bhalii si ek shakl thii bhale dinon ki baat hai bhalii si ek shakl thina ye ki husn-e-taam hona dekhne men aam sina ye ki vo chale to kahkashaan si raahguzaar lage magar vo saath ho to phir bhala bhala safar lage koi bhi rut ho us ki chhab fazaa ka rang-roop thii vo garmiyon ki chaanv thii vo sardiyon ki dhoop thii na muddaton juda rahena saath subh-o-shaam hona rishta-e-wafa pe zidna ye ki izn-e-aam ho na aisi khush-libaasiyaan ki saadgi gilaa karena itni be-takallufi ki aaina haya kare na ikhtilaat men vo ram ki bad-maza hon khwaahisheinna is qadar supurdagi ki zach karen nawaazisheinna aashiqi junoon ki ki zindagi azaab hona is qadar kathor-pan ki dosti KHaraab ho kabhi to baat bhi khafi kabhi sukoot bhi sukhun kabhi to kisht-e-zaafaran kabhi udaasiyon ka ban suna hai ek umr hai muaamalaat-e-dil ki bhi visaal-e-jan-faza to kya firaq-e-jan-gusil ki bhi so ek roz kya hua vafaa pe bahs chhid gaii main ishq ko amar kahooñ vo meri zid se chid gaii main ishq ka aseer tha vo ishq ko qafas kahe ki umr bhar ke saath ko vo bad-tar-az-hawas kahe shajar hazar nahin ki ham hamesha pa-b-gil rahenna dhor hain ki rassiyaan gale men mustaqil rahen mohabbaton ki wusaaten hamaare dast-o-pa men hain bas ek dar se nisbatein sagaan-e-ba-wafa men hain main koi painting nahin ki ik fra men men rahoon vahii jo man ka meet ho usii ke prem men rahoon tumhaari soch jo bhi ho main us mizaaj ki nahin mujhe vafaa se bair hai ye baat aaj ki nahin na us ko mujh pe maan thana mujh ko us pe zoom hi jo ahd hi koi na ho to kya gham-e-shikastagi so apna apna raasta hasi-khushi badal diya vo apni raah chal padi main apni raah chal diya bhalii si ek shakl thii bhalii si us ki dosti ab us ki yaad raat din nahin magar kabhi kabhi

tumhaara phone aaya hai ajab si oob shaamil ho gayi hai roz jeene men palon ko din men din ko kaat kar jeena maheene men mahj maayusiyaan jagti hain ab kaisi bhi aahat par hazaaron uljhnon ke ghonsle latke hain chaukhat par achaanak sab ki sab ye chuppiyaan ik saath pighli hain ummeedein sab simat kar haath ban jaane ko machli hain mere kamre ke sannaate ne angadaai si to dii hai meri KHaamoshiyon ne ek naghma gungunaaya hai tumhaara phone aaya hai tumhaara phone aaya hai sati ka chaitra dik jaa.e jaise roop-baari men ki jaise chhath ke mauke par jagah mil jaa.e gaa dii men meri awaaz se jaage tumhaare baam-o-dar jaise ye namumkin si hasrat hai khyaali hai magar jaise ba dii naakaamiyon ke baad himmat ki lehar jaise ba dii bechainiyon ke baad raahat ka pahar jaise ba dii gumnaamiyon ke baad shohrat ki mehr jaise subah aur shaam ko saadhe hue ik dopahar jaise bade unwaan ko baandhe hue chhoti bahar jaise nayi dulhan ke sharmate hue shaam-o-sehar jaise hatheli par rachi mehn dii achaanak muskuraai hai meri aankhoñ men aañsu ka sitaara jagmagaya hai tumhaara phone aaya hai tumhaara phone aaya hai

