us se muhabbat jheelein kya hain uski aañkhen umdaa kya hai uskaa chehra khushboo kya hai uski saansen khushiyaan kya hain uskaa hona to gham kya hai usse judaai saawan kya hai uskaa rona sar dii kya hai uski udaasi garmi kya hai uskaa ghussa aur bahaarein uskaa hansna meetha kya hai uski baatein karwa kya hai meri baatein kya padhna hai uskaa likkha kya sunna hai uski ghazlein lab ki KHvaahish uskaa maatha zakham ki KHvaahish uskaa choona duniya kya hai ik jungle hai aur tum kya ho ped samajh lo aur vo kya hai ik raahi hai kya socha haius se muhabbat kya karte hous se muhabbat matlab peshaus se muhabbat is ke alaavaus se muhabbat usse muhabbat

ham milenge kahii ham milenge kahii ajnabi shahar ki KHvaab hoti hui shaahraaoon pe aur shaahraaoon pe phaili hui dhoop men ek din ham kahii saath hoge vaqt ki aandhiyon se ati saahtoon par se miTTi hataate huye ek hi jaise aañsu behaate huye ham milenge ghane janglo ki hari ghaas par aur kisi shaakh-e-naazuk par padte huye bojh ki dastaanon men kho jaayenge ham sanobar ke pedon ki nokiile patton se sadiyon se soye huye devataaon ki aañkhen chabo jaayenge ham milenge kahii barf ke bajuon men ghire parvaton par baanjh qabro men lete huye koh pemaaon ki yaad men nazm kahte huye jo pahaadoon ki aulaad thein aur unhen vaqt aane par maa baap ne apni aaghosh men le liya ham milenge kahii shah sulemaan ke urs men hauz ki seediyon par wuzu karne waalo ke shaffaaf chehron ke aage sangemarmar se aarasta farsh par pair rakhte huye aah bharte huye aur darakhton ko mannat ke dhaago se azaad karte huye ham milenge ham milenge kahii naarmendi ke saahil pe aate huye apne gum gashtarashto ki khaak-e-safar se ati vardiyo ke nishaan dekh kar maraakis se palte huye ek jarnel ki aakhiri baat par muskuraate huye ik jahaan jang ki chot khaate huye ham milenge ham milenge kahii roos ki daastaon ki jhoothi kahaanii pe aankhoñ men hairat sajaaye huye shaam lebnaan beirut ki nargisi chashmuro ki aamad ke nohoo pe hanste huye khooni kaziyo se maflooh jalbaaniyaan ke pahaadi ilaaqon men mehmaan ban kar milenge ham milenge ek murda zamaane ki KHush rang tahzeeb men zasb hone ke imkaan men ik puraani imarat ke pahluu men ujde huye laan men aur apne asiroon ki raah dekhte paanch sadiyon se veeraan zindaan men ham milenge tamannaon ki chhatriyon ke tale khwahishon ki hawaon ke bebaak boso se chhalni badan saumpane ke liye raaston ko ham milenge zameen se namoodaar hote huye aathvein barre azam men udte huye kaaleen par ham milenge kisi baar men apni bakaaya bachi umr ki paaymaali ke jaam haath men lenge aur ek hi ghoont men ham ye saiyal andar utaarenge aur hosh aane talak geet gaayenge bachpan ke qisse sunaata hua geet jo aaj bhi hamko azbar hai bedi be bedi tu thildi tapaiye pate paar kya hai pate paar kya hai ham milenge baagh men gaav men dhoop men chaanv men ret men dasht men shahar men masjidoon men kaliso men mandir men mehraab men church men mooslaadhaar baarish men bazaar men KHvaab men aag men gehre paani men galiyon men jungle men aur aasmaanon men kono makaan se pare gair aabda saiyaraaye aarzoo men sadiyon se khaali padi bench par jahaan maut bhi ham se dasto garebaan hogii to bas ek do din ki mehmaan hogii

chal aa ek aisi nazm kahooñ chal aa ek aisi nazm kahooñ jo lafz kahooñ vo ho jaa.e bas ashk kahooñ to ek aañsu tere gore gaal ko dho jaa.e main aa likkhoon tu aa jaa.e main baith likkhoon tu aa baithe mere shaane par sar rakhe tu main neend kahooñ tu so jaa.e main kaagaz par tere hont likkhoon tere honthon par muskaan aa.e main dil likkhoon tu dil thaa men main gum likkhoon vo kho jaa.e tere haath banaaun pencil se phir haath pe tere haath rakhoon kuchh ulta seedha farz karoon kuchh seedha ulta ho jaa.e main aah likhoon tu haay kare bechain likhoon bechain ho tu phir bechain ka be kaatoon tujhe chain zaraa sa ho jaa.e abhii ain likhoon tu soche mujhe phir sheen likhoon teri neend ude jab qaaf likhoon tujhe kuchh kuchh ho main ishq likhoon tujhe ho jaa.e

