tum ho tum sukoon ho pur-sukoon ho mire ishq ka tum junoon ho main hosh men baahosh men mire jism ka tum KHoon ho tum sard ho barsaat bhi mirii garmiyon ki tum june ho tum ghazal ho ho tum shaayri mirii likhi nazm ki dhun ho mirii hañsi bhi tum mirii khushi bhi tum mire is hayaat ki mamnoon ho tum dhoop ho mirii chaanv bhi tum siyaah raat ka moon ho tum sin ho tum kaaf bhi tum waao ke baad ki noon ho tum sukoon ho pur-sukoon ho mire ishq ka tum junoon ho

vo log bahut KHush-qismat the jo ishq ko kaam samjhte the ya kaam se aashiqi karte the ham jeete-ji masroof rahe kuchh ishq kiya kuchh kaam kiya kaam ishq ke aadhe aata raha aur ishq se kaam uljhta raha phir aaKHir tang aa kar ham ne dono ko adhoora chhod diya

banda aur KHuda ek mukhtasar si kahaanii hai jo zafar ki muh-zabaani hai ye hukoomat aasmaani hai har maKHlooq roohani hai ye KHuda ki meherbaani hai ki sajdon men jhukti peshaani hai ye saari duniya faani hai har shaKHs ko maut aani hai ye insaaniyat ayyaashi ki deewani hai har shaKHs ki dhalti jawaani hai qudrat ki pakad se koi nahin bacha ye aa rahe azaab qayamat ki nishaani hai ye logon ki gumaahi aur badi nadaani hai ki kahaan u uupar KHuda ko shakl ha men dikhaani hai

bahut KHoob-soorat ho tum bahut KHoob-soorat ho tum kabhi main jo kah doon mohabbat hai tum se to mujh ko khuda raa galat mat samajhna ki meri zaroorat ho tum bahut KHoob-soorat ho tum hain phoolon ki daali pe baanhe tumhaari hain KHaamosh jaadu nigaahen tumhaari jo kaañte hooñ sab apne daaman men rakh luun sajaun main kaliyon se raahen tumhaari nazar se zamaane ki KHud ko bachaana kisi aur se dekho dil mat lagana ki meri amaanat ho tum bahut KHoob-soorat ho tum kabhi jugnuon ki qataaron men dhoondha chamakte hue chaand-taaron men dhoondha khajaon men dhoondha bahaaron men dhoondha machalte hue aabsaaron men dhoondha haqeeqat men dekha fansaane men dekhana tum sa hañsi is zamaane dekhana duniya ki rangeen mehfil men paaya jo paaya tumhein apna hi dil men paaya ek aisi masarrat ho tum bahut KHoob-soorat ho tum hai chehra tumhaara ki din hai sunhara hai chehra tumhaara ki din hai sunhara aur is par ye kaali ghataon ka pahra gulaabon se naazuk mahakta badan hai ye lab hain tumhaare ki khilta chaman hai bikhero jo zulfen to sharmaae baadal farishte bhi dekhen to ho jaayen paagal vo paakizaa moorat ho tum bahut KHoob-soorat ho tum jo ban ke kali muskuraati hai akshar shab hijr men jo rulaati hai akshar jo lamhon hi lamhon men duniya badal de jo sha'ir ko de jaa.e pahluu ghazal ke chhupaana jo chahein chhupaai na jaa.e bhulaana jo chahein bhulaai na jaa.e vo pahli mohabbat ho tum bahut KHoob-soorat ho tum bahut KHoob-soorat ho tum bahut KHoob-soorat ho tum bahut KHoob-soorat ho tum

