us se muhabbat jheelein kya hain uski aañkhen umdaa kya hai uskaa chehra khushboo kya hai uski saansen khushiyaan kya hain uskaa hona to gham kya hai usse judaai saawan kya hai uskaa rona sar dii kya hai uski udaasi garmi kya hai uskaa ghussa aur bahaarein uskaa hansna meetha kya hai uski baatein karwa kya hai meri baatein kya padhna hai uskaa likkha kya sunna hai uski ghazlein lab ki KHvaahish uskaa maatha zakham ki KHvaahish uskaa choona duniya kya hai ik jungle hai aur tum kya ho ped samajh lo aur vo kya hai ik raahi hai kya socha haius se muhabbat kya karte hous se muhabbat matlab peshaus se muhabbat is ke alaavaus se muhabbat usse muhabbat

bhalii si ek shakl thii bhale dinon ki baat hai bhalii si ek shakl thina ye ki husn-e-taam hona dekhne men aam sina ye ki vo chale to kahkashaan si raahguzaar lage magar vo saath ho to phir bhala bhala safar lage koi bhi rut ho us ki chhab fazaa ka rang-roop thii vo garmiyon ki chaanv thii vo sardiyon ki dhoop thii na muddaton juda rahena saath subh-o-shaam hona rishta-e-wafa pe zidna ye ki izn-e-aam ho na aisi khush-libaasiyaan ki saadgi gilaa karena itni be-takallufi ki aaina haya kare na ikhtilaat men vo ram ki bad-maza hon khwaahisheinna is qadar supurdagi ki zach karen nawaazisheinna aashiqi junoon ki ki zindagi azaab hona is qadar kathor-pan ki dosti KHaraab ho kabhi to baat bhi khafi kabhi sukoot bhi sukhun kabhi to kisht-e-zaafaran kabhi udaasiyon ka ban suna hai ek umr hai muaamalaat-e-dil ki bhi visaal-e-jan-faza to kya firaq-e-jan-gusil ki bhi so ek roz kya hua vafaa pe bahs chhid gaii main ishq ko amar kahooñ vo meri zid se chid gaii main ishq ka aseer tha vo ishq ko qafas kahe ki umr bhar ke saath ko vo bad-tar-az-hawas kahe shajar hazar nahin ki ham hamesha pa-b-gil rahenna dhor hain ki rassiyaan gale men mustaqil rahen mohabbaton ki wusaaten hamaare dast-o-pa men hain bas ek dar se nisbatein sagaan-e-ba-wafa men hain main koi painting nahin ki ik fra men men rahoon vahii jo man ka meet ho usii ke prem men rahoon tumhaari soch jo bhi ho main us mizaaj ki nahin mujhe vafaa se bair hai ye baat aaj ki nahin na us ko mujh pe maan thana mujh ko us pe zoom hi jo ahd hi koi na ho to kya gham-e-shikastagi so apna apna raasta hasi-khushi badal diya vo apni raah chal padi main apni raah chal diya bhalii si ek shakl thii bhalii si us ki dosti ab us ki yaad raat din nahin magar kabhi kabhi

mujh se pahli si mohabbat mirii mahboob na maang mujh se pahli si mohabbat mirii mahboob na maang main ne samjha tha ki tu hai to darkhshan hai hayaat teraa gham hai to gham-e-dehr ka jhagda kya hai teri soorat se hai aalam men bahaaron ko sabaat teri aankhoñ ke siva duniya men rakha kya hai tu jo mil jaa.e to taqdeer nigoon ho jaa.e yuñ na tha main ne faqat chaaha tha yuñ ho jaa.e aur bhi dukh hain zamaane men mohabbat ke siva raahatein aur bhi hain vasl ki raahat ke siva an-ginat sadiyon ke tareek bheemaana tilism resham o atlas o kamkhaab men bunwaaye hue jaa-ba-jaa bikte hue koocha-o-baazaar men jism KHaak men luthde hue KHoon men nahlaaye hue jism nikle hue amraaz ke tannooron se peep bahti hui galte hue naasooron se laut jaati hai udhar ko bhi nazar kya kijeye ab bhi dilkash hai tira husn magar kya kijeye aur bhi dukh hain zamaane men mohabbat ke siva raahatein aur bhi hain vasl ki raahat ke siva mujh se pahli si mohabbat mirii mahboob na maang