murshid murshid please aaj mujhe vaqt deejie murshid main aaj aap ko dukhde sunaaunga murshid hamaare saath badaa zulm ho gaya murshid hamaare desh men ik jang chhid gayi murshid sabhi shareef sharaafat se mar ga.e murshid hamaare zehan girftaar ho ga.e murshid hamaari soch bhi baazaari ho gayi murshid hamaari fauj kya ladti hareef se murshid use to ham se hi furqat nahin mili murshid bahut se maar ke ham KHud bhi mar ga.e murshid ha men zirh nahin talwaar dii gayi murshid hamaari zaat pe bohtan chad ga.e murshid hamaari zaat palandon men dab gayi murshid hamaare vaaste bas ek shaKHs tha murshid vo ek shaKHs bhi taqdeer le udri murshid KHuda ki zaat pe andha yaqeen tha afsos ab yaqeen bhi andha nahin raha murshid mohabbaton ke nataaij kahaan ga.e murshid meri to zindagi barbaad ho gayi murshid hamaare gaav ke bacchon ne bhi kaha murshid koon aakhi aa ke sadaa haal dekh wajan murshid hamaara koi nahin ek aap hain ye main bhi jaanta hooñ ke achha nahin hua murshid main jal raha hooñ hawaaein na deejie murshid azala keejiye duaaein na deejie murshid KHamosh rah ke pareshaan na keejiye murshid main rona rote hue andha ho gaya aur aap hain ke aap ko ehsaas tak nahin hah sabr kijeye sabr ka fal meetha hota hai murshid main bhonkdai haan jo kaii she vi nahin bachi murshid wahaan yazidiyat aage nikal gayi aur paarsa namaaz ke peeche pade rahe murshid kisi ke haath men sab kuchh to hai magar murshid kisi ke haath men kuchh bhi nahin raha murshid main lad nahin sakaa par cheekhta raha KHaamosh rah ke zulm ka haami nahin banaa murshid jo mere yaar bhala chhodein rahne den achchhe the jaise bhi the KHuda un ko KHush rakhen murshid hamaari raunakein doori nigal gayi murshid hamaari dosti subhaat kha ga.e murshid ai photo pichhle maheene chhikaya ham hooñ mekun dekh lagda ai jo ai photo meda ai ye kis ne khel khel men sab kuchh ult diya murshid ye kya ke mar ke ha men zindagi mile murshid hamaare virse men kuchh bhi nahin so ham bemausmi wafaat ka dukh chhod jaayenge murshid kisi ki zaat se koi gilaa nahin apna naseeb apni kharaabi se mar gaya murshid vo jis ke haath men har ek cheez hai shaayad hamaare saath vahii haath kar gaya murshid duaaein chhod teraa pol khul gaya tu bhi meri tarah hai tere bas men kuchh nahin insaan meraa dard samajh sakte hi nahin main apne saare zakhm KHuda ko dikhaaunga ai rabbe kaaynaat idhar dekh main fakeer jo teri sarparasti men barbaad ho gaya parvardigaar bol kahaan jaayen tere log tujh tak pahunchne ko bhi wasila zaroori hai parvardigaar aave ka aawa bigad gaya ye kisko tere deen ke theke diye ga.e har shaKHs apne baap ke firke men band hai parvardigaar tere sahife nahin khule kuchh aur bhej tere guzishta sahifon se maqsad hi hal hue hain masaail nahin hue jo ho gaya so ho gaya ab mukhtiyaari cheen parvardigaar apne khaleefe ko rassi daal jo tere paas vaqt se pahle pahunch ga.e parvardigaar unke masaail ka hal nikaal parvardigaar sirf banaa dena kaafi nain takhleeq karke de to phir dekhbhaal kar ham log teri kun ka bharam rakhne aa.e hain parvardigaar yaar hamaara khayal kar

KHat tumko ye bat aanaa tha ya phir ye samjh aanaa tha dil ki bas ye chaahat thii bas tum par pyaar lut aanaa tha tumko ye bat aanaa tha tha chhedna tumko thoda thoda tumhein sat aanaa tha jo rooth jaate tum mujhse haan mujh...ko tumhein manana tha phir tumko gale lagana tha tumko ye bat aanaa tha lad ke bhi tum sote to tumhaara sir sahl aanaa tha maqsad sirf ek tha tumhaara pyaar kam aanaa tha saari duniya miTTi hai tumhaara saath khazana tha tumko ye bat aanaa tha milne tumse aanaa tha ya phir tumhein bul aanaa tha maang tumhaari bharni thii apna tumhein ban aanaa tha tumhaara hi kahl aanaa tha tumko ye bat aanaa tha is jeevan ka har manzar tumhaare saath bit aanaa tha har phere ka har vaa'da tumhaare saath nibh aanaa tha mangalsutra in haathon se tumko hi pahn aanaa tha tumko ye bat aanaa tha faasle jitne bhi the unko mujhe mit aanaa thaus khuda se har janam men tumhaara saath likh aanaa tha phir baaraat tumhaari chauKHat par tumse hi byah rach aanaa tha tumko ye bat aanaa tha bin bole bas chupke se gajra tumhein dil aanaa tha banata main ek din kh aanaa phir kh aanaa tumhein khil aanaa tha tumhaare haathon se kh aanaa mujh...ko bhi to kh aanaa tha tumko ye bat aanaa tha kho diya tumko maine ye dukh ab mujhe manana tha doob jaata aasmaan bas aañsu mujhe bah aanaa tha phir likh diya maine aañsu bas itnaa meraa fas aanaa tha tumko ye bat aanaa tha bas tumko ye bat aanaa tha

