vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai nayi umron ki khudmukhtaariyon ko kaun samjh aa.e kahaan se bach ke chalna hai kahaan j aanaa zaroori hai thake haare parinde jab basere ke liye lautain saleeqamand shaakhon ka lachak j aanaa zaroori hai bahut bebaak aankhoñ men talluq tik nahin paata muhabbat men kashish rakhne ko sharm aanaa zaroori hai saleeqa hi nahin shaayad use mehsoos karne ka jo kahtaa hai KHuda hai to nazar aanaa zaroori hai mere honthon pe apni pyaas rakh do aur phir socho ki iske baad bhi duniya men kuchh p aanaa zaroori hai

koi itnaa pyaara kaise ho saka hai phir saare ka saara kaise ho saka hai kaise kisi ki yaad ha men zinda rakhti hai ek khayal sahaara kaise ho saka hai tujh se jab mil kar bhi udaasi kam nahin hoti tere baghair guzaara kaise ho saka hai yaar hawa se kaise aag bhadak uthatii hai lafz koi angaara kaise ho saka hai kaun zamaane-bhar ki thokren kha kar KHush hai dard kisi ko pyaara kaise ho saka hai ham bhi kaise ek hi shaKHs ke ho kar rah jaayen vo bhi sirf hamaara kaise ho saka hai kaise ho saka hai jo kuchh bhi main chaahoon bol na mere yaara kaise ho saka hai

safar men dhoop to hogii jo chal sako to chalo sabhi hain bheed men tum bhi nikal sako to chalo kisi ke vaaste raahen kahaan badalti hain tum apne aap ko KHud hi badal sako to chalo yahaañ kisi ko koi raasta nahin deta mujhe giraa ke agar tum sambhal sako to chalo kahii nahin koi suraj dhuaan dhuaan hai fazaa KHud apne aap se baahar nikal sako to chalo yahii hai zindagi kuchh KHvaab chand ummeedein inheen khilauno se tum bhi bahl sako to chalo

ham raaton ko uth uth ke jin ke li.e rote hain vo gair ki baanhon men aaraam se sote hain ham ashk judaai ke girne hi nahin dete bechain si palkon men moti se pirote hain hota chala aaya hai be-dard zamaane men sachchaai ki raahon men kaañte sabhi bote hain andaaz-e-sitam un ka dekhe to koi hasrat milne ko to milte hain nashtar se chubhote hain

main us ki aankhoñ se chhalki sharaab peeta hooñ gareeb ho ke bhi mahangi sharaab peeta hooñ mujhe nashe men bahakte kabhi nahin dekha vo jaanta hai main kitnii sharaab peeta hooñ use bhi dekhooñ to pehchaanne men der lage kabhi kabhi to main itni sharaab peeta hooñ purane chaahne waalon ki yaad aane lage isee li.e main puraani sharaab peeta hooñ

shola hi sahi aag lagaane ke li.e aa phir noor ke manzar ko dikhaane ke li.e aa ye kis ne kaha hai mirii taqdeer banaa de aa apne hi haathon se mitaane ke li.e aa ai dost mujhe gardish-e-haalat ne ghera tu zulf ki kamli men chhupaane ke li.e aa deewaar hai duniya ise raahon se hata de har rasm-e-mohabbat ko mitaane ke li.e aa matlab tiri aamad se hai darmaan se nahin hai hasrat ki qasam dil hi dukhaane ke li.e aa

jab pyaar nahin hai to bhula kyun-nahiin dete khat kis li.e rakhe hain jala kyun nahin dete kis vaaste likkha hai hatheli pe mira naam main harf-e-ghalat hoonto mita kyun nahin dete lillaah shab-o-roz ki uljhan se nikaalo tum mere nahin ho to bataa kyun nahin dete rah rah ke na tadpaao ai be-dard maseeha haathon se mujhe zahar pila kyun nahin dete jab us ki wafaon pe yaqeen tum ko nahin hai hasrat ko nigaahon se giraa kyun nahin dete