murshid murshid please aaj mujhe vaqt deejie murshid main aaj aap ko dukhde sunaaunga murshid hamaare saath badaa zulm ho gaya murshid hamaare desh men ik jang chhid gayi murshid sabhi shareef sharaafat se mar ga.e murshid hamaare zehan girftaar ho ga.e murshid hamaari soch bhi baazaari ho gayi murshid hamaari fauj kya ladti hareef se murshid use to ham se hi furqat nahin mili murshid bahut se maar ke ham KHud bhi mar ga.e murshid ha men zirh nahin talwaar dii gayi murshid hamaari zaat pe bohtan chad ga.e murshid hamaari zaat palandon men dab gayi murshid hamaare vaaste bas ek shaKHs tha murshid vo ek shaKHs bhi taqdeer le udri murshid KHuda ki zaat pe andha yaqeen tha afsos ab yaqeen bhi andha nahin raha murshid mohabbaton ke nataaij kahaan ga.e murshid meri to zindagi barbaad ho gayi murshid hamaare gaav ke bacchon ne bhi kaha murshid koon aakhi aa ke sadaa haal dekh wajan murshid hamaara koi nahin ek aap hain ye main bhi jaanta hooñ ke achha nahin hua murshid main jal raha hooñ hawaaein na deejie murshid azala keejiye duaaein na deejie murshid KHamosh rah ke pareshaan na keejiye murshid main rona rote hue andha ho gaya aur aap hain ke aap ko ehsaas tak nahin hah sabr kijeye sabr ka fal meetha hota hai murshid main bhonkdai haan jo kaii she vi nahin bachi murshid wahaan yazidiyat aage nikal gayi aur paarsa namaaz ke peeche pade rahe murshid kisi ke haath men sab kuchh to hai magar murshid kisi ke haath men kuchh bhi nahin raha murshid main lad nahin sakaa par cheekhta raha KHaamosh rah ke zulm ka haami nahin banaa murshid jo mere yaar bhala chhodein rahne den achchhe the jaise bhi the KHuda un ko KHush rakhen murshid hamaari raunakein doori nigal gayi murshid hamaari dosti subhaat kha ga.e murshid ai photo pichhle maheene chhikaya ham hooñ mekun dekh lagda ai jo ai photo meda ai ye kis ne khel khel men sab kuchh ult diya murshid ye kya ke mar ke ha men zindagi mile murshid hamaare virse men kuchh bhi nahin so ham bemausmi wafaat ka dukh chhod jaayenge murshid kisi ki zaat se koi gilaa nahin apna naseeb apni kharaabi se mar gaya murshid vo jis ke haath men har ek cheez hai shaayad hamaare saath vahii haath kar gaya murshid duaaein chhod teraa pol khul gaya tu bhi meri tarah hai tere bas men kuchh nahin insaan meraa dard samajh sakte hi nahin main apne saare zakhm KHuda ko dikhaaunga ai rabbe kaaynaat idhar dekh main fakeer jo teri sarparasti men barbaad ho gaya parvardigaar bol kahaan jaayen tere log tujh tak pahunchne ko bhi wasila zaroori hai parvardigaar aave ka aawa bigad gaya ye kisko tere deen ke theke diye ga.e har shaKHs apne baap ke firke men band hai parvardigaar tere sahife nahin khule kuchh aur bhej tere guzishta sahifon se maqsad hi hal hue hain masaail nahin hue jo ho gaya so ho gaya ab mukhtiyaari cheen parvardigaar apne khaleefe ko rassi daal jo tere paas vaqt se pahle pahunch ga.e parvardigaar unke masaail ka hal nikaal parvardigaar sirf banaa dena kaafi nain takhleeq karke de to phir dekhbhaal kar ham log teri kun ka bharam rakhne aa.e hain parvardigaar yaar hamaara khayal kar

ham milenge kahii ham milenge kahii ajnabi shahar ki KHvaab hoti hui shaahraaoon pe aur shaahraaoon pe phaili hui dhoop men ek din ham kahii saath hoge vaqt ki aandhiyon se ati saahtoon par se miTTi hataate huye ek hi jaise aañsu behaate huye ham milenge ghane janglo ki hari ghaas par aur kisi shaakh-e-naazuk par padte huye bojh ki dastaanon men kho jaayenge ham sanobar ke pedon ki nokiile patton se sadiyon se soye huye devataaon ki aañkhen chabo jaayenge ham milenge kahii barf ke bajuon men ghire parvaton par baanjh qabro men lete huye koh pemaaon ki