yaad hai pahle roz kaha tha yaad hai pahle roz kaha tha phir na kehna ghalti dil ki pyaar samajh ke karna ladki pyaar nibh aanaa hota hai phir paar lagana hota hai yaad hai pahle roz kaha tha saath chalo to poore safar tak mar jaane ki agli khabar tak samjho yaar KHuda tak hogaa saara pyaar vafaa tak hogaa phir ye bandhan tod na j aanaa chhod ga.e to phir na aanaa chhod diya jo teraa nahin hai chala gaya jo meraa nahin hai yaad hai pahle roz kaha tha ya to toot ke pyaar na karna ya phir peeth pe vaar na karna jab nadaani ho jaati hai nayi kahaanii ho jaati hai nayi kahaanii likh laaunga agle roz main bik jaaunga tere gul jab khil jaayenge mujh...ko paise mil jaayenge yaad hai pahle roz kaha tha bichhad ga.e to mauj udh aanaa waapas mere paas na aanaa jab koi jaakar waapas aa.e roye tadpe ya pachht aa.e main phir us..ko milta nahin hooñ saath dobara chaltaa nahin hooñ gum jaata hooñ kho jaata hooñ main patthar ka ho jaata hooñ

tum hamaare li.e tum hamaare li.e archana ban gaii ham tumhaare li.e ek darpan priye tum milo to sahi haal poochho meraa ham na ro den to kah dena patthar priye pyaar milnaa nahin tha agar bhaagya men devataaon ne hamse ye chhal kyuuñ kiya mere dil men bharii ret hi ret thii deke amrit ye hamko vikal kyuuñ kiya apsara ho to ho par hamaare li.e tum hi sundar sukomal sughar ho priye devataaon ke ganitiy sansaar men aisa bhi hai nahin koii achha na tha ham agar is janam bhi nahin mil sake sab kahenge yahii pyaar sachcha na tha kaaroon ko kabhi pyaar milta nahin faisla koii le lo ki datkar priye mummy kahti theen chanda bahut door hai chaand se aage hamko sitaara laga yuñ to chehre hi chehre the duniya men par ek teraa hi chehra piyaara laga palkon pe meri rakhkar qadam tum chalo pawn men chubh na jaa.e ki kankad priye

ai siphar-e-bareen ke sayyaaro ai fazaa-e-zameen ke gul-zaaro ai pahaadon ki dil-fareb fazaa ai lab-e-joo ki than dii than dii hawa ai anaadil ke naghma-e-sehri ai shab-e-mahtaab taaron bharii ai naseem-e-bahaar ke jhonko dahr-e-na-paaedaar ke dhoko tum har ik haal men ho yuñ to aziz the watan men magar kuchh aur hi cheez jab watan men hamaara tha ramna tum se dil baagh baagh tha apna tum mirii dil-lagi ke saamaan the tum mire dard-e-dil ke darmaan the tum se katata tha ranj-e-tanhaai tum se paata tha dil shakebaai aan ik ik tumhaari bhaati thii jo ada thii vo jee lubhaati thii karte the jab tum apni gham-khwari dhoi jaati theen kulfatein saari jab hawa khaane baagh jaate the ho ke khush-haal ghar men aate the baith jaate the jab kabhi lab-e-aab dho ke uthte the dil ke daagh shitaab koh o sehra o aasmaañ o zameen sab mirii dil-lagi ki shaklein theen par chhuta jis se apna mulk o dayaar jee hua tum se KHud-ba-KHud bezaarna gulon ki ada KHush aati haina sadaa bulbulon ki bhaati hai sair-e-gulshan hai jee ka ik janjaal shab-e-mehtaab jaañ ko hai vabaal koh o sehra se ta lab-e-dariya jis taraf jaayen jee nahin lagta kya hue vo din aur vo raatein tum men agli si ab nahin baatein ham hi gurbat men ho ga.e kuchh aur ya tumhaare badal ga.e kuchh taur go vahii ham hain aur vahii duniya par nahin ham ko lutf duniya ka ai watan ai mire behisht-e-bareen kya hue tere aasmaañ o zameen raat aur din ka vo samaan na raha vo zameen aur vo aasmaañ na raha teri doori hai morid-e-aalam tere chhutne se chhut gaya aaraam kaate khaata hai baagh bin tere gul hain nazaron men daagh bin tere mit gaya naqsh kaamraani ka tujh se tha lutf zindagaani ka jo ki rahte hain tujh se door sadaa in ko kya hogaa zindagi ka mazaa ho gaya yaa