ramz tum jab aaogi to khoya hua paayogi mujhe meri tanhaaii men KHvaabon ke siva kuchh bhi nahin mere kamre ko sajaane ki tamannaa hai tumhein mere kamre men kitaabon ke siva kuchh bhi nahin in kitaabon ne badaa zulm kiya hai mujh par in men ik ramz hai jis ramz ka maara hua zehan muzdaa-e-ishrat-e-anjaam nahin pa saka zindagi men kabhi aaraam nahin pa saka

yaad hai pahle roz kaha tha yaad hai pahle roz kaha tha phir na kehna ghalti dil ki pyaar samajh ke karna ladki pyaar nibh aanaa hota hai phir paar lagana hota hai yaad hai pahle roz kaha tha saath chalo to poore safar tak mar jaane ki agli khabar tak samjho yaar KHuda tak hogaa saara pyaar vafaa tak hogaa phir ye bandhan tod na j aanaa chhod ga.e to phir na aanaa chhod diya jo teraa nahin hai chala gaya jo meraa nahin hai yaad hai pahle roz kaha tha ya to toot ke pyaar na karna ya phir peeth pe vaar na karna jab nadaani ho jaati hai nayi kahaanii ho jaati hai nayi kahaanii likh laaunga agle roz main bik jaaunga tere gul jab khil jaayenge mujh...ko paise mil jaayenge yaad hai pahle roz kaha tha bichhad ga.e to mauj udh aanaa waapas mere paas na aanaa jab koi jaakar waapas aa.e roye tadpe ya pachht aa.e main phir us..ko milta nahin hooñ saath dobara chaltaa nahin hooñ gum jaata hooñ kho jaata hooñ main patthar ka ho jaata hooñ

ham parvarish-e-lauh-o-qalam karte rahenge jo dil pe guzarti hai raqam karte rahenge asbaab-e-gham-e-ishq bahm karte rahenge veeraani-e-dauraan pe karam karte rahenge haan talkhi-e-ayyaam abhii aur badhegi haan ahl-e-sitam mashq-e-sitam karte rahenge manzoor ye talkhi ye sitam ham ko gawara dam hai to mudaava-e-alam karte rahenge may-khaana salaamat hai to ham surkhi-e-may se tazain-e-dar-o-baam-e-haram karte rahenge baaki hai lahu dil men to har ashk se paida rang-e-lab-o-rukhsaar-e-sanam karte rahenge ik tarz-e-taghaful hai so vo un ko mubarak ik arz-e-tamanna hai so ham karte rahenge

vo jis ki deed men laakhon masarratein painhaan vo husn jis ki tamannaa men jannaten painhaan hazaar fitne tah-e-pa-e-naaz khaak-nasheen har ik nigaah khumaar-e-shabaab se rangeen shabaab jis se takhayyul pae bijliyaan barse vaqaar jis ki rafaqat ko shokhiyaan tarsen ada-e-laghzish-e-pa paar qayaamaatein qurbaan bayaaz-rukh pae sehar ki sabahtein qurbaan siyaah zulfon men waarfta nikhaton ka hujoom taveel raaton ki khwaabida raahaton ka hujoom vo aankh jis ke banaav pa khaaliq itr aa.e zabaan-e-sher ko taa'riif karte sharm aa.e vo hont faiz se jin ke bahaar laala-farosh behisht o kausar o tasneem o salsabeel b-dosh gudaaz jism qaba jis pae saj ke naaz kare daraaz qad jise sarv-e-sahi namaaz kare garz vo husn jo mohtaaj-e-wasf-o-naam nahin vo hasan jis ka tasavvur bashar ka kaam nahin kisi zamaane men is rah-guzar se guzra tha b-sad ghuroor o tajammul idhar se guzra tha aur ab ye raah-guzar bhi hai dil-fareb o haseen hai is ki KHaak men kaif-e-sharaab-o-sheer makeen hawa men shokhi-e-raftaar ki adaayein hain fazaa men narmi-e-guftaar ki sadaaein hain garz vo husn ab is rah ka juzw-e-manzar hai niyaaz-e-ishq ko ik sajda-gah muyassar hai