yaad men nazm kahte huye jo pahaadoon ki aulaad thein aur unhen vaqt aane par maa baap ne apni aaghosh men le liya ham milenge kahii shah sulemaan ke urs men hauz ki seediyon par wuzu karne waalo ke shaffaaf chehron ke aage sangemarmar se aarasta farsh par pair rakhte huye aah bharte huye aur darakhton ko mannat ke dhaago se azaad karte huye ham milenge ham milenge kahii naarmendi ke saahil pe aate huye apne gum gashtarashto ki khaak-e-safar se ati vardiyo ke nishaan dekh kar maraakis se palte huye ek jarnel ki aakhiri baat par muskuraate huye ik jahaan jang ki chot khaate huye ham milenge ham milenge kahii roos ki daastaon ki jhoothi kahaanii pe aankhoñ men hairat sajaaye huye shaam lebnaan beirut ki nargisi chashmuro ki aamad ke nohoo pe hanste huye khooni kaziyo se maflooh jalbaaniyaan ke pahaadi ilaaqon men mehmaan ban kar milenge ham milenge ek murda zamaane ki KHush rang tahzeeb men zasb hone ke imkaan men ik puraani imarat ke pahluu men ujde huye laan men aur apne asiroon ki raah dekhte paanch sadiyon se veeraan zindaan men ham milenge tamannaon ki chhatriyon ke tale khwahishon ki hawaon ke bebaak boso se chhalni badan saumpane ke liye raaston ko ham milenge zameen se namoodaar hote huye aathvein barre azam men udte huye kaaleen par ham milenge kisi baar men apni bakaaya bachi umr ki paaymaali ke jaam haath men lenge aur ek hi ghoont men ham ye saiyal andar utaarenge aur hosh aane talak geet gaayenge bachpan ke qisse sunaata hua geet jo aaj bhi hamko azbar hai bedi be bedi tu thildi tapaiye pate paar kya hai pate paar kya hai ham milenge baagh men gaav men dhoop men chaanv men ret men dasht men shahar men masjidoon men kaliso men mandir men mehraab men church men mooslaadhaar baarish men bazaar men KHvaab men aag men gehre paani men galiyon men jungle men aur aasmaanon men kono makaan se pare gair aabda saiyaraaye aarzoo men sadiyon se khaali padi bench par jahaan maut bhi ham se dasto garebaan hogii to bas ek do din ki mehmaan hogii

banjaara main hooñ bas ek banjaara kabhi is dil kabhi us dil kabhi khamil kabhi shaamil kabhi pur-dil kabhi bujdil kabhi kajdil kabhi khushdil kabhi dilbar kabhi qaateel kabhi ghaafil kabhi yaktil kabhi saagar kabhi saahil ghubaar-e-dil faraagh-e-dil ye raaz-e-dil vo khoon-e-dil meraa vo ishq daag-e-dil hai dood-e-dil mazaq-e-dil vo ik soorat muraad e dil nahin hai ishq be-haasil main gil-dar-gil main naaqabil sar-e-mahfil bajae dil kahiin bhi ja raha hooñ bas nahin maaloom mujh...ko kyuuñ main banjaara hi to hooñ ik kabhi aankhoñ men haathon men thithurti thandi raaton men kisi din ke ujaale men kaleje ke kisi chaale se bahte us lahu men to kisi aariz pe aayi un gulaabi sii lakeeron men gudaaz o narm baanhon men firaaq-e-gham kii aahon men kasak jo hai use gaata phir kisi baitul-ghazal se main khushi ke gham ko likhta aur kahaanii ko sunaata main kisi dil dar pada phir ik dafa us ladki ko awaaz laga kar intezaar-e-maut men paagal raah dekhta ya to mar jaaunga ya phir mujhe vo dik hi jaayegi tere marne pe vo tyaagi agar tab bhi nahin aayi to kya kuchh bhi nahin main to main to vaise bhi banjaara main mil jaaunga gaata hua rota hua paagal kabhi is dar kabhi us dar kabhi is ghar kabhi us ghar kabhi taaron nazaaron men bahaaron ya adaakaron falak ke hatmi tah par ya hatheli kii lakeeron men nahin to khaamoshi tasveeron men ghazal men nazm men aañsu men mehfil aur khaamoshi men kahiin to kabhi to main mil jaaunga lekin rahe ye yaad banjaare hamesha se na the aise kabhi ye bhi kisi ke dil men baste the hanste the magar ik be-vafaaii ne kaleja KHair chhodo bhi adhuri nazm likhna to meri aadat hai adhoora chhoota ik ummeed sii deta hai mujhe kabhi aakar adhoore ko mukammal karne kii so isliye chhod deta hooñ adhoora isko bhi vahii banjaara tumhaara