mujh se pahli si mohabbat mirii mahboob na maang mujh se pahli si mohabbat mirii mahboob na maang main ne samjha tha ki tu hai to darkhshan hai hayaat teraa gham hai to gham-e-dehr ka jhagda kya hai teri soorat se hai aalam men bahaaron ko sabaat teri aankhoñ ke siva duniya men rakha kya hai tu jo mil jaa.e to taqdeer nigoon ho jaa.e yuñ na tha main ne faqat chaaha tha yuñ ho jaa.e aur bhi dukh hain zamaane men mohabbat ke siva raahatein aur bhi hain vasl ki raahat ke siva an-ginat sadiyon ke tareek bheemaana tilism resham o atlas o kamkhaab men bunwaaye hue jaa-ba-jaa bikte hue koocha-o-baazaar men jism KHaak men luthde hue KHoon men nahlaaye hue jism nikle hue amraaz ke tannooron se peep bahti hui galte hue naasooron se laut jaati hai udhar ko bhi nazar kya kijeye ab bhi dilkash hai tira husn magar kya kijeye aur bhi dukh hain zamaane men mohabbat ke siva raahatein aur bhi hain vasl ki raahat ke siva mujh se pahli si mohabbat mirii mahboob na maang

zindagi udhaar lagti hai jab se ga.e ho zindagi udhaar lagti hai bina tere mujhe har raat be-iimaan lagti hai aa jaa.e agar waapis to baahon men sametoo'nga tujhe saans to leta hooñ phir kyuuñ zindagi bejaan lagti hai jab se ga.e ho zindagi udhaar lagti hai yuñ tujhe to yaad kar ke din beeta leta hooñ main aane ki teri taakh men nain bichhaaye rakhta hooñ mainna jaane ab kyuuñ bin tere adhuri pahchaan lagti hai jab se ga.e ho zindagi udhaar lagti hai nahin maanta ye dil meraa par kaise sab bhool jaaun main chal ye bataa is dil ka kya ilaaj karvaaun mainna jaane ab kyuuñ zindagi ufaan lagti hai jab se ga.e ho zindagi udhaar lagti hai

tere zehan men tere zehan men kya chal raha hai jaan mujhe sab pata chal raha hai mujh se nazrein chura rahi ho tum teri nazaron se pata chal raha hai jo dil kabhi dhadakta tha mujhe dekh kar vo ab tham sa chuka hai ye pata chal raha hai vo mohabbat jo meri thii kabhi aaj kisi aur ki hai ye pata chal raha hai tere zehan men kya chal raha hai jaan mujhe sab pata chal raha hai mujh se nazrein chura rahi ho tum teri nazaron se pata chal raha hai ye ashk na bahao mere saamne tum ye ashk jhoothe hai ye pata chal raha hai jo judaai par mar jaane ki baat kiya karti thii aaj vo kisi or par marti hai ye pata chal raha hai tere zehan men kya chal raha hai jaan mujhe sab pata chal raha hai mujh se nazrein chura rahi ho tum teri nazaron se pata chal raha hai

haan waapis ja raha hooñ main haan waapis ja raha hooñ main tum se paakar dhokha ishq men dil ko samjha raha hooñ main maine to ishq kiya tha tumhein paane ke li.e par ab lagta hai jaise ishq ke dariyaa men bahta ja raha hooñ main haan jaana ab to waapis ja raha hooñ main tumhe to sab maaloom tha main kaisa ishq karta tha tum se aur kis kadar main ishq men marta tha tum pe sab jaan kar bhi kyuuñ mujhe dhokha diya tum ne aur ik main hooñ jo ab bhi tum pe aitbaar karta ja raha hooñ main haan jaana ab to waapis ja raha hooñ main main dekhta hooñ tum ne koi kasar na chhodi mere ishq ka mazaak banaane men par maine bhi koi kasar na chhodi waapis tumhe apna banaane men ab ghin aati hai KHud par jo ab bhi tum pe marta ja raha hooñ main haan jaana ab to waapis ja raha hooñ main kaise bhoolun us din ko jab maine raqeeb ko teri baanhon men paaya tha jab chand aishon aaraam ke li.e tum ne mere ishq ko thukraaya tha is dard ka ehsaas tumhe bhi ho is li.e KHuda se ab ye dua karta ja raha hooñ main haan jaana ab to waapis ja raha hooñ main ab to waapis ja raha hooñ main