to do hi din men ye haal tujh bin ek ek pal hai ik ik saal sach bataa to sabhi ko bhaata hai ya ki mujh se hi teraa naata hai main hi karta hooñ tujh pe jaañ nisaar ya ki duniya hai teri aashiq-e-zaar kya zamaane ko tu aziz nahin ai watan tu to aisi cheez nahin jin o insaan ki hayaat hai tu murgh o maahi ki kaayenaat hai tu hai nabaatat ka numoo tujh se rookh tujh bin hare nahin hote sab ko hota hai tujh se nashv-o-numa sab ko bhaati hai teri aab-o-hawa teri ik musht-e-khaak ke badle luun na hargiz agar behisht mile jaañ jab tak na ho badan se juda koi dushman na ho watan se hawa hamla jab qoum-e-aarya ne kiya aur baja un ka hind men danka mulk waale bahut se kaam aa.e jo bache vo ghulaam kahl aa.e shudr kahl aa.e raakshas kahl aa.e ranj pardes ke magar na uth aa.e go ghulaami ka lag gaya dhabbana chhuta un se des par na chhuta qadr ai dil watan men rahne ki pooche pardesiyo ke jee se koi jab mila ram-chandra ko ban-baas aur niklaa watan se ho ke udaas baap ka hukm rakh liya sar par par chala saath le ke daag-e-jigar paanv uthata tha us ka ban ki taraf aur khinchta tha dil watan ki taraf guzre gurbat men is qadar mah-o-saal par na bhola ayodhya ka khayal des ko ban men jee bhatkata raha dil men kaanta sa ik khatkata raha teer ik dil men aa ke lagta tha aati thii jab ayodhya ki hawa katne chaudah baras hue the muhaal goya ek ek jug tha ek ik saal hue yasrib ki samt jab raahi sayyad-e-abtahee ke hamraahi rishte ulfat ke saare tod chale aur bilkul watan ko chhod chale go watan se chale the ho ke KHafaa par watan men tha sab ka jee atka dil-lagi ke bahut mile samaan par na bhule watan ke registaan dil men aathon pahar khatkate the sang-reze zameen-e-batha ke ghar jafaon se jin ki chhoota tha dil se rishta na un ka toota tha hui yusuf ki sakhtiyan jab door aur hua mulk-e-misr par maamoor misr men chaar soo tha hukm ravaan aankh thii jaanib-e-watan nigaraan yaad-e-kan'aan jab us ko aati thii saltanat saari bhool jaati thii dukh uth aa.e the jis watan men sakht taaj bhaata na us baghair na takht jin se dekhi thii sakht be-mehri lau thii un bhaaiyon ki dil ko lagii ham bhi hubb-e-watan men hain go ghark ham men aur un men hai magar ye farq ham hain naam-e-watan ke deewane vo the ahl-e-watan ke parwaane jis ne yusuf ki dastaan hai sooni jaanta hogaa rooyedaad us ki misr men qahat jab pada aa kar aur hui qaum bhook se muztar kar diya waqf un pe baitulmaal lab tak aane diya na harf-e-sawaal khatiyaan aur kothe khol diye muft saare zakheere tol diye qafile khaali haath aate the aur bharpoor yaa se jaate the yuñ ga.e qahat ke vo saal guzar jaise bacchon ki bhook waqt-e-sehr ai dil ai banda-e-watan hoshiyaar khwaab-e-ghaflat se ho zaraa bedaar o sharaab-e-khu dii ke matwaale ghar ki chaukhat ke choomne waale naam hai kya isee ka hubb-e-watan jis ki tujh ko lagii hui hai lagan kabhi bacchon ka dhyaan aata hai kabhi yaaron ka gham sataata hai yaad aata hai apna shahar kabhi lau kabhi ahl-e-shehr ki hai lagii naqsh hain dil pe koocha-o-baazaar firte aankhoñ men hain dar-o-deewar kya watan kya yahii mohabbat hai ye bhi ulfat men koi ulfat hai is men insaan se kam nahin hain darind is se khaali nahin charind o parind tukde hote hain sang gurbat men sookh jaate hain rookh furqat men ja ke kaabul men aam ka pauda kabhi parwaan chadh nahin saka aa ke kaabul se yaa bihi-o-anaar ho nahin sakte barvar zinhaar machhlii jab chhooti hai paani se haath dhoti hai zindagaani se aag se jab hua samundar doorus ko jeene ka phir nahin maqdoor ghode jab khet se bichhadte