guzishta pichhle kuchh baras kii yaaden pichhli kuchh raaton se mere zehan men sar patak rahi hain ye meri saansen jo meri iqteza-e-wujud hain phir bhi meri aankhoñ ko khatk rahi hain teri un tang galiyon aur un chhato par dhool chadhi kitaabon aur un khato parus gulzar-e-rizwa ke phoolon kii udaas KHushboo men pedon kii chubhti chaanv men shahar ke kaife men aur mere us chhote se gaav men titliyon kii dhalti raa'naai men koylon kii bujhti ginai men un majloomon kii ranjeeda ehtimaam-e-raanai men teri hateliyon par lagii kisi aur ke naam kii heenai men teri chaukhat par teri khidki pe meri aankhoñ men tumhaari sidki ne meri tavakko ko tod diya hai tune mujh...ko chhod diya hai mere aazurda KHvaab bikhar chuke hain bheetar hi bheetar mar chuke hain behtar kii talash men khushtar din guzar chuke hain tere vasl men duniya ko dar-guzar chuke hain teri ghair-maujoodgi aur ye meri be-takaan afzaaish-e-mohabbat tere li.e dam todti hui umeed-e-didar teraa sarkata hua ishq aur ye raqeeb se qaraar-daad-e-izdawaaj sab milkar mujhe khud-kushi ke li.e taskheer kar chuke hain class kii us bench par diary ke pannon men ghazal-o-nazm ke maani men khushk hothon par aankhoñ ke paani men jo yaad-e-guzaishta qaid thii ab mere bheetar bhatak rahi hai vo ek baat jo kahni hai mere gale men atak rahi hai kya ye sach hai tu bhi use chaahne lagii hai-jhoot kal tak to tere paas meri maa kii katak rahi hai aur kyuuñ meri dii hui laaket tere gale men latk rahi hai main kaise kya hi kar loonga agar tu hi hatak rahi hai pichhle kuchh baras kii yaaden pichhli kuchh raaton se mere zehan men sar patak rahi hain ye meri saansen jo meri iqteza-e-wujud hain phir bhi meri aankhoñ ko khatk rahi hain ye aakhiri khat tha jo maine use bheja tha vo aakhiri raat thii jab maine use dekha tha usne har baar kii tarah qaabil-e-tarjiih nahin samjha usne har baar kii tarah mere qareeh ko qareeh nahin samjha main to paagal hooñ ishq meraa maula tadap meri taqdeer hijr meraa muqaddar udaas shaamen tanhaa raatein bheegi subahkasak khalish tees dil kii zaroorat samjhi so fareb be-vafaaii harjaai-pan bad-'ah dii bakshi shayari bhi kii maine to usne use madiih nahin samjha mohabbat ko KHuda kaha ma'shooq ko faqih nahin samjha kaaziba ko maseeh samjha uski baahon ko baam-e-masiih samjha usne hajv-e-maliih kii mere maleeh rang par naqiih the to naqiih samjha mujhe qaabil-e-tamdiih nahin samjha maine hamesha dast-giri kii uski jisne mujhe kabhi nahin samjha usne jitni ho saki badnaami kii ishq men ana kuchali maine kabhi KHud ko faziih nahin samjha padhte padhte hi likhne ka fan aa gaya maine koii tarshiih nahin samjha usne tere saath kya kiya hai-samajhta hai mohabbat shaayad be-vafaaii nahin aur soch pata nahin aur to yaanii tu nahin samjha jee kuchh nahin samjha tune use kya samjha jee bahut kuchh samjha usne tujhe kya samjha jee kuchh nahin samjha ab to samjhe jee kuchh nahin samjha ye sab kaha tha mere yaaron ne us raat laga tha ye raat nahin guzregi phir woh raat guzar gaii saari khwab-o-khwahish ek saath bikhar gaii vo biyaah karke ek afsar ke saath roee to magar gaii be-vafaaii thii ya woh majboor thii jo bhi tha mujhse bichhad ke uske andar ek ladki mar gaii mujhse kahti thii darte kyuuñ ho main