vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

chala hai silsila kaisa ye raaton ko manaane ka tumhein haq de diya kisne diyon ke dil dukhaane ka iraada chhodiye apni hadon se door jaane ka zamaana hai zamaane ki nigaahon men na aane ka kahaan ki dosti kin doston ki baat karte ho miyaan dushman nahin milta koi ab to thikaane ka nigaahon men koi bhi doosra chehra nahin aaya bharosa hi kuchh aisa tha tumhaare laut aane ka ye main hi tha bacha ke KHud ko le aaya kinaare tak samandar ne bahut mauqa' diya tha doob jaane ka

ishq se jaam se barsaat se dar lagta hai yaar tum kya ho ki har baat se dar lagta hai ishq hai ishq koi khel nahin bacchon ka vo chala jaa.e jise maat se dar lagta hai main tire husn ka shaidai nahin ho saka roz bantti hui khairaat se dar lagta hai ham ne haalaat badlne ki dua maangi thii ab badalte hue haalaat se dar lagta hai dil to karta hai ki baarish men nahaaye'n yaasir ghar jo kaccha ho to barsaat se dar lagta hai

aankhoñ ko kuchh KHvaab dikha kar maanenge aap hamaare hosh uda kar maanenge lagta hai ye paani bechne waale log har bastii men aag laga kar maanenge tujh ko choone ki chaahat men deewane shaayad apne haath jala kar maanenge tay to ye tha pichhli baatein bhoolnee hain aap magar sab yaad dila kar maanenge ghar ka jhagda gar baahar aa jaayega baahar waale andar aa kar maanenge chahe phir awaaz chali jaa.e lekin ham us ko awaaz laga kar maanenge ghar pakka karne ki baatein karte hain ya'ni vo deewaar utha kar maanenge

mirii cheekh'on se kamra bhar gaya tha koi kal raat mujh men mar gaya tha bahut mushkil hai us ka laut aanaa vo poori baat kab sun kar gaya tha mujhe pahchaanta bhi hai koi ab main bas ye dekhne hi ghar gaya tha zam aanaa jis ko dariyaa kah raha hai hamaari aankh se bah kar gaya tha kaii sadiyon se sookha pad raha hai yahaañ ik shaKHs pyaasa mar gaya tha hamaara bojh tha sar par hamaare tumhaare saath to naukar gaya tha ye mat samjha KHataa kis se hui thii bataa ilzaam kis ke sar gaya tha

kisi ne haal jo poocha kabhi mohabbat se lipt ke roya bahut der us se shiddat se hamaara saath jo chhoota to is men hairat kya hamaare haath to chhoote hue the muddat se ye aur baat ki beenaai ja chuki meri tumhaare KHvaab rakhe hain magar hifazat se jab us ne bheed men mujh ko gale lagaaya tha har ek aankh mujhe tak rahi thii hairat se ye kaarobaar-e-siyaasat bahut hi achha hai bas aap jhooth ko becho badi sadaqat se

ham ne kab chaaha ki vo shaKHs hamaara ho jaa.e itnaa dik jaa.e ki aankhoñ ka guzaara ho jaa.e ham jise paas bitha len vo bichhad jaata hai tum jise haath laga do vo tumhaara ho jaa.e tum ko lagta hai ki tum jeet ga.e ho mujh se hai yahii baat to phir khel dubara ho jaa.e hai mohabbat bhi ajab tarz-e-tijaarat ki yahaañ har dukaan-daar ye chahe ki khasaara ho jaa.e