murshid murshid please aaj mujhe vaqt deejie murshid main aaj aap ko dukhde sunaaunga murshid hamaare saath badaa zulm ho gaya murshid hamaare desh men ik jang chhid gayi murshid sabhi shareef sharaafat se mar ga.e murshid hamaare zehan girftaar ho ga.e murshid hamaari soch bhi baazaari ho gayi murshid hamaari fauj kya ladti hareef se murshid use to ham se hi furqat nahin mili murshid bahut se maar ke ham KHud bhi mar ga.e murshid ha men zirh nahin talwaar dii gayi murshid hamaari zaat pe bohtan chad ga.e murshid hamaari zaat palandon men dab gayi murshid hamaare vaaste bas ek shaKHs tha murshid vo ek shaKHs bhi taqdeer le udri murshid KHuda ki zaat pe andha yaqeen tha afsos ab yaqeen bhi andha nahin raha murshid mohabbaton ke nataaij kahaan ga.e murshid meri to zindagi barbaad ho gayi murshid hamaare gaav ke bacchon ne bhi kaha murshid koon aakhi aa ke sadaa haal dekh wajan murshid hamaara koi nahin ek aap hain ye main bhi jaanta hooñ ke achha nahin hua murshid main jal raha hooñ hawaaein na deejie murshid azala keejiye duaaein na deejie murshid KHamosh rah ke pareshaan na keejiye murshid main rona rote hue andha ho gaya aur aap hain ke aap ko ehsaas tak nahin hah sabr kijeye sabr ka fal meetha hota hai murshid main bhonkdai haan jo kaii she vi nahin bachi murshid wahaan yazidiyat aage nikal gayi aur paarsa namaaz ke peeche pade rahe murshid kisi ke haath men sab kuchh to hai magar murshid kisi ke haath men kuchh bhi nahin raha murshid main lad nahin sakaa par cheekhta raha KHaamosh rah ke zulm ka haami nahin banaa murshid jo mere yaar bhala chhodein rahne den achchhe the jaise bhi the KHuda un ko KHush rakhen murshid hamaari raunakein doori nigal gayi murshid hamaari dosti subhaat kha ga.e murshid ai photo pichhle maheene chhikaya ham hooñ mekun dekh lagda ai jo ai photo meda ai ye kis ne khel khel men sab kuchh ult diya murshid ye kya ke mar ke ha men zindagi mile murshid hamaare virse men kuchh bhi nahin so ham bemausmi wafaat ka dukh chhod jaayenge murshid kisi ki zaat se koi gilaa nahin apna naseeb apni kharaabi se mar gaya murshid vo jis ke haath men har ek cheez hai shaayad hamaare saath vahii haath kar gaya murshid duaaein chhod teraa pol khul gaya tu bhi meri tarah hai tere bas men kuchh nahin insaan meraa dard samajh sakte hi nahin main apne saare zakhm KHuda ko dikhaaunga ai rabbe kaaynaat idhar dekh main fakeer jo teri sarparasti men barbaad ho gaya parvardigaar bol kahaan jaayen tere log tujh tak pahunchne ko bhi wasila zaroori hai parvardigaar aave ka aawa bigad gaya ye kisko tere deen ke theke diye ga.e har shaKHs apne baap ke firke men band hai parvardigaar tere sahife nahin khule kuchh aur bhej tere guzishta sahifon se maqsad hi hal hue hain masaail nahin hue jo ho gaya so ho gaya ab mukhtiyaari cheen parvardigaar apne khaleefe ko rassi daal jo tere paas vaqt se pahle pahunch ga.e parvardigaar unke masaail ka hal nikaal parvardigaar sirf banaa dena kaafi nain takhleeq karke de to phir dekhbhaal kar ham log teri kun ka bharam rakhne aa.e hain parvardigaar yaar hamaara khayal kar

daulat na ata karna maula shohrat na ata karna maula bas itnaa ata karna chahe jannat na ata karna maula shamma-e-watan ki lau par jab qurbaan patanga ho hothon par ganga ho haathon men tiranga ho hothon par ganga ho haathon men tiranga ho bas ek sadaa hi sunen sadaa barfeeli mast hawaon men bas ek dua hi uthe sadaa jalte-tapte sehraaon men jeete-ji iska maan rakhen mar kar maryada yaad rahe ham rahen kabhi na rahen magar iski saj-dhaj aabaad rahe jan-man men uchchal desh prem ka jaladhi taranga ho hothon par ganga ho haathon men tiranga ho hothon par ganga ho haathon men tiranga ho geeta ka gyaan sune na sunen is dharti ka yashgaan sunen ham sabad-keertan sun na saken bharat maa ka jaygaan sunen परवरदिगार,मैं tere dwaar par le pukaar ye aaya hoon chahe azaan na sunen kaan par jay-jay hindustan sunen jan-man men uchchal desh prem ka jaladhi taranga ho hothon par ganga ho haathon men tiranga ho hothon par ganga ho haathon men tiranga ho

