tu kisi aur hi duniya men mili thii mujhse tu kisi aur hi mausam ki mahak laai thii dar raha tha ki kahii zakham na bhar jaayen mere aur tu mutthiyaan bhar-bhar ke namak laai thii aur hi tarah ki aañkhen thii tere chehre par tu kisi aur sitaare se chamak laai thii teri awaaz hi sabkuchh thii mujhe monis-e-jaan kya karun main ki tu boli hi bahut kam mujhse teri chup se hi yahii mehsoos kiya tha maine jeet jayega teraa gham kisi roz mujhse shahar aawaazen lagata tha magar tu chup thii ye taalluq mujhe khaata tha magar tu chup thii vahii anjaam tha jo ishq ka aagaaz se hai tujhko paaya bhi nahin tha ki tujhe khona tha chali aati hai yahii rasm kaii sadiyon se yahii hota hai yahii hogaa yahii hona tha poochta rehta tha tujhse ki bataa kya dukh hai aur meri aankh men aañsu bhi nahin hote the maine andaaze lagaye ke sabab kya hogaa par mere teer taraazu bhi nahin hote the jiska dar tha mujhe maaloom pada logon se phir vo khush-bakht palat aaya teri duniya men jiske jaane pe mujhe tune jagah dii dil men meri qismat men hi jab khaali jagah likhi thii tujhse shikwa bhi agar karta to kaise karta main vo sabza tha jise raund diya jaata hai main vo jungle tha jise kaat diya jaata hai main vo dard tha jise dastak ki kamii khaati hai main vo manzil tha jahaan tooti sadak jaati hai main vo ghar tha jise aabaad nahin karta koi main to vo tha jise yaad nahin karta koi KHair is baat ko tu chhod bataa kaisi hai tune chaaha tha jise vo tere nazdeek to hai kaun se gham ne tujhe chaat liya andar se aaj kal phir se tu chup rahtii hai sab theek to hai

mariyam main aainon se gurez karte hue pahaadon ki kokh men saans lene waali udaas jheelon men apne chehre ka aks dekhooñ to sochta hooñ ki mujh men aisa bhi kya hai mariyam tumhaari be-sakhta mohabbat zameen pe phaile hue samandar ki wusaaton se bhi maavra hai mohabbaton ke samundaron men bas ek bahira-e-hijr hai jo bura hai mariyam khala-navardon ko jo sitaare muaawze men mile the vo unki raushni men ye sochte hain ki vaqt hi to KHuda hai mariyam aur is taalluq ki gathriyon men ruki hui saatyon se hatkar mere li.e aur kya hai mariyam abhii bahut vaqt hai ki ham vaqt de zaraa ik doosre ko magar ham ik saath rahkar bhi KHush na rah sake to muaaf karna ki maine bachpan hi dukh ki dahleez par guzaara main un charaaghon ka dukh hooñ jinki love shab-e-intezaar men bujh gaii magar unse uthne vaala dhuaan zamaan-o-makaan men faila hua hai ab tak main kohsaaron aur unke jismoon se bahne waali un aabshaaron ka dukh hooñ jinko zameen ke chehron par rengte rengte zamaane guzar ga.e hain jo log dil se utar ga.e hain kitaaben aankhoñ pe rakh ke soye the mar ga.e hain main unka dukh hooñ jo jism khud-lazzatee se ukta ke aainon ki tasalliyon men pale badhe hain main unka dukh hooñ main ghar se bhaage huo ka dukh hooñ main raat jaage huo ka dukh hooñ main sahilon se bandhi hui kashtiyon ka dukh hooñ main laapata ladkiyon ka dukh hooñ khulii hue khidkiyon ka dukh hooñ mitti hui takhtiyon ka dukh hooñ thake hue baadlon ka dukh hooñ jale hue junglon ka dukh hooñ jo khul kar barsi nahin hai main us ghatta ka dukh hooñ zameen ka dukh hooñ KHuda ka dukh hooñ bala ka dukh hooñ jo shaakh saawan men foottee hai vo shaakh tum ho jo peeng baarish ke baad ban ban ke tootti hai vo peeng tum ho tumhaare hothon se saatyon ne sama'aton ka sabq liya hai tumhaari hi shaakh-e-sandlee se samundaron ne namak liya hai tumhaara meraa muaamla hi juda hai mariyam tumhein to sab kuchh pata hai mariyam

