ziyaada kuchh nahin himmat to kar hi sakte hain ik achchhe kaam ki niyat to kar hi sakte hain KHuda ke haath se likkha muqaddar apni jagah ham uske bande hain mehnat to kar hi sakte hain gareeb log marammat na kar saken to kya shikasta ghar ki hifazat to kar hi sakte hain hamaare bacche ijaazat talab nahin karte magar bataane ki zahmat to kar hi sakte hain hazaaron saal guzaare hain muqte dii rah kar ik-aadh baar imaamat to kar hi sakte hain to kya hua jo shareeke-hayaat ban na sake tumhaari shaa dii men shirkat to kar hi sakte hain

aap jaison ke li.e is men rakha kuchh bhi nahin lekin aisa to na kahiye ki vafaa kuchh bhi nahin aap kahiye to nibhaate chale jaayenge magar is ta'alluq men aziyyat ke siva kuchh bhi nahin main kisi tarah bhi samjhauta nahin kar saka ya to sab kuchh hi mujhe chahiye ya kuchh bhi nahin kaise jaana hai kahaan jaana hai kyun jaana hai ham ki chalte chale jaate hain pata kuchh bhi nahin haaye is shahar ki raunaq ke main sadqe jaaun aisi bharpoor hai jaise ki hua kuchh bhi nahin phir koi taaza sukhun dil men jagah karta hai jab bhi lagta hai ki likhne ko bacha kuchh bhi nahin ab main kya apni mohabbat ka bharam bhi na rakhoon maan leta hooñ ki us shaKHs men tha kuchh bhi nahin main ne duniya se alag rah ke bhi dekha javvaad aisi munh-zor udaasi ki davaa kuchh bhi nahin

teraa chup rahna mere zehan men kya baith gaya itni aawaazen tujhe deen ki gala baith gaya yuñ nahin hai ki faqat main hi use chahta hooñ jo bhi us ped ki chaanv men gaya baith gaya itnaa meetha tha vo ghusse bhara lahjaa mat poochus ne jis ko bhi jaane ka kaha baith gaya apna ladna bhi mohabbat hai tumhein ilm nahin cheeKHtii tum rahi aur meraa gala baith gaya us ki marzi vo jise paas bitha le apne is pe kya ladna fulan meri jagah baith gaya baat daryaon ki suraj ki na teri hai yahaañ do qadam jo bhi mere saath chala baith gaya bazm-e-jaanan men nashisten nahin hoti makhsoos jo bhi ik baar jahaan baith gaya baith gaya

bulaati hai magar jaane ka nahin ye duniya hai idhar jaane ka nahin mere bete kisi se ishq kar magar had se guzar jaane ka nahin zameen bhi sar pe rakhni ho to rakho chale ho to thehar jaane ka nahin sitaare noch kar le jaaunga main khaali haath ghar jaane ka nahin vaba phaili hui hai har taraf abhii maahol mar jaane ka nahin vo gardan naapta hai naap le magar zaalim se dar jaane ka nahin

kis taraf ko chalti hai ab hawa nahin maaloom haath utha li.e sabne aur dua nahin maaloom mausamon ke chehron se zardiyaan nahin jaati phool kyun nahin lagte khush-numa nahin maaloom rahbaro'n ke tevar bhi rahzano se lagte hain kab kahaan pe loot jaa.e qaafila nahin maaloom sarv to gaii rut men qaamaten ganwa baithe qumariyaan hui kaise be-sada nahin maaloom aaj sabko daava hai apni apni chaahat ka kaun kis se hota hai kal juda nahin maaloom manzaron kii tabdeeli bas nazar men rahtii hai ham bhi hote jaate hain kya se kya nahin maaloom ham faraaz sheron se dil ke zaKHm bharte hain kya karen maseeha ko jab davaa nahin maaloom

us ne jab hañs ke namaskaar kiya mujh ko insaan se avtaar kiya dasht-e-ghurbat men dil-e-veeraan ne yaad jamuna ko kaii baar kiya pyaar ki baat na poochho yaaro ham ne kis kis se nahin pyaar kiya kitnii khwaabida tamannaon kous ki awaaz ne bedaar kiya ham pu jaarii hain buton ke jaalib ham ne ka'be men bhi iqaar kiya

phir dil se aa rahi hai sadaa us gali men chal shaayad mile ghazal ka pata us gali men chal kab se nahin hua hai koi she'r kaam ka ye she'r ki nahin hai fazaa us gali men chal vo baam o dar vo log vo rusvaaiyon ke zakham hain sab ke sab aziz juda us gali men chal us phool ke baghair bahut jee udaas hai mujh ko bhi saath le ke saba us gali men chal duniya to chahti hai yoonhi faasle rahen duniya ke mashwaron pe na ja us gali men chal be-noor o be-asar hai yahaañ ki sada-e-saaz tha us sukoot men bhi mazaa us gali men chal jaalib pukaarti hain vo shola-nawaiyaan ye sard rut ye sard hawa us gali men chal

vo dekhne mujhe aanaa to chahta hogaa magar zamaane ki baaton se dar gaya hogaa use tha shauq bahut mujh ko achha rakhne ka ye shauq auron ko shaayad bura laga hogaa kabhi na hadd-e-adab se badhe the deeda o dil vo mujh se kis li.e kisi baat par KHafaa hogaa mujhe gumaan hai ye bhi yaqeen ki had tak kisi se bhi na vo meri tarah mila hogaa kabhi kabhi to sitaaron ki chaanv men vo bhi mire khayal men kuchh der jaagta hogaa vo us ka saada o maasoom vaalehaana-pan kisi bhi jug men koi devta bhi kya hogaa nahin vo aaya to jaalib gilaa na kar us ka na-jaane kya use darpaish mas'ala hogaa

jeevan mujh se main jeevan se sharmaata hooñ mujh se aage jaane waalo men aata hooñ jin ki yaadon se raushan hain meri aañkhen dil kahtaa hai un ko bhi main yaad aata hooñ sur se saanson ka naata hai todoo kaise tum jalte ho kyun jeeta hooñ kyun gaata hooñ tum apne daaman men sitaare baith kar taanko aur main naye barn lafzon ko pahnaata hooñ jin KHvaabon ko dekh ke main ne jeena seekha un ke aage har daulat ko thukraata hooñ zahar ugalte hain jab mil kar duniya waale meethe bolon ki waa dii men kho jaata hooñ jaalib mere she'r samajh men aa jaate hain isee li.e kam-rutba shaayar kahlaata hooñ

meer'-o-'ghalib bane yagaana bane aadmi ai KHuda KHuda na bane maut ki dastaras men kab se hain zindagi ka koi bahaana bane apna shaayad yahii tha jurm ai dost ba-wafa ban ke be-wafa na bane ham pe ik e'itraaz ye bhi hai be-nava ho ke be-nava na bane ye bhi apna qusoor kya kam hai kisi qaateel ke ham-nava na bane kya gilaa sang-dil zamaane ka aashna hi jab aashna na bane chhod kar us gali ko ai jaalib ik haqeeqat se ham fasana bane