murshid murshid please aaj mujhe vaqt deejie murshid main aaj aap ko dukhde sunaaunga murshid hamaare saath badaa zulm ho gaya murshid hamaare desh men ik jang chhid gayi murshid sabhi shareef sharaafat se mar ga.e murshid hamaare zehan girftaar ho ga.e murshid hamaari soch bhi baazaari ho gayi murshid hamaari fauj kya ladti hareef se murshid use to ham se hi furqat nahin mili murshid bahut se maar ke ham KHud bhi mar ga.e murshid ha men zirh nahin talwaar dii gayi murshid hamaari zaat pe bohtan chad ga.e murshid hamaari zaat palandon men dab gayi murshid hamaare vaaste bas ek shaKHs tha murshid vo ek shaKHs bhi taqdeer le udri murshid KHuda ki zaat pe andha yaqeen tha afsos ab yaqeen bhi andha nahin raha murshid mohabbaton ke nataaij kahaan ga.e murshid meri to zindagi barbaad ho gayi murshid hamaare gaav ke bacchon ne bhi kaha murshid koon aakhi aa ke sadaa haal dekh wajan murshid hamaara koi nahin ek aap hain ye main bhi jaanta hooñ ke achha nahin hua murshid main jal raha hooñ hawaaein na deejie murshid azala keejiye duaaein na deejie murshid KHamosh rah ke pareshaan na keejiye murshid main rona rote hue andha ho gaya aur aap hain ke aap ko ehsaas tak nahin hah sabr kijeye sabr ka fal meetha hota hai murshid main bhonkdai haan jo kaii she vi nahin bachi murshid wahaan yazidiyat aage nikal gayi aur paarsa namaaz ke peeche pade rahe murshid kisi ke haath men sab kuchh to hai magar murshid kisi ke haath men kuchh bhi nahin raha murshid main lad nahin sakaa par cheekhta raha KHaamosh rah ke zulm ka haami nahin banaa murshid jo mere yaar bhala chhodein rahne den achchhe the jaise bhi the KHuda un ko KHush rakhen murshid hamaari raunakein doori nigal gayi murshid hamaari dosti subhaat kha ga.e murshid ai photo pichhle maheene chhikaya ham hooñ mekun dekh lagda ai jo ai photo meda ai ye kis ne khel khel men sab kuchh ult diya murshid ye kya ke mar ke ha men zindagi mile murshid hamaare virse men kuchh bhi nahin so ham bemausmi wafaat ka dukh chhod jaayenge murshid kisi ki zaat se koi gilaa nahin apna naseeb apni kharaabi se mar gaya murshid vo jis ke haath men har ek cheez hai shaayad hamaare saath vahii haath kar gaya murshid duaaein chhod teraa pol khul gaya tu bhi meri tarah hai tere bas men kuchh nahin insaan meraa dard samajh sakte hi nahin main apne saare zakhm KHuda ko dikhaaunga ai rabbe kaaynaat idhar dekh main fakeer jo teri sarparasti men barbaad ho gaya parvardigaar bol kahaan jaayen tere log tujh tak pahunchne ko bhi wasila zaroori hai parvardigaar aave ka aawa bigad gaya ye kisko tere deen ke theke diye ga.e har shaKHs apne baap ke firke men band hai parvardigaar tere sahife nahin khule kuchh aur bhej tere guzishta sahifon se maqsad hi hal hue hain masaail nahin hue jo ho gaya so ho gaya ab mukhtiyaari cheen parvardigaar apne khaleefe ko rassi daal jo tere paas vaqt se pahle pahunch ga.e parvardigaar unke masaail ka hal nikaal parvardigaar sirf banaa dena kaafi nain takhleeq karke de to phir dekhbhaal kar ham log teri kun ka bharam rakhne aa.e hain parvardigaar yaar hamaara khayal kar

Wo subah kabhi to aaegi

hiraas tere honton pe tabassum ki vo halki si lakeer mire takhyyul men rah rah ke jhalak uthatii hai yoon achaanak tire aariz ka khayal aata hai jaise zulmat men koi shamaan bhadak uthatii hai tere pairahan-e-rangeen ki junoon-khez mahak KHvaab ban ban ke mire zehan men lehraati hai raat ki sard KHamoshii men har ik jhonke se tere anfaas tire jism ki aanch aati hai main sulagte hue raazon ko ayaan to kar doon lekin un raazon ki tashheer se jee dartaa hai raat ke KHvaab ujaale men bayaañ to kar doon un haseen KHvaabon ki taabeer se jee dartaa hai teri saanson ki thakan teri nigaahon ka sukoot dar-haqeeqat koi rangeen sharaarat hi na ho main jise pyaar ka andaaz samajh baitha hoon vo tabassum vo takallum tiri aadat hi na ho sochta hoon ki tujhe mil ke main jis soch men hoon pahle us soch ka maqsoom samajh loon to kahoon main tire shahar men anjaan hoon pardesi hoon tere altaaf ka mafhoom samajh loon to kahoon kahii aisa na ho paanv mire tharraa jaayein aur tiri marmariin baanhon ka sahaara na mile ashk bahte rahen KHaamosh siyah raaton men aur tire reshmi aanchal ka kinaara na mile