hain jaañ ke laale un ke padte hain g aa.e bhains oont ho ya bakri apne apne thikaane KHush hain sabhi kahiye hubb-e-watan isee ko agar ham se hawaan nahin hain kuchh kam-tar hai koi apni qaum ka hamdard nau-e-insaan ka samjhen jis ko fard jis pe itlaq-e-aadmi ho saheeh jis ko hawaan pe de saken tarjeeh qaum par koi zad na dekh sake qaum ka haal-e-bad na dekh sake qaum se jaañ tak aziz na ho qaum se badh ke koi cheez na ho samjhe un ki khushi ko raahat-e-jaan waan jo nau-roz ho to eed ho yaa ranj ko un ke samjhe maaya-e-gham waan agar sog ho to yaa maatam bhool jaa.e sab apni qadr-e-jaleel dekh kar bhaaiyon ko khwaar-o-zaleel jab pade un pe gardish-e-aflaak apni aasaishon pe daal de KHaak baithe be-fikr kya ho ham-watano utho ahl-e-watan ke dost bano mard ho tum kisi ke kaam aao warna khao piyo chale jaao jab koi zindagi ka lutf uthao dil ko dukh bhaaiyon ke yaad dilao pahno jab koi umdaa tum poshaak karo daaman se ta garebaan chaak khaana khao to jee men tum sharmao thanda paani piyo to ashk bahao kitne bhaai tumhaare hain nadaar zindagi se hai jin ka dil bezaar naukaron ki tumhaare jo hai ghiza un ko vo KHvaab men nahin milta jis pe tum jootiyon se firte ho waan muyassar nahin vo odhne ko khao to pahle lo khabar un ki jin pe bipata hai neesti ki pa dii pahno to pahle bhaaiyon ko pahnaao ki hai utran tumhaari jin ka banaav ek daali ke sab hain barg-o-samar hai koi un men khushk aur koi tar sab ko hai ek asl se paivand koi aazurda hai koi khursand muqabilo mudabbiron ko yaad karo khush-dilo gham-zadon ko shaad karo jaagne waale ghaafiloon ko jagao tairne waalo doobton ko tirao hain mile tum ko chashm o gosh agar lo jo li jaa.e kor-o-kar ki khabar tum agar haath paanv rakhte ho langde lulo ko kuchh sahaara do tandurusti ka shukr kiya hai batao ranj beemaar bhaaiyon ka hatao tum agar chahte ho mulk ki khairna kisi ham-watan ko samjho gair ho musalmaan us men ya hindu bodh mazhab ho ya ki ho brahmoo jafari hove ya ki ho hanfi jeen-mat hove ya ho vaishnavi sab ko mee thii nigaah se dekho samjho aankhoñ ki putliyaan sab ko mulk hain ittifaq se azaad shahar hain ittifaq se aabaad hind men ittifaq hota agar khaate ghairoon ki thokren kyunkar qaum jab ittifaq kho bai thii apni pounji se haath dho bai thii ek ka ek ho gaya bad-khwaah lagii ghairoon ki padne tum pe nigaah phir ga.e bhaaiyon se jab bhaai jo na aani thii vo bala aayi paanv iqbaal ke ukhadne lage mulk par sab ke haath padne lage kabhi tooraniyon ne ghar lootaa kabhi durraaniyon ne zar lootaa kabhi naadir ne qatl-e-aam kiya kabhi mahmood ne ghulaam kiya sab se aaKHir ko le gaii baazi ek shaista qaum maghrib ki ye bhi tum par KHuda ka tha ina'am ki pada tum ko aisi qaum se kaam warna dum maarnay na paate tum padti jo sar pe vo uthaate tum mulk raunde ga.e hain pairo'n se chain kis ko mila hai ghairoon se qaum se jo tumhaare bartaav socho ai mire pyaaro aur sharmao ahl-e-daulat ko hai ye istighna ki nahin bhaaiyon ki kuchh parwa shahar men qahat ki duhaai hai jaan-e-aalam labon pe aayi hai bacche ik ghar men bilbilaate hain ro ke maa baap ko rulaate hain koi firta hai maangata dar dar hai kahii pet se bandha patthar par jo hain un men sahib-e-maqdoor un men ginti ke honge aise ghayoor ki jinhen bhaaiyon ka gham hogaa apni raahat ka dhyaan kam hogaa jitne dekhoge paoge be-dard dil ke naamard aur naam ke mard aish men jin ke kate hain auqaat eed hai din to shabbaraat hai raat qaum marti hai bhook se to mare kaam unhen apne halve-maande se in ko ab tak khabar nahin aslan shahar men bhaav