sitam dhhaate hue socha karoge hamaare saath tum aisa karoge angoothi to mujhe lautaa rahe ho angoothi ke nishaan ka kya karoge main tumse ab jhagdta bhi nahin hooñ to kya is baat par jhagda karoge meraa daaman tumheen thaa men hue ho meraa daaman tumheen maila karoge batao vaa'da kar ke aaoge nake pichhli baar ke jaisa karoge vo dulhan ban ke ruksat ho gaii hai kahaan tak car ka peecha karoge mujhe bas yuñ hi tumse poochna tha agar main mar gaya to kya karoge

mere bas men nahin varna qudrat ka likha hua kaatta tere hisse men aa.e bure din koi doosra kaatta laariyon se zyaada bahaav tha tere har ik lafz men main ishaara nahin kaat saka teri baat kya kaatta maine bhi zindagi aur shab e hijr kaatee hai sabki tarah vaise behtar to ye tha ke main kam se kam kuchh naya kaatta tere hote hue mombatti bujhaai kisi aur ne kya khushi rah gayi thii janmdin ki main cake kya kaatta koi bhi to nahin jo mere bhookhe rahne pe naaraz ho jail men teri tasveer hoti to hanskar saza kaatta

ham ne kab chaaha ki vo shaKHs hamaara ho jaa.e itnaa dik jaa.e ki aankhoñ ka guzaara ho jaa.e ham jise paas bitha len vo bichhad jaata hai tum jise haath laga do vo tumhaara ho jaa.e tum ko lagta hai ki tum jeet ga.e ho mujh se hai yahii baat to phir khel dubara ho jaa.e hai mohabbat bhi ajab tarz-e-tijaarat ki yahaañ har dukaan-daar ye chahe ki khasaara ho jaa.e

zane haseen thii aur phool chun kar laati thii main she'r kahtaa tha vo dastaan sunaati thii arab lahu tha ragon men badan sunhara tha vo muskuraati nahin thii dii.e jalaati thii ali se door raho log usse kahte the vo meraa sach hai bahut cheekh kar bataati thii ali ye log tumhein jaante nahin hain abhii gale lagaakar meraa hausla badhaati thii ye phool dekh rahe ho ye uskaa lahjaa tha ye jheel dekh rahe ho yahaañ vo aati thii main uske baad k abhii theek se nahin jaaga vo mujh...ko khwaab nahin neend se jagati thii use kisi se mohabbat thii aur vo main nahin tha ye baat mujhse zyaada use roolaati thii main kuchh bataa nahin saka vo meri kya thii ali ki us..ko dekhkar bas apni yaad aati thii

haath khaali hain tire shahar se jaate jaate jaan hoti to mirii jaan lutate jaate ab to har haath ka patthar ha men pahchaanta hai umr guzri hai tire shahar men aate jaate ab ke mayus hua yaaron ko ruksat kar ke ja rahe the to koi zakham lagaate jaate renagne ki bhi ijaazat nahin ham ko warna ham jidhar jaate naye phool khilaate jaate main to jalte hue seharaaon ka ik patthar tha tum to dariyaa the mirii pyaas bujhaate jaate mujh ko rone ka saleeqa bhi nahin hai shaayad log hanste hain mujhe dekh ke aate jaate ham se pahle bhi musaafir kaii guzre honge kam se kam raah ke patthar to hataate jaate

mujhe rona nahin awaaz bhi bhari nahin karne mohabbat ki kahaanii men adaakaari nahin karne hawa ke khauf se lipta hua hooñ khushk tahni se kahii jaana nahin jaane ki tayyaari nahin karne tahammul ai mohabbat hijr pathreela ilaqa hai tujhe is raaste par tez-raftaari nahin karne hamaara dil zaraa ukta gaya tha ghar men rah rah kar yoonhi bazaar aa.e hain khareedaari nahin karne ghazal ko kam-nigaahon ki pahunch se door rakhta hooñ mujhe banjar dimaagon men shjar-kaari nahin karne wasiyyat ki thii mujh ko qais ne sehra ke baare men ye meraa ghar hai is ki chaar-deewaari nahin karne

vo jo ik shaKHs vahaañ hai vo yahaañ kaise ho hijr par vasl ki haalat ka gumaan kaise ho be-numoo KHvaab men paivast jaden hain meri ek gamle men koi nakhl jawaan kaise ho tum to alfaaz ke nashtar se bhi mar jaate the ab jo haalaat hain ai ahl-e-zabaan kaise ho aankh ke pahle kinaare pe khada aakhiri ashk ranj ke rahm-o-karam par hai ravaan kaise ho bhaav-taav men kamii beshee nahin ho sakti haan magar tujh se khareedaar ko naan kaise ho milte rahte hain mujhe aaj bhi ghalib ke khutoot vahii andaaz-e-takhaatub ki miyaan kaise ho

tabhi to main mohabbat ka hawaalaati nahin hota yahaañ apne siva koi mulaqaati nahin hota girftaar-e-wafa rone ka koi ek mausam rakh jo naala roz bah nikle vo barsaati nahin hota bichhadne ka iraada hai to mujh se mashwara kar lo mohabbat men koi bhi faisla zaati nahin hota tumhein dil men jagah dii thii nazar se door kya karte jo markaz men thehar jaa.e mazaafaati nahin hota

shikast-e-zindagi vaise bhi maut hi hai nato sach bataa ye mulaqaat aakhiri hai na kaha nahin tha mira jism aur bhar yaarab so ab ye KHaak tire paas bach gaii hai na tu mere haal se anjaan kab hai ai duniya jo baat kah nahin paaya samajh rahi hai na isee li.e ha men ehsaas-e-jurm hai shaayad abhii hamaari mohabbat nayi nayi hai na ye kor-chashm ujaalon se ishq karte hain jo ghar jala ke bhi kahte hain raushni hai na main KHud bhi yaar tujhe bhoolne ke haq men hooñ magar jo beech men kam-bakht shaayeri hai na main jaan-boojh ke aaya tha teg aur tire beech miyaan nibhaani to padti hai dosti hai na

aaj hi furqat se kal ka mas'ala chhedoonga main mas'ala hal ho to hal ka mas'ala chhedoonga main vasl o hijraan men tanaasub raast hona chahiye ishq ke radd-e-amal ka mas'ala chhedoonga main dekhna sab log mujh ko khaariji thehraaenge kal yahaañ jang-e-jamal ka mas'ala chhedoonga main kashtiyon waale mujhe tawaan de kar paar jaayen warna lehron men khalal ka mas'ala chhedoonga main mil hi jaayenge kahii to mujh ko bedil-haidri kooza-gar waali ghazal ka mas'ala chhedoonga main is shajar ki ek tahni parle aangan men bhi hai apne ham-saaye se phal ka mas'ala chhedoonga main