti hai ek khidki teri aamad ki dua karti hai ek sofa hai jise teri zaroorat hai bahot ek kursi hai jo mayus raha karti hai salvaten cheeKHtii rahtii hain mire bistar par karvaton men hi mirii raat kata karti hai vaqt tham jaata hai ab raat guzarti hi nahin jaane deewaar ghadi raat men kya karti hai chaand khidki men jo aata tha nahin aata ab teergii chaaro taraf rak's kiya karti hai mire kamre men udaasi hai qayamat ki magar ek tasveer puraani si hansa karti hai

main barsh chhod chuka aakhiri tasveer ke baad mujh se kuchh ban nahin paaya tiri tasveer ke baad mushtarik dost bhi chhoote hain tujhe chhodne par ya'ni deewaar hataani padi tasveer ke baad yaar tasveer men tanhaa hooñ magar log mile kaii tasveer se pahle kaii tasveer ke baad doosra ishq muyassar hai magar karta nahin kaun dekhega puraani nayi tasveer ke baad bhej deta hooñ magar pahle bataa doon tujh ko mujh se milta nahin koi mirii tasveer ke baad khushk deewaar men seelan ka sabab kya hogaa ek addad zang lagii keel thii tasveer ke baad

ik din KHud ko apne paas bithaaya ham ne pahle yaar banaya phir samjhaaya ham ne KHud bhi aakhir-kaar unhi va'don se bahle jin se saari duniya ko bahlāya ham ne bheed ne yoonhi rahbar maan liya hai warna apne alaava kis ko ghar pahunchaaya ham ne maut ne saari raat hamaari nabz tatoli aisa marne ka maahol banaya ham ne ghar se nikle chauk ga.e phir park men baithe tanhaaii ko jagah jagah bikhrāya ham ne in lamhon men kis ki shirkat kaisi shirkat use bula kar apna kaam badhaaya ham ne duniya ke kacche rangon ka rona roya phir duniya par apna rang jamaaya ham ne jab shariq pahchaan ga.e manzil ki haqeeqat phir raaste ko raaste bhar uljhaaya ham ne

vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

na kisi ki aankh ka noor hooñ na kisi ke dil ka qaraar hooñ kisi kaam men jo na aa sake main vo ek musht-e-ghubaar hooñ na dawa-e-dard-e-jigar hooñ main na kisi ki meethi nazar hooñ mainna idhar hooñ main na udhar hooñ main na shakeb hooñ na qaraar hooñ mira vaqt mujh se bichhad gaya mira rang-roop bigad gaya jo khizaan se baagh ujad gaya main usii ki fasl-e-bahaar hooñ paye faatiha koi aa.e kyun koi chaar phool chad aa.e kyun koi aa ke shama' jalaae kyun main vo bekasi ka mazaar hooñ na main laag hooñ na lagaav hooñ na suhaag hooñ na subhaav hooñ jo bigad gaya vo banaav hooñ jo nahin raha vo singaar hooñ main nahin hooñ naghma-e-jaan-fazaa mujhe sun ke koi karega kya main bade birog ki hooñ sadaa main bade dukhi ki pukaar hooñ na main muztar un ka habeeb hooñ na main muztar un ka raqeeb hooñ jo bigad gaya vo naseeb hooñ jo ujad gaya vo dayaar hooñ