tumhein ik baat kahni thii ijaazat ho to kah doon main ye bheega bheega sa mausam ye titli phool aur shabnam chamakte chaand ki baatein ye boonden aur barsaatein ye kaali raat ka aanchal hawa men naachte baadal dhadakte mausamon ka dil mehkati khushbuon ka dil ye sab jitne nazaare hain kaho kis ke ishaare hain s abhii baatein sooni tum ne phir aañkhen fer leen tum ne main tab ja kar kahii samjha ki tum ne kuchh nahin samjha main qissa mukhtasar kar ke zaraa neechi nazar kar ke ye kahtaa hooñ abhii tum se mohabbat ho gaii tum se

dost ke naam khat tumne haal poocha hai haalat-e-mohabbat men haal ka bat aanaa kya dil sisak raha ho to zakham ka chhup aanaa kya tum jo pooch baithe ho kuchh to ab bat aanaa hai baat ek bah aanaa hai tumne haal poocha hai ik diya jalata hooñ theek hai bataata hooñ roz uski yaadon men door tak chale j aanaa jo bhi tha kaha usne apne saath dohr aanaa saans jab ruke to phir apni marti aankhoñ men uski shakl le aanaa aur zindagi p aanaa roz aise hota hai kuchh purane message hain jin men uski baatein hain kuchh tabeel subhe hain kuchh qadeem raatein hain maine uski baaton men zindagi guzaari hai zindagi mitaane ka hausla nahin mujh men ek ek lafz uskaa saans men pirooya hai rooh men samoya hai uske jitne message hai roz khol leta hooñ usse kah nahin paata KHud se bol leta hooñ uske pej par ja kar roz dekhta hooñ main aaj kitne logon ne uski pairavi ki hai aur sochta hooñ main ye naseeb waale hain us..ko dekh sakte hain usse baat karte hain ye ijaazaton waale mujhse kitne behtar hain main to daagh tha koi jo mita diya usne gar mita diya usne theek hi kiya usne tumne haal poocha tha lo bataa diya maine jo bhi kuchh bataaya hai us..ko mat bataa dena padh ke ro paro to phir in tamaam lafzon ko bas gale laga lena vo meri mohabbat hai aur sadaa rahegi vo jab nahin rahoonga to ek din kahegi vo tum ali faqat tum the jisne mujh...ko chaaha tha jisne mere maathe ko choom kar bataaya tha tum dua ka chehra ho tum haya ka pahra ho main to tab nahin hoonga par meri sabhi naz men uski baat sun lenge tum bhi muskuraa dena phir bahut mohabbat se us..ko sab bataa dena uske narm haathon men meraa khat thama dena lo ye khat tumhaara hai aur uski jaanib se vo jo bas tumhaara tha aaj bhi tumhaara hai

ye kis tarah yaad aa rahi ho ye KHvaab kaisa dikha rahi ho ki jaise sach-much nigaah ke saamne khadi muskuraa rahi ho ye jism-e-naazuk ye narm baahen haseen gardan sidaul baazu shagufta chehra saloni rangat ghanera jooda siyaah gesu nasheeli aañkhen raseeli chitwan daraaz palken maheen abroo tamaam shokhi tamaam bijli tamaam masti tamaam jaadu hazaaron jaadu jaga rahi ho ye KHvaab kaisa dikha rahi ho gulaabi lab muskuraate aariz jabeen kushaada buland qamat nigaah men bijliyon ki jhil-mil adaaon men shabnami lataafat dhadakta seena mehkati saansen nava men ras ankhadiyon men amrit hama halaavat hama malaahat hama tarannum hama nazaakat lachak lachak gunguna rahi ho ye KHvaab kaisa dikha rahi ho to kya mujhe tum jala hi logi gale se apne laga hi logi jo phool jude se gir pada hai tadap ke us ko utha hi logi bhadakte sholon karkati bijli se meraa khirman bacha hi logi ghaneeri zulfon ki chaanv men muskuraa ke mujh ko chhupa hi logi ki aaj tak aazma rahi ho ye KHvaab kaisa dikha rahi ho nahin mohabbat ki koi qeemat jo koi qeemat ada karogi vafaa ki furqat na degi duniya hazaar azm-e-wafa karogi mujhe bahlne do ranj-o-gham se sahaare kab tak diya karogi junoon ko itnaa na gudgudao pakad luun daaman to kya karogi qareeb badhti hi aa rahi ho ye KHvaab kaisa dikha rahi ho

bahut KHoob-soorat ho tum bahut KHoob-soorat ho tum kabhi main jo kah doon mohabbat hai tum se to mujh ko khuda raa galat mat samajhna ki meri zaroorat ho tum bahut KHoob-soorat ho tum hain phoolon ki daali pe baanhe tumhaari hain KHaamosh jaadu nigaahen tumhaari jo kaañte hooñ sab apne daaman men rakh luun sajaun main kaliyon se raahen tumhaari nazar se zamaane ki KHud ko bachaana kisi aur se dekho dil mat lagana ki meri amaanat ho tum bahut KHoob-soorat ho tum kabhi jugnuon ki qataaron men dhoondha chamakte hue chaand-taaron men dhoondha khajaon men dhoondha bahaaron men dhoondha machalte hue aabsaaron men dhoondha haqeeqat men dekha fansaane men dekhana tum sa hañsi is zamaane dekhana duniya ki rangeen mehfil men paaya jo paaya tumhein apna hi dil men paaya ek aisi masarrat ho tum bahut KHoob-soorat ho tum hai chehra tumhaara ki din hai sunhara hai chehra tumhaara ki din hai sunhara aur is par ye kaali ghataon ka pahra gulaabon se naazuk mahakta badan hai ye lab hain tumhaare ki khilta chaman hai bikhero jo zulfen to sharmaae baadal farishte bhi dekhen to ho jaayen paagal vo paakizaa moorat ho tum bahut KHoob-soorat ho tum jo ban ke kali muskuraati hai akshar shab hijr men jo rulaati hai akshar jo lamhon hi lamhon men duniya badal de jo sha'ir ko de jaa.e pahluu ghazal ke chhupaana jo chahein chhupaai na jaa.e bhulaana jo chahein bhulaai na jaa.e vo pahli mohabbat ho tum bahut KHoob-soorat ho tum bahut KHoob-soorat ho tum bahut KHoob-soorat ho tum bahut KHoob-soorat ho tum