tere saath hooñ phir waqt aane par woh ladki hi dar gaii usse bichhad ke main toot gaya woh bikhar gaii laga tha ab saansen jaise ruk jaayeñgi nahin ruki laga tha ye sargam toot jaayegi so toot gaii dil kii dhadkan magar nahin ruki laga tha ye din ye raat ye subah ye shaam ye baadal ye ghatta ye suraj ye chaand ye taare ye dhoop ye chaanv ye hawa ye baarish ye hañsi khushi chehre kii ye chahal pehal logon kii ye phool mehakte hue ye chidiya chahakti hui meraa dil hai ke ghaza ye machalti hui fazaa sab ruk jaayega kuchh nahin ruka laga tha ek aandhi ek toofaan aayega jo sab baha le jaayega baadal phatenge baandh tootega pahaad tod ke paani saare shahar tabaah kar dega jaise usne mere dil ko kiya hai kuchh nahin hua aankh se bas ek boond tapki aur dost ne kaha woh to ja chuki kab kii mujhe bhi pata tha jabki ye baat thii tabki jis raat usne ye talluq toda tha jis raat usne ye shahar chhodaa tha us baat ko kaii baras beet chuke hain ab to uske bina rahna bhi seekh chuka hooñ uski yaad men uske intizaar men kaafi kuchh likh chuka hooñ usse kehna magar phir bhi aaj bhi main raaton men jagta hooñ chupke chupke saari khabar rakhta hooñ khaane se pahle uskaa nivaala rakhta hooñ tanhaa baith ke hi sahi raat ko chaand takta hooñ vo to aaj bhi meri ya amar hai poochna tha ab main uskaa kya lagta hooñ main to uski yaadon men jeeta hooñ uspe marta hooñ aur sach kehne se bhi nahin dartaa hooñ usse ishq karta tha aur ab bhi usii se karta hooñ pata nahin ab uske dil men kya hai mere li.e main to magar mar mita hooñ uske li.e usse kehna tha usse poochna tha poochna tha tujhe yaad bhi hai tu mujhe yaad karti thii ham dono kabhi ushshaq the tu KHaamosh bai thii rah beshak magar duniya to aaj bhi teraa naam mere saath letii hai tune kyuuñ nahin diya ladkiyaan to saath deti hain KHair roz aise naye sawaal zehan men aate rahte hain mere yaar aur main roz KHud tere himaayati banke mere dil ko samjhaate rahte hain bataate rahte hain bichhadne waale men sab kuchh tha be-vafaaii na thii magar thii ye to bas ham dono jaante hain bas yahii sab sochta rehta hooñ KHud ke nakhuno se in zaKHmon ko nochta rehta hooñ tere saath bitaaye har ek lamhe men gum hooñ main ab main nahin hooñ ab main sirf aur sirf tum hooñ apne maazi kii deewaar ke malbe men daba pada hooñ tu kabhi aayegi to paayegi main kab ka maraa pada hooñ sochta rehta hooñ ham log har pal tanhaa kyuuñ hote hain har pal shoreeda qismat par kyuuñ rote hain bas ek dahleez par hi kyuuñ sote hain apna aapa kyuuñ khote hain ham shayar aise kyuuñ hote hain ek baat batao tu mujhe mili bhi aur tu mili bhi nahin phool khile bhi aur khile bhi nahin tu aayi to mere zakhm sile magar sile bhi nahin pahli mohabbat koii aur thii magar tujhe chaaha usse ziyaada tha so tere bichhadne ka gham jaanaan pahli waaliyon se bhi ziyaada tha meraa tujhse ishq nahin shaa dii ka iraada tha maine to peepal par dhaaga bhi baandha tha tune magar beech raah men hi haath chhod diya kyuuñ tune meraa dil tod diya kyuuñ habaab teri yaad ka foota nahin suna tha ghar ka laal tootaa nahin lutne waale lutte hain koii lootata nahin maraasim toot bhi jaa.e uns chhoota nahin haath chhoot jaata hai saath chhoot jaata hai KHvaab toot jaata hai KHvaahish chhoot jaati hai aadat chhoot jaati hai ibadat chhoot jaati hai dil toot jaata hai tarz toot jaati hai illat chhoot thee nahin tavakko toot thee nahin rabt toot jaata hai rishta tootaa nahin guzishta chhoota nahin