kya hai ghalle ka ghalla arzaan hai in dinon ki giran kaal hai shahar men pada ki samaan kaal kya shay hai kis ko kahte hain bhook bhook men kyunki marte hain maflook ser bhooke ki qadr kya samjheus ke nazdeek sab hain pet bhare ahl-e-daulat ka sun chuke tum haal ab suno ruyedaad-e-ahl-e-kamaal faazilon ko hai faazilon se inaad panditon men pade hue hain fasaad hai tabeebon men nok-jhok sadaa ek se ek ka hai thook juda rahne do ah-e-ilm hain is tarah pahalwaanon men laag ho jis tarah eidu waalon ka hai agar pattha shekhu waalon men ja nahin saka shaairon men bhi hai yahii takraar khushnaveshon ko hai yahii aazaar laakh nekon ka kyun na ho ik nek dekh saka nahin hai ek ko ek is pe turra ye hai ki ahl-e-hunr door samjhe hue hain apna ghar mili ik gaanth jis ko hal dii kius ne samjha ki main hooñ pansaari nuskha ik tib ka jis ko aata hai sage-bhaai se vo chhupata hai jis ko aata hai foonkna kushta hai hamaari taraf se vo goonga jis ko hai kuchh raml men maaloomaat vo nahin karta seedhe munh se baat baap bhaai ho ya ki ho beta bhed paata nahin munajjam ka kaam kandle ka jis ko hai maaloom hai zamaane men us ki bukhl ki dhoom al-gharz jis ke paas hai kuchh cheez jaañ se bhi siva hai us ko aziz qaum par un ka kuchh nahin ehsaan un ka hona na hona hai yaksaan sab kamaalaat aur hunar un ke qabr men un ke saath jaayenge qaum kya kah ke un ko royegi naam par kyun ki jaañ khoyegi tarbiyat-yafta hain jo yaa ke khwaah be-e hon is men ya em-e bharte hubb-e-watan ka go dam hain par muhibb-e-watan bahut kam hain qaum ko un se jo umeedein theen ab jo dekha to sab galat nikliin history un ki aur geography saath parde men munh diye hai pa dii band us qufl men hai ilm un ka jis ki kunji ka kuchh nahin hai pata lete hain apne dil hi dil men maze goya goonge ka gud hain kh aa.e hue karte firte hain sair-e-gul tanhaa koi paas un ke ja nahin saka ahl-e-insaaf sharm ki ja hai gar nahin bukhl ye to phir kya hai tum ne dekha hai jo vo sab ko dikhaao tum ne chakha hai jo vo sab ko chakhao ye jo daulat tumhaare paas hai aaj ham-watan is ke hain bahut mohtaaj munh ko ek ik tumhaare hai takta ki nikalta hai munh se aap ke kya aap shaista hain to apne li.e kuchh sulook apni qaum se bhi ki.e mez kursi agar lagaate hain aap qaum se poochiye to pun hai na paap munda joota gar aap ko hai pasand qaum ko is se faaeda na gazand qaum par karte ho agar ehsaan to dikhaao kuchh apna josh-e-nihaan kuchh dinon aish men khalal daalo pet men jo hai sab ugal daalo ilm ko kar do koo-b-koo arzaan hind ko kar dikhaao englistan sunte ho saamain-e-ba-tamkeen sunte ho haazireen-e-sadr-nasheen jo hain duniya men qaum ke hamdard banda-e-qom un ke hain zan o mard baap ki hai dua ye bahr-e-pisar qaum ki main banaaun us ko sipar maa KHuda se ye maangti hai muraad qaum par se nisaar ho aulaad bhaai aapas men karte hain paimaan tu agar maal de to main doon jaañ ahl-e-himmat kama ke laate hain ham-watan faaede uthaate hain kahii hote hain madarse jaarii dakhl aur khirj jin ke hain bharii aur kahii hote hain kalb qaaim mubahs-e-hikmat aur adab qaaim nit-naye khulte hain dawa-khaane bante hain saikron shifa-khaane mulk men jo marz hain aalam-geer qaum par un ki farz hai tadbeer hain sadaa is udhed-bun men tabeeb ki koi nuskha haath aa.e ajeeb qaum ko pahunchen manfaat jis se mulk men failein faaede jis ke khap ga.e kitne ban ke jhadon men mar ga.e saikron pahaadon men likhe jab tak ji.e safar-naa men chal diye haath men qalam thaa men go safar men uth aa.e ranj-e-kamaal kar diya par watan ko apne nihaal