chand roz aur mirii jaan faqat chand hi roz zulm ki chaanv men dam lene pe majboor hain ham aur kuchh der sitam sah len tadap len ro len apne ajdaad ki meeraas hai maazoor hain ham jism par qaid hai jazbaat pe zanjeeren hain fikr mahboos hai guftaar pe taa'zeeren hain apni himmat hai ki ham phir bhi ji.e jaate hain zindagi kya kisi mufalis ki qaba hai jis men har ghadi dard ke paivand lage jaate hain lekin ab zulm ki miyaad ke din thode hain ik zaraa sabr ki fariyaad ke din thode hain arsa-e-dehr ki jhulsi hui veeraani men ham ko rahna hai pe yoonhi to nahin rahna hai ajnabi haathon ka be-naam giran-baar sitam aaj sahna hai hamesha to nahin sahna hai ye tire husn se lipti hui aalaam ki gard apni do roza jawaani ki shikaston ka shumaar chaandni raaton ka bekar dahakta hua dard dil ki be-sood tadap jism ki mayus pukaar chand roz aur mirii jaan faqat chand hi roz

vo vaqt mirii jaan bahut door nahin hai jab dard se ruk jaayeñgi sab zeest ki raahen aur had se guzar jaayega andoh-e-nihaani thak jaayeñgi tarsi hui naakaam nigaahen chin jaayenge mujh se mire aañsu mirii aahen chin jaayegi mujh se mirii be-kaar jawaani shaayad mirii ulfat ko bahut yaad karogi apne dil-e-maasoom ko naashaad karogi aaogi mirii gor pe tum ashk bahaane nau-khez bahaaron ke haseen phool chadhaane shaayad mirii turbat ko bhi thukra ke chalogi shaayad mirii be-sood wafaon pe hansogi is waz-e-karam ka bhi tumhein paas na hogaa lekin dil-e-naakaam ko ehsaas na hogaa al-qissaa maal-e-gham-e-ulfaat pe haso tum ya ashk bahaati raho fariyaad karo tum maazi pe nadaamat ho tumhein ya ki masarrat KHaamosh pada soega vaamaanda-e-ulfaat

aaj ke naam aur aaj ke gham ke naam aaj ka gham ki hai zindagi ke bhare gulsitaan se KHafaa zard patton ka ban zard patton ka ban jo mira des hai dard ki anjuman jo mira des hai clerks ki afsurda jaanon ke naam kirm-khurda dilon aur zabaanon ke naam post-menon ke naam taange waalon ka naam rail-banon ke naam kaar-khaano ke bhooke jiyaalon ke naam baadshaah-e-jahaan wali-e-ma-siwa naaib-ul-allah fil-arz dahkaan ke naam jis ke dhoron ko zalim hanka le ga.e jis ki beti ko daaku utha le ga.e haath bhar khet se ek angusht patwaar ne kaat li hai doosri maa li.e ke bahaane se sarkaar ne kaat li hai jis ki pag zor waalon ke paanv-tale dhajjiyaan ho gaii hai un dukhi maon ke naam raat men jin ke bacche bilakte hain aur neend ki maar khaaye hue baazuon men sambhalte nahin dukh bataate nahin minnaton zaariyon se bahalte nahin un haseenaon ke naam jin ki aankhoñ ke gul chilmanon aur dareechon ki belon pe be-kaar khil khil ke murjha ga.e hain un biyahtaon ke naam jin ke badan be mohabbat riya-kaar sejon pe saj saj ke ukta ga.e hain bewaon ke naam katdiyon aur galiyon mohallon ke naam jin ki naapaak khaashaak se chaand raaton ko aa aa ke karta hai akshar wazu jin ke saayo men karti hai aah-o-buka aanchalon ki hina chudiyon ki khanak kaakulon ki mahak aarzoo-mand seenon ki apne paseene men julne ki boo padhne waalon ke naam vo jo ashaab-e-tabl-o-alam ke daron par kitaab aur qalam ka taqaza li.e haath phailaaye vo maasoom jo bhole-pan men vahaañ apne nanhe charaaghon men lau ki lagan le ke pahunchen jahaan bat rahe the ghata-top be-ant raaton ke saa.e un asiroon ke naam jin ke seenon men farda ke shab-taab gauhar jail-khaanon ki shoreeda raaton ki sarsar men jal jal ke anjum-numa ho ga.e hain aane waale dinon ke safeeron ke naam vo jo khushboo-e-gul ki tarah apne paighaam par KHud fida ho ga.e hain