mahbooba ke naam tu apni chitthiyon men meer ke ashaar likhti hai mohabbat ke bina hai zindagi bekar likhti hai tere khat to ibaarat hain wafadari ki qasmoñ se jinhen main padhte dartaa hooñ vahii har baar likhti hai tu pairokaar leila ki hai sheerin ki pujaaran hai magar tu jispe baithi hai vo sone ka singhaasan hai teri palkon ke maskaare tere honthon ki ye laali ye tere reshmi kapde ye tere kaan ki baali gale ka ye chamakta haar haathon ke tere kangan ye sab ke sab hai mere dil mere ehsaas ke dushman ki inke saamne kuchh bhi nahin hai pyaar ki qeemat wafa ka mol kya kya hai aitbaar ki qeemat shikasta kashtiyon tooti hui patwaar ki qeemat hai meri jeet se badhkar to teri haar ki qeemat haqeeqat KHoon ke aañsu tujhe rulvaayegi jaanaan tu apne faisley par baad men pachtaayegi jaanaan mere kaandhe pe chhote bhaaiyon ki zimmedaari hai mere maa baap boodhe hai behn bhi to kunvaari hai barhana mausamon ke vaar ko tu sah na paayegi haveli chhod kar tu jhopdi men rah na paayegi ameeri teri meri muflisi ko chhal nahin sakti tu nange paanv to kaaleen par chal nahin sakti

mere zakhm nahin bharte yaaron mere naakhun badhte jaate hain main tanhaa ped hoon jungle ka mere patte jhadte jaate hain main kaun hoon kya hoon kab ki hoon ek teri kab hoon sabki hoon main koel hoon shehraao ki mujhe taab nahin hai chaanv ki ek daldal hai tere vaadon ki mere pair ukhadte jaate hain mere zakhm nahin bharte yaaro mere naakhun badhte jaate hain main kis bacche ki gudiya thii main kis pinjare ki chidiya thii mere khelne waale kahaan ga.e mujhe choomne waale kahaan ga.e mere jhumke girvi mat rakhna mere kangan tod na dena main banjar hoti jaati hoon kahii dariyaa mod na dena kabhi milnaa is par sochenge ham kya manzil par pahunchenge raaston men hi ladte jaate hain mere zakhm nahin bharte yaaron mere naakhun badhte jaate hain

suno shaa dii mubarak ho suno shaa dii mubarak ho dulhan to ban chuki ho ab bataa bhi do ki sunne ko vo khush-khabri main aaun ab kisi din chhod jaayegi tere bete ko koi jab kisi 'aashiq ki maa ka dukh samajh paa.e tu shaayad tab ise insaaf kahte hain isee se bhaagte hain sab isee ko poojta hooñ main isee se kaanpate hain rab magar tab tak munaasib hai tadap ko bolna kartab suno shaa dii mubarak ho dulhan to ban chuki ho ab

Wo subah kabhi to aaegi

saathiyo main ne barson tumhaare li.e chaand taaron bahaaron ke sapne bune husn aur ishq ke geet gaata raha aarzooon ke aivaan sajaata raha main tumhaara mughanni tumhaare li.e jab bhi aaya naye geet laata raha aaj lekin mire daaman-e-chaak men gard-e-raah-e-safar ke siva kuchh nahin mire barbat ke seene men nagmon ka dam ghut gaya taanein cheekh'on ke ambaar men dab gaii hain aur geeton ke sur hichakiyaañ ban ga.e hain main tumhaara mughanni hooñ naghma nahin hooñ aur nag men ki takhleeq ka saaz-o-samaan saathiyo aaj tum ne bhasm kar diya hai aur main apna toota hua saaz thaa men sard laashon ke ambaar ko tak raha hooñ mire chaaron taraf maut ki vahshatein naachti hain aur insaan ki haiwaaniyat jaag uthi hai barbariyat ke khun-khaar ifreet apne naapaak jabdon ko khole KHoon pee pee ke gurra rahe hain bacche maon ki godon men sah men hue hain ismatein sar-barhana pareshaan hain har taraf shor-e-aah-o-buka hai aur main is tabaahi ke toofaan men aag aur khun ke haijaan men sar-nigoon aur shikasta makaanon ke malbe se pur raaston par apne nagmon ki jholi pasaare dar-b-dar phir raha hooñ mujh ko amn aur tahzeeb ki bheek do mire geeton ki lay meraa sur meri nay mire majrooh honton ko phir saunp do saathiyo main ne barson tumhaare li.e inqilaab aur baghaavat ke nag men alaape ajnabi raaj ke zulm ki chaanv men sarfaroshi ke khwaabida jazbe ubhaare aur us subh ki raah dekhi jis men is mulk ki rooh azaad ho aaj zanjeer-e-mehkoomiyat kat chuki hai aur is mulk ke bahr-o-bar baam-o-dar ajnabi qaum ke zulmat-afshan farere ki manhoos chaanv se azaad hain khet sona ugalne ko bechain hain vaadiyaan lahlahaane ko betaab hain kohsaaron ke seene men haijaan hai sang aur khisht be-khwab wa bedaar hain un ki aankhoñ men taameer ke KHvaab hain un ke KHvaabon ko takmeel ka roop do mulk ki vaadiyaan ghaatiyan khetiyan auratein bacchiyan haath phailaaye khairaat ki muntazir hain in ko amn aur tahzeeb ki bheek do maon ko un ke honton ki shaadaabiyan nanhe bacchon ko un ki khushi bakhsh do mulk ki rooh ko zindagi bakhsh do mujh ko meraa hunar meri lay bakhsh do aaj saari fazaa hai bhikaari aur main is bhikaari fazaa men apne nagmon ki jholi pasaare dar-b-dar phir raha hooñ mujh ko phir meraa khoya hua saaz do main tumhaara mughanni tumhaare li.e jab bhi aaya naye geet laata rahoonga