hain ab in ke gawaah hubb-e-watan dar-o-deewar-e-paris o london kaam hain sab bashar ke hum-vatanon tum se bhi ho sake to mard bano chhodo afsurdagi ko josh men aao bas bahut soye utho hosh men aao qafile tum se badh ga.e koson rahe jaate ho sab se peeche kyun qaafilon se agar mila chaaho mulk aur qaum ka bhala chaaho gar raha chahte ho izzat se bhaaiyon ko nikaalo zillat se un ki izzat tumhaari izzat hai un ki zillat tumhaari zillat hai qaum ka mubtadil hai jo insaan be-haqeeqat hai garche hai sultaan qaum duniya men jis ki hai mumtaaz hai faqiri men bhi vo ba-ezaaz izzat-e-qom chahte ho agar ja ke failao un men ilm-o-hunar zaat ka fakhr aur nasab ka ghuroor uth ga.e ab jahaan se ye dastoor ab na sayyad ka iftikhaar saheehna brahman ko shudr par tarjeeh hui turki tamaam khaanon men kat gaii jad se khaandaanon men qaum ki izzat ab hunar se hai ilm se ya ki seem-o-zar se hai koi din men vo daur aayega be-hunar bheek tak na paayegana rahenge sadaa yahii din raat yaad rakhna hamaari aaj ki baat gar nahin sunte qaul haali ka phir na kehna ki koi kahtaa tha

ham ghoom chuke bastii ban men ik aas ki phaans li.e man men koi saajan ho koi pyaara ho koi deepak ho koi taara ho jab jeevan raat andheri ho ik baar kaho tum meri ho jab saawan baadal chhaaye hon jab phaagun phool khilaaye hon jab chanda roop lutaata ho jab suraj dhoop nahaata ho ya shaam ne bastii gheri ho ik baar kaho tum meri ho haandil ka daaman faila hai kyungori ka dil maila hai ham kab tak peet ke dhoke men tum kab tak door jharoke men kab deed se dil ko seeri ho ik baar kaho tum meri ho kya jhagda sood khasaare ka ye kaaj nahin banjaare ka sab sona roopa le jaa.e sab duniya duniya le jaa.e tum ek mujhe bahuteri ho ik baar kaho tum meri ho

phir ek raat yoon hi guzar jaane ko hai phir ek raat yoon hi guzar jaane ko hai KHvaab saare toot kar kahii sifar jaane ko hain ghonsla wahm-o-gumaan ka phir se ujad jaane ko hai zakham vo purane phir nikhar aane ko hain saara jahaan maano gahri neend men so gaya hai ye man meraa phir un haseen yaadon men kho gaya hai qalam jaise phir koi nazm likhne ki zid pe adi hai shareef dil ki ye aadat aaj bhi bahut burii hai aankhoñ se neend phir gum si gaii hai seene men dhadkan jaise tham si gaii hai ye chanchal hawaaen ye gum sum ghataaen mujhe KHud se kahii door le ja rahi hain vo sunsaan sadken vo veeraan galiyaan mujhe phir se apne paas bula rahi hain harek parwaane ko jaise bas shama ki talash hai lehron ke man men bhi koi adhuri si pyaas hai sitaare ab chamak chamak kar thak se ga.e hain patte bhi poori tarah shabnam se lipt ga.e hain vaqt jaise ret ki tarah fisal raha hai chaand teji se falak ki or badh raha hai ye sukoon-e-andhera phir se utar jaane ko hai ye khoobsurat nazaare phir se bikhar jaane ko hain phir ek raat yoon hi guzar jaane ko hai

mere raaste men ik mod tha aur us mod par ped tha ek bargad ka ooncha ghana jis ke saa.e men meraa bahut vaqt beeta hai lekin hamesha yahii main ne socha ki raaste men ye mod hi is li.e hai ki ye ped hai umr ki aandhiyon men vo ped ek din gir gaya hai mod lekin hai ab tak wahin ka wahin dekhta hooñ to aage bhi raaste men bas mod hi mod hain ped koi nahin raaston men mujhe yuñ to mil jaate hain meherbaan phir bhi har mod par poochta hai ye dil vo jo ik chaanv thii kho gaii hai kahaan

