ghazalKuch Alfaaz
zarre hi sahi koh se takra to ga.e ham dil le ke sar-e-arsa-e-gham aa to ga.e ham ab naam rahe ya na rahe ishq men apna rudaad-e-wafa daar pe dohraa to ga.e ham kahte the jo ab koi nahin jaañ se guzarta lo jaañ se guzar kar unhen jhutla to ga.e ham jaañ apni ganwa kar kabhi ghar apna jala kar dil un ka har ik taur se bahla to ga.e ham kuchh aur hi aalam tha pas-e-chehra-e-yaaraan rehta jo yoonhi raaz use pa to ga.e ham ab soch rahe hain ki ye mumkin hi nahin hai phir un se na milne ki qasam kha to ga.e ham utthen ki na utthen ye raza un ki hai jaalib logon ko sar-e-daar nazar aa to ga.e ham
Habib Jalib1 Likes