ek saal o mere dil ke tukde meri bahna meri beti mere bacche aaj ek saal ho gaya tumhein baashinda e adam-aabaad hue meri choti-si duniya ko barbaad hue jaise ye KHushboo dhoop abr-o-baad hue tumhe azaad hue mujhe shab-zaad hue tumse koii vivaad hue mujhe na-muraad hue is dil ko naa shaad hue tumhein mahaj ek yaad hue meri beti aaj ek saal ho gaya muqaddar ko bigde hue mujhe tumse bichhde hue is ghar ko ujde hue is dil ke tukde hue baitha rehta hooñ main teri tasveer ko pakde hue bai thii hai teri yaad dil men dil ko jakde hue tere mere jhagde hue aur mujhe tujhpe akade hue abhaage baap ke mukhde se ek aankh ko likde hue abhaage bhai ke kaandhe se ek baazu ko ukhde hue meri beti aaj ek saal ho gaya KHushiyon ko ghar chhode hue KHuda ko muqaddar phode hue ghar kii taraf sailaab ko morde hue meri neend ko cheene KHvaab ko tode hue doctor ke paaro men laute hue haathon ko jode hue tujhko ye duniya chhode hue mujhe duniya se sab naate tode hue meri beti aaj ek saal ho gaya ghar men udaasi ko chh aa.e hue in honton par hansi ko aa.e hue pitaaji ko qisse sun aa.e hue bagiya men phoolon ko aa.e hue aangan men sannaata chh aa.e hue peeth par teraa chaata kh aa.e hue mujh...ko gaana g aa.e hue jee se koii khaana kh aa.e hue dil ko patthar kare hue yaad men teri aañsu bah aa.e hue meri beti aaj ek saal ho gaya mujhe kuchh likhe hue tujhe kahiin dikhe hue mujhe chain se soye hue teri yaad men khoye hue teri awaaz sune hue tere saath taaron ko gine hue tujhe mujhse cheene hue aaj baarah maheene hue KHush rang KHvaabon ko kisi nazar kii aag men jale hue hamaare aashiyaan ke suraj ko dhale hue jin men mismar ho gaii jhopdi apni un aandhiyon ko chale hue in aankhoñ aur rukhsaaron ko gile hue mujhe tuujhse mile hue meri beti aaj ek saal ho gaya bharne the jo zaKHm jigar ke vaqt ke saath sirf gehre hue hain ham samandar men doobi us kashtii kii raah men aaj bhi kinaare par thehre hue hain har kisi ne shuroo men kaha tha ha men bhi dard bas shuroo men raha tha abhii yaqeen nahin hogaa dil bhi ghamgeen nahin hogaa ek vaqt par ja chuka hai dil maan jaata hai ek vaqt ke baad har dard davaa ban jaata hai magar na jaane kyuuñ ye dard to badhta jaata hai mujhe sukoon nahin mil paata hai kaisi zulmat badhti jaati hai meri himmat tootti jaati hai jab laut ke tum nahin aati ho ye diwali kyuuñ aa jaati hai mujh...ko ye maaloom bhi hai laut ke nahin k abhii aate hain ab tum jis jahaan men rahtii ho par tum kab jahaan men rahtii ho tum to aab o hawa men bahti ho ye teraa bhaiyya tere papa teri maiya ye chanda taare jugnoo deepak phool o kaliyaan ye sooni galiyaan aur ham sab tujhko khojte rahte hain ham sab tujhko sochte rahte hain sabse kahte rahte hain yahiin hai vo kahiin nahin gaii hai vo mere dil men rahtii hai vo mujhse milti rahtii hai KHvaabon men veeraan dil ke ujde gulshan men mere tan men mere man men is chaman men holi ke rangon men pichkaari men gubbaaron men diwali kii phuljhadiyon men chakri men anaaron men rangoli ke rangon men diye men ladion men khidki par bai thii gilhari men chidiyon men nau raaton kii nau deviyon men jimti hai pahle aarti karti thii ab karaati hai mujh...ko behad rulaati hai mujhe bhaiyya kah ke bulaati hai chhat kii kaddi men deewaar kii ghadi men har pal tak-tak karti hai mere bheetar mere dil ke aangan men khel khelti vo har pal bak-bak karti hai thandi raat ke ghor sannaate men vo meri ghazlen gaati hai aaj khuld men kya-kya hua raat ko aake bataati hai main gale lagaane ko uthta hooñ aankh khulti hai gum ho jaati hai aisa hote hue mujh...ko rote hue ek saal ho gaya