saathiyo main ne barson tumhaare li.e chaand taaron bahaaron ke sapne bune husn aur ishq ke geet gaata raha aarzooon ke aivaan sajaata raha main tumhaara mughanni tumhaare li.e jab bhi aaya naye geet laata raha aaj lekin mire daaman-e-chaak men gard-e-raah-e-safar ke siva kuchh nahin mire barbat ke seene men nagmon ka dam ghut gaya taanein cheekh'on ke ambaar men dab gaii hain aur geeton ke sur hichakiyaañ ban ga.e hain main tumhaara mughanni hooñ naghma nahin hooñ aur nag men ki takhleeq ka saaz-o-samaan saathiyo aaj tum ne bhasm kar diya hai aur main apna toota hua saaz thaa men sard laashon ke ambaar ko tak raha hooñ mire chaaron taraf maut ki vahshatein naachti hain aur insaan ki haiwaaniyat jaag uthi hai barbariyat ke khun-khaar ifreet apne naapaak jabdon ko khole KHoon pee pee ke gurra rahe hain bacche maon ki godon men sah men hue hain ismatein sar-barhana pareshaan hain har taraf shor-e-aah-o-buka hai aur main is tabaahi ke toofaan men aag aur khun ke haijaan men sar-nigoon aur shikasta makaanon ke malbe se pur raaston par apne nagmon ki jholi pasaare dar-b-dar phir raha hooñ mujh ko amn aur tahzeeb ki bheek do mire geeton ki lay meraa sur meri nay mire majrooh honton ko phir saunp do saathiyo main ne barson tumhaare li.e inqilaab aur baghaavat ke nag men alaape ajnabi raaj ke zulm ki chaanv men sarfaroshi ke khwaabida jazbe ubhaare aur us subh ki raah dekhi jis men is mulk ki rooh azaad ho aaj zanjeer-e-mehkoomiyat kat chuki hai aur is mulk ke bahr-o-bar baam-o-dar ajnabi qaum ke zulmat-afshan farere ki manhoos chaanv se azaad hain khet sona ugalne ko bechain hain vaadiyaan lahlahaane ko betaab hain kohsaaron ke seene men haijaan hai sang aur khisht be-khwab wa bedaar hain un ki aankhoñ men taameer ke KHvaab hain un ke KHvaabon ko takmeel ka roop do mulk ki vaadiyaan ghaatiyan khetiyan auratein bacchiyan haath phailaaye khairaat ki muntazir hain in ko amn aur tahzeeb ki bheek do maon ko un ke honton ki shaadaabiyan nanhe bacchon ko un ki khushi bakhsh do mulk ki rooh ko zindagi bakhsh do mujh ko meraa hunar meri lay bakhsh do aaj saari fazaa hai bhikaari aur main is bhikaari fazaa men apne nagmon ki jholi pasaare dar-b-dar phir raha hooñ mujh ko phir meraa khoya hua saaz do main tumhaara mughanni tumhaare li.e jab bhi aaya naye geet laata rahoonga

ye kooche ye neelaamghar dilkashi ke ye lutte hue kaarvaan zindagi ke kahaan hain kahaan hai muhafiz khu dii ke jinhen naaz hai hind par vo kahaan hain ye purpeech galiyaan ye badnaam bazaar ye gumnaam raahi ye sikko ki jhankaar ye ismat ke saude ye saudo'n pe takraar jinhen naaz hai hind par vo kahaan hain ye sadiyon se bekhwaab sahmi si galiyaan ye masli hui adhkhili zard kaliyaan ye bikti hui khokhli rang-ralliyaan jinhen naaz hai hind par vo kahaan hain vo ujle dareechon men paayal ki chhan-chhan thaki-haari saanson pe table ki dhan-dhan ye berooh kamron men khansi ki than-than jinhen naaz hai hind par vo kahaan hain ye phoolon ke gajre ye peeko'n ke chheente ye bebaak nazren ye gustaakh fikre ye dhalke badan aur ye beemaar chehre jinhen naaz hai hind par vo kahaan hain yahaan peer bhi aa chuke hain jawaan bhi tanomand bete bhi abbaa miyaan bhi ye biwi bhi hai aur behn bhi hai maa bhi jinhen naaz hai hind par vo kahaan hain madad chahti hai ye hawwa ki beti yashoda ki hamjins radha ki beti payambar ki ummat zulaykhaan ki beti jinhen naaz hai hind par vo kahaan hain zara mulk ke rahbaro'n ko bulao ye kuche ye galiyaan ye manzar dikhaao jinhen naaz hai hind par unko laao jinhen naaz hai hind par vo kahaan hain

main pal-do-pal ka shayar hooñ pal-do-pal meri kahaanii hai pal-do-pal meri hasti hai pal-do-pal meri jawaani hai mujh se pahle kitne shayar aa.e aur aa kar chale ga.e kuchh aahen bhar kar laut ga.e kuchh nag men ga kar chale ga.e ve bhi ek pal ka qissa the main bhi ek pal ka qissa hooñ kal tum se juda ho jaaunga go aaj tumhaara hissa hooñ main pal-do-pal ka shayar hooñ pal-do-pal meri kahaanii hai pal-do-pal meri hasti hai pal-do-pal meri jawaani hai kal aur aayenge nagmon ki khilti kaliyaan chunne waale mujhse behtar kehne waale tumse behtar sunne waale kal koi mujh ko yaad kare kyuuñ koi mujh ko yaad kare masroof zamaana mere li.e kyuuñ vaqt apna barbaad kare main pal-do-pal ka shayar hooñ pal-do-pal meri kahaanii hai pal-do-pal meri hasti hai pal-do-pal meri jawaani hai main har ik pal ka shayar hooñ har ik pal meri kahaanii hai har ik pal meri hasti hai har ik pal meri jawaani hai rishton ka roop badalta hai buni yaaden khatm nahin hoti KHvaabon aur umangon ki mi yaaden khatm nahin hoti ik phool men teraa roop basa ik phool men meri jawaani hai ik chehra teri nishaani hai ik chehra meri nishaani hai main har ik pal ka shayar hooñ har ik pal meri kahaanii hai har ik pal meri hasti hai har ik pal meri jawaani hai tujhko mujh...ko jeevan amrit ab in haathon se peena hai inki dhadkan men basna hai inki saanson men jeena hai tu apni adaayein baksh inhen main apni wafaayein deta hooñ jo apne li.e socheen thii kabhi vo saari duaayein deta hooñ main har ik pal ka shayar hooñ har ik pal meri kahaanii hai har ik pal meri hasti hai har ik pal meri jawaani hai