maa-baap bina vo gehna nahin jo maa-baap bina har kisi ko main bha jaaunga vo shaks nahin jo inke siva har kisi ko pasand aa jaaunga main rishte banaane aaya hooñ koi sauda na karke jaaunga maa-baap se badhkar rishta na koi ye tumhe batakar jaaunga vo gehna nahin jo maa-baap bina har kisi ko main bha jaaunga maa kokh men lekar chalti hai pitaa soch men lekar chalte hai bacchon ko koi takleef na ho farzon ka bojh uthakar chalte hai apni kalam se likh inka gun-gaan bhi karke jaaunga vo gehna nahin jo maa-baap bina har kisi ko main bha jaaunga maa-baap ke laad pyaar men daant to beshak hoti hai bacche kitne bhi ho lekin unhe fikr sabhi ki hoti hai unki is shiksha se main har maidaan fateh kar jaaunga vo gehna nahin jo maa-baap bina har kisi ko main bha jaaunga kaise bhoolun aadhiraat men maa ka geelay se sukhe par sulaana kaise bhoolun us baap ko apna pet kaat mujh...ko khilaana main tum dono ke balidaan ka kabhi karz chuka na paaoonga vo gehna nahin jo maa-baap bina har kisi ko main bha jaaunga un bacchon ke bhi kya kehne jo maa-baap se alag ho jaate hai unse koi takleef na ho vriddh aashram chhodkar jaate hai rabb bole aisi aulaad ko kabhi maaf na main kar paaoonga vo gehna nahin jo maa-baap bina har kisi ko main bha jaaunga vo shaks nahin jo inke siva har kisi ko pasand aa jaaunga main rishte banaane aaya hooñ koi sauda na karke jaaunga maa-baap se badhkar rishta na koi ye tumhe batakar jaaunga

aisa kahaan hota hai sahi suna tha jahaan aag jaltee hai dhuaan wahin hota hai har baar mohabbat men yaar mil jaa.e aisa kahaan hota hai vaise to ishq meraa ik tarafaa hi tha us ke darmiyaan varna do tarafaa mohabbat men be-vafaaii ho jaa.e aisa kahaan hota hai sahi suna tha ke jahaan aag jaltee hai dhuaan wahin hota hai har baar mohabbat men yaar mil jaa.e aisa kahaan hota hai agar ishq men leila nahin thii vo to majnu nahin hooñ main agar ishq men heer nahin thii vo to raanjha bhi nahin hooñ main use saccha ishq hota to aakar bataati mujhe varna ishq men vafaa karne par aisa kahaan hota hai sahi suna tha ke jahaan aag jaltee hai dhuaan wahin hota hai har baar mohabbat men yaar mil jaa.e aisa kahaan hota hai main ishq zaahir karta raha vo be-vafaaii se kabhi baaz na aayi main ishq men us ke qareeb aata raha par vo kabhi mere paas na aayi main badi shiddat-muddat se paana chahta tha use phir sochta hooñ ki ye sab karne par bhi ishq men aisa kahaan hota hai sahi suna tha ke jahaan aag jaltee hai dhuaan wahin hota hai har baar mohabbat men yaar mil jaa.e aisa kahaan hota hai akshar us ki be-vafaaii ke kisse suna karta tha main kabhi doston se to kabhi ghairoon se suna karta tha main ishq tha kushal ko isliye yakeen na hua varna doston ki baaton par shak ho jaa.e aisa kahaan hota hai sahi suna tha jahaan aag jaltee hai dhuaan wahin hota hai har baar mohabbat men yaar mil jaa.e aisa kahaan hota hai vaise to ishq meraa ik tarafaa hi tha us ke darmiyaan varna do tarafaa mohabbat men be-vafaaii ho jaa.e aisa kahaan hota hai