main business man hooñ jaanam meri shohrat meraa danka mere e'jaz ka sunkar kabhi ye na samajh lena main choti ka likhaari hooñ main business man hooñ jaanam main chhota sa byopaari hooñ meri aarat pe barson se jo mehnge daam bikta hai vo tere gham ka sauda hai teri aañkhen tere aañsu teri chaahat tere jazbe yahaañ selfon pe rakhe hain vahii to maine beche hain tumhaari baat chhid jaa.e to baatein bech deta hooñ zaroorat kuchh ziyaada ho to yaaden bech deta hooñ tumhaare naam ke sadke bahut paisa kamaaya hai nayi gaa dii kharee dii hai naya bangla banaya hai magar kyun mujh...ko lagta hai mere andar ka byopaari tumheen ko bech aaya hai main business man hooñ jaanam main business man hooñ jaanam

zinda-baash ai inqilaab ai shola-e-faanus-e-hind garmiyaan jis ki farogh-e-mankul-e-jaan ho gaiin bastiyon par chha rahi theen maut ki khaamoshiyaan tu ne soor apna jo phoonka mahsharistan. ho gaiin jitni boonden theen shaheedaan-e-watan ke KHoon ki qasr-aazaa dii ki aaraish ka saamaan ho gaiin marhaba ai nau-giraftaar-e-bedad-e-farang jin ki zanjeeren kharosh-afza-e-zindaan ho gaiin zindagi un ki hai deen un ka hai duniya un ki hai jin ki jaanen qaum ki izzat pe qurbaan ho gaiin

ai nukta-varaan-e-sukhan-aara-o-sukhan-sanj ai naghma-giraan-e-chamanistaan-e-maafi maana ki dil-afroz hai afsaana-e-azra maana ki dil-aawez hai salma ki kahaanii maana ki agar chhed haseenon se chali jaa.e kat jaayega is mashghale men ahad-e-jawaani garmaayega ye hamhama afsurda dilon ko badh jaayegi dariya-e-tabeeat ki ravaani maana ki hain aap apne zamaane ke nazeeri maana ki har ik aap men hai urfi-e-saani maana ki hadees-e-khat-o-rukhsaar ke aage bekar hai mashshaaiyon ki falsafa-daani maana ki yahii zulf o khat-o-khaal ki roodaad hai maaya-e-gul-kaari-e-aivaan-e-maafi lekin kabhi is baat ko bhi aap ne socha ye aap ki taqweem hai sadiyon ki puraani maashooq naye bazm nayi rang naya hai paida naye khaa men hue hain aur naye maani mizgaan ki sinaan ke evaz ab sunti hai mehfil kaanton ki kathaa barhana-paai ki zabaani lazzat vo kahaan laal-e-lab-e-yaar men hai aaj jo de rahi hai pet ke bhookhon ki kahaanii badla hai zamaana to badliye ravish apni jo qaum hai bedaar ye hai us ki nishaani ai hum-nafso yaad rahe khoob ye tum ko bastii nayi mashriq men humeen ko hai basaani

prayaag men mili hai jamuna se aa ke ganga pighla hua ye neelam bahta hua vo heera in ki judaaiyon ne kheecha hai naqsh-e-jauza in ki ravaaniyaan hain shaan-e-khuda-e-yakta sangam ki seedhiyon par moti ludhak raha hai

hai kal ki abhii baat ki the hind ke sartaaj dete the tumhein aa ke salaateen-e-zaman baaz kya rang zamaane ne ye badla hai ki tum ko duniya ki har ik qaum samjhti hai zaleel aaj daaman-e-nigah jis ki fazaa ke li.e tha tang vo baagh hua dekhte hi dekhte taaraaj jab tak rahe tum dast-nigar apne KHuda ke hone na diya us ne tumhein gair ka muhtaaj jo ho ga.e us ke vo hua un ka nigahbaanus ki hai jinhen sharm hai un ki bhi use laaj mit jaao magar haq ko na mitte hue dekho seekho ye ravish gar tumhein lena hai swaraaj

pahunchta hai har ik may-kash ke aage daur-e-jaam us ka kisi ko tishna-lab rakhta nahin hai lutf-e-aam us ka gawaahi de rahi hai us ki yaktaai pe zaat us ki dui ke naqsh sab jhoote hain saccha ek naam us ka har ik zarra fazaa ka daastaan us ki sunaata hai har ik jhonka hawa ka aa ke deta hai payaam us ka main us ko kaaba-o-but-khaana men kyun dhoondhne nikloon mire toote hue dil hi ke andar hai qayaam us ka mirii uftaad ki bhi mire haq men us ki rahmat thii ki girte girte bhi main ne liya daaman hai thaam us ka vo KHud bhi be-nishaan hai zakham bhi hain be-nishaan us ke diya hai is ne jo charka nahin hai iltiyaam us kana ja us ke tahammul par ki hai ab dhab girift us ki dar us ki der-geeri se ki hai sakht intiqaam us ka