ghar men baithe hue kya likhte ho baahar niklo dekho kya haal hai duniya ka ye kya aalam hai sooni aañkhen hain sabhi KHushiyon se khaali jaise aao in aankhoñ men KHushiyon ki chamak ham likh den ye jo maathe hain udaasi ki lakeeron ke tale aao in maathon pe qismat ki damak ham likh den chehron se gahri ye maayusi mita ke aao in pe ummeed ki ik ujli kiran ham likh den door tak jo ha men veeraane nazar aate hain aao veeraanon par ab ek chaman ham likh den lafz-dar-lafz samundar sa bahe mauj-b-mauj bahr-e-naghmaat men har koh-e-sitam hal ho jaa.e duniya duniya na rahe ek ghazal ho jaa.e

dil vo sehra tha ki jis sehra men hasratein ret ke teelon ki tarah rahtii theen jab hawadis ki hawa un ko mitaane ke li.e chalti thii yahaañ mitati theen kahii aur ubhar aati theen shakl khote hi nayi shakl men dhal jaati theen dil ke sehra pe magar ab ki baar saanehaa guzra kuchh aisa ki sunaaye na bane aandhi vo aayi ki saare teele aise bikhre ki kahii aur ubhar hi na sake yuñ mite hain ki kahii aur banaaye na bane ab kahii teele nahin ret nahin ret ka zarra nahin dil men ab kuchh nahin dil ko sehra bhi agar kahiye to kaise kahiye

kuchh tum ne kaha kuchh main ne kaha aur badhte badhte baat badhi dil oob gaya dil doob gaya aur gahri kaali raat badhi tum apne ghar main apne ghar saare darwaaze band ki.e baithe hain kadve ghoont pi.e odhe hain ghusse ki chadar kuchh tum socho kuchh main sochun kyun unchi hain ye deewarein kab tak ham in par sar maarein kab tak ye andhere rahne hain keena ke ye ghere rahne hain chalo apne darwaaze khole aur ghar ke baahar aayen ham dil thehre jahaan hain barson se vo ik nukkad hai nafrat ka kab tak is nukkad par thehre ab is ke aage jaayen ham bas thodii door ik dariyaa hai jahaan ek ujaala bahta hai waan lehron lehron hain kirnen aur kirnon kirnon hain lahren in kirnon men in lehron men ham dil ko khoob nahaane den seenon men jo ik patthar haius patthar ko ghul jaane den dil ke ik kone men bhi chhupi gar thodii si bhi nafrat hai is nafrat ko dhul jaane den dono ki taraf se jis din bhi izhaar nadaamat ka hogaa tab jashn mohabbat ka hogaa

main kitnii sadiyon se tak raha hooñ ye kaayenaat aur is ki wus'at tamaam hairat tamaam hairat ye kya tamasha ye kya samaan hai ye kya ayaan hai ye kya nihaan hai athaah saaghar hai ik khala kana jaane kab se na jaane kab tak kahaan talak hai hamaari nazaron ki intiha hai jise samjhte hain ham falak hai ye raat ka chhalni chhalni sa kaala aasmaañ hai ki jis men jugnoo ki shakl men be-shumaar suraj pighal rahe hain shahaab-e-saaqib hai ya hamesha ki thandi kaali fazaaon men jaise aag ke teer chal rahe hain karod-ha noori barson ke faaslon men phaili ye kahkashaaen khala ghere hain ya khalaon ki qaid men hai ye kaun kis ko li.e chala hai har ek lamha karodon meelon ki jo masafat hai in ko aaKHir kahaan hai jaana agar hai in ka kahii koi aaKHiri thikaana to vo kahaan hai jahaan kahii hai sawaal ye hai vahaañ se aage koi zameen hai koi falak hai agar nahin hai to ye nahin kitnii door tak hai main kitnii sadiyon se tak raha hooñ ye kaayenaat aur is ki wus'at tamaam hairat tamaam hairat sitaare jin ki safeer kirnen karodon barson se raah men hai zameen se milne ki chaah men hai kabhi to aa ke karengi ye meri aañkhen raushan kabhi to aayegi mere haathon men raushni ka ek aisa daaman ki jis ko thaa men main ja ke dekhoonga in khalaon ke phaile aangan kabhi to mujh ko ye kaayenaat apne raaz khul ke suna hi degi ye apna aaghaaz apna anjaam mujh ko ik din bataa hi degi agar koi waiz apne mimbar se nakhwat-aamez lahzhe men ye kahe ki tum to kabhi samajh hi nahin sakoge ki is qadar hai ye baat gahri to koi pooche jo main na samjha to kaun samjhaayega aur jis ko kabhi na koi samajh sake aisi baat to phir fuzool thehri