sitam dhhaate hue socha karoge hamaare saath tum aisa karoge angoothi to mujhe lautaa rahe ho angoothi ke nishaan ka kya karoge main tumse ab jhagdta bhi nahin hooñ to kya is baat par jhagda karoge meraa daaman tumheen thaa men hue ho meraa daaman tumheen maila karoge batao vaa'da kar ke aaoge nake pichhli baar ke jaisa karoge vo dulhan ban ke ruksat ho gaii hai kahaan tak car ka peecha karoge mujhe bas yuñ hi tumse poochna tha agar main mar gaya to kya karoge

haath khaali hain tire shahar se jaate jaate jaan hoti to mirii jaan lutate jaate ab to har haath ka patthar ha men pahchaanta hai umr guzri hai tire shahar men aate jaate ab ke mayus hua yaaron ko ruksat kar ke ja rahe the to koi zakham lagaate jaate renagne ki bhi ijaazat nahin ham ko warna ham jidhar jaate naye phool khilaate jaate main to jalte hue seharaaon ka ik patthar tha tum to dariyaa the mirii pyaas bujhaate jaate mujh ko rone ka saleeqa bhi nahin hai shaayad log hanste hain mujhe dekh ke aate jaate ham se pahle bhi musaafir kaii guzre honge kam se kam raah ke patthar to hataate jaate

be-sabab us ke naam ki main ne kaat to li thii zindagi main ne vo mujhe KHvaab men nazar aaya aur tasveer kheench li main ne aap ka kaam ho gaya aqaa laash dariyaa men fenk dii main ne khel tu is li.e bhi haarega chaal chalni hai aakhiri main ne ek vo be-hijaab aur us par daal rakkhi thii raushni main ne

hazaaron khwaahishein aisi ki har KHvaahish pe dam nikle bahut nikle mire armaan lekin phir bhi kam nikle dare kyun meraa qaateel kya rahega us ki gardan par vo khun jo chashm-e-tar se umr bhar yuñ dam-b-dam nikle nikalna khuld se aadam ka sunte aa.e hain lekin bahut be-aabroo ho kar tire kooche se ham nikle bharam khul jaa.e zalim tere qamat ki daraazi ka agar is turra-e-pur-pech-o-kham ka pech-o-kham nikle magar likhw aa.e koi us ko khat to ham se likhw aa.e hui subh aur ghar se kaan par rakh kar qalam nikle hui is daur men mansoob mujh se baada-aashaami phir aaya vo zamaana jo jahaan men jaam-e-jam nikle hui jin se tavakko khastagi ki daad paane ki vo ham se bhi ziyaada khasta-e-teg-e-sitam nikle mohabbat men nahin hai farq jeene aur marne ka usii ko dekh kar jeete hain jis kaafir pe dam nikle kahaan may-khaane ka darwaaza ghalib aur kahaan wa'iz par itnaa jaante hain kal vo jaata tha ki ham nikle

aise chup hain ki ye manzil bhi kaddi ho jaise teraa milnaa bhi judaai ki ghadi ho jaise apne hi saa.e se har gaam larz jaata hooñ raaste men koi deewaar khadi ho jaise kitne naadaan hain tire bhoolne waale ki tujhe yaad karne ke li.e umr padi ho jaise tere maathe ki shikan pahle bhi dekhi thii magar ye girah ab ke mire dil men padi ho jaise manzilen door bhi hain manzilen nazdeek bhi hain apne hi paanv men zanjeer padi ho jaise aaj dil khol ke roye hain to yuñ KHush hain faraaz chand lamhon ki ye raahat bhi badi ho jaise

har aan tumhaare chhupne se aisa hi agar dukh paayenge ham to haar ke ik din is ki bhi tadbeer koi thahraayenge ham bezaar karenge khaatir ko pahle to tumhaari chaahat se phir dil ko bhi kuchh minnat se kuchh haibat se samjhaaenge ham gar kehna dil ne maan liya aur ruk baitha to behtar hai aur chain na lene devega to bhes badal kar aayenge ham awwal to nahin pahchaanoge aur loge bhi pahchaan to phir har taur se chhup kar dekhenge aur dil ko KHush kar jaayenge ham gar chhupna bhi khul jaavega to mil kar afsoon-saazon se kuchh aur hi latka seher-bhara us vaqt bahm pahunchaaenge ham jab vo bhi pesh na jaavega aur shohrat hovegi phir to jis soorat se ban aavega tasveer khincha mangwaayenge ham mauqoof karoge chhupne ko to behtar warna nazeer aasa jo harf zabaan par laayenge phir vo hi kar dikhlaayenge ham