taaj tere li.e ik mazhar-e-ulfat hi sahi tujh ko is waadi-e-rangeen se aqeedat hi sahi meri mahboob kahii aur mila kar mujh se bazm-e-shaahi men ghareebon ka guzar kya ma'ni sabt jis raah men hon satwat-e-shaahi ke nishaanus pe ulfat bharii roohon ka safar kya ma'ni meri mahboob pas-e-parda-e-tash'heer-e-wafa tu ne satvat ke nishaanon ko to dekha hota murda-shaahon ke maqaabir se bahlne waali apne tareek makaanon ko to dekha hota an-ginat logon ne duniya men mohabbat ki hai kaun kahtaa hai ki saadiq na the jazbe un ke lekin un ke li.e tashheer ka samaan nahin kyunki vo log bhi apni hi tarah muflis the ye imaaraat o maqaabir ye faseelen ye hisaar mutlaq-ul-hukm shahenshaahon ki azmat ke sutoon seena-e-dehr ke naasoor hain kohna naasoor jazb hai un men tire aur mire ajdaad ka khun meri mahboob unhen bhi to mohabbat hogii jin ki sannaai ne bakshi hai use shakl-e-jameel un ke pyaaron ke maqaabir rahe benaam-o-numood aaj tak un pe jalaaii na kisi ne qindeel ye chaman-zaar ye jamuna ka kinaara ye mahal ye munqash dar o deewaar ye mehraab ye taq ik shahenshah ne daulat ka sahaara le kar ham ghareebon ki mohabbat ka udaaya hai mazaak meri mahboob kahii aur mila kar mujh se

ye kooche ye neelaamghar dilkashi ke ye lutte hue kaarvaan zindagi ke kahaan hain kahaan hai muhafiz khu dii ke jinhen naaz hai hind par vo kahaan hain ye purpeech galiyaan ye badnaam bazaar ye gumnaam raahi ye sikko ki jhankaar ye ismat ke saude ye saudo'n pe takraar jinhen naaz hai hind par vo kahaan hain ye sadiyon se bekhwaab sahmi si galiyaan ye masli hui adhkhili zard kaliyaan ye bikti hui khokhli rang-ralliyaan jinhen naaz hai hind par vo kahaan hain vo ujle dareechon men paayal ki chhan-chhan thaki-haari saanson pe table ki dhan-dhan ye berooh kamron men khansi ki than-than jinhen naaz hai hind par vo kahaan hain ye phoolon ke gajre ye peeko'n ke chheente ye bebaak nazren ye gustaakh fikre ye dhalke badan aur ye beemaar chehre jinhen naaz hai hind par vo kahaan hain yahaan peer bhi aa chuke hain jawaan bhi tanomand bete bhi abbaa miyaan bhi ye biwi bhi hai aur behn bhi hai maa bhi jinhen naaz hai hind par vo kahaan hain madad chahti hai ye hawwa ki beti yashoda ki hamjins radha ki beti payambar ki ummat zulaykhaan ki beti jinhen naaz hai hind par vo kahaan hain zara mulk ke rahbaro'n ko bulao ye kuche ye galiyaan ye manzar dikhaao jinhen naaz hai hind par unko laao jinhen naaz hai hind par vo kahaan hain

maine chaand aur sitaaron ki tamannaa ki thii mujh ko raaton ki siyaahi ke siva kuchh na mila main vo naghma hoon jise pyaar ki mehfil na mili vo musaafir hoon jise koi bhi manzil na mili zakham paa.e hain bahaaron ki tamannaa ki thii maine chaand aur sitaaron ki tamannaa ki thii kisi gesu kisi aanchal ka sahaara bhi nahin raaste men koi dhundla sa sitaara bhi nahin meri nazaron ne nazaaron ki tamannaa ki thii maine chaand aur sitaaron ki tamannaa ki thii dil men naakaam umeedon ke basere paa.e raushni lene ko niklaa to andhere paa.e rang aur noor ke dhaaron ki tamannaa ki thii maine chaand aur sitaaron ki tamannaa ki thii meri raahon se juda ho gaiin raahen un ki aaj badli nazar aati hain nigaahen un ki jin se is dil ne sahaaron ki tamannaa ki thii maine chaand aur sitaaron ki tamannaa ki thii pyaar maanga to siskate hue armaan mile chain chaaha to umdate hue toofaan mile doobte dil ne kinaaron ki tamannaa ki thii maine chaand aur sitaaron ki tamannaa ki thii