meraa sansaar mere man ka sukoon bhi tum ho tum hi meri manzil uskaa junoon bhi tum ho meraa din bhi tum ho meri raat bhi tum ho meri neend bhi tum ho mere jazbaat bhi tum ho meraa har lamha tum ho mere haalaat bhi tum ho meraa jeevan bhi tum ho iski masti bhi tum ho hooñ agar main majhdhaar to phir iski kashtii bhi tum ho agar hooñ main shareer to iski asthi bhi tum ho aur hooñ agar main aatma to iski mukti bhi tum ho meraa vairaagya bhi tum ho meri aasakti bhi tum ho meraa eeshwar bhi tum ho meri bhakti bhi tum ho main agar dil hooñ to iski dhadkan bhi tum ho meri har baat tum ho meri tardpan bhi tum ho meri swatantrata bhi tum ho meraa bandhan bhi tum ho meraa sukh bhi tum ho meri muskaan bhi tum ho meraa dukh bhi tum ho meraa sammaan bhi tum ho meraa bal bhi tum ho meraa swaabhimaaan bhi tum ho meri praarthana bhi tum ho meraa abhimaan bhi tum ho meraa har kaam bhi tum ho thak jaaun to aaraam bhi tum ho bheje hain tujhko chaand ke haathon vo saare paigaam bhi tum ho saanson men bas teraa naam hai meraa to anjaam bhi tum ho meraa to aadhaar hi tum ho meri to sarkaar hi tum ho meri to faqeeri bhi tum ho khazane ka ambaar bhi tum ho mere labon ka maun bhi tum ho mere dil ki pukaar bhi tum ho meri to kutiya bhi tum ho meraa raaj-darbaar bhi tum ho meraa har vikaar bhi tum ho meraa to shrungaar bhi tum ho meri jeet-haar bhi tum ho meraa gussa-pyaar bhi tum ho meraa to ghar baar hi tum ho jeene ke aasaar hi tum ho kaise main bataau tujhe tumhaare bin main kuchh bhi nahin meraa to sansaar hi tum ho meraa to sansaar hi tum ho meraa to sansaar hi tum ho

haal-e-dil meri dilruba tum khoobsurat ho soorat se nahin seerat se mujhe tumhaari seerat se muhabbat hai isi li.e seerat ka jaanta hooñ sharm dahshat pareshaani jinhen sukhnavaron kaviyaan ne ishq kii lazzat bataaya hai filhaal ye mere darmiyaañ aa rahe hain bahaal meri chahten tumhaare nafs men dhadkati hain zinda rahtii hain maine tumhein dekha hai dekhte hue mujhe chahte hue mujhe sochte hue aur mere li.e pareshaan hote hue vaise chaahat ho to kehna laazmi hota hai zaroori hota hai lekin ishq kii qaaynaat men lafz KHaamosh rahte hain aur nigaahein baat kar letii hain mujhe pata hai ek din tum meri nigahon se baat kar logi pooch logi aur tumhein javaab milega haan main bhi chahta hooñ khoob chahta hooñ vaise main bhi apne nagmon apni ghazlon men muhabbat khoob likhta hooñ haalaanki sadaqat ye hai ki main bhi kehne men khauf khaata hooñ vaise bura na maanna ki maine tumse kabhi izhaar nahin kiya soch lena ki theory aur practical men farq hota hai khairab jo meraa maujooda haal hai vo ye hai ki aa.e din dil aur dimaagh mas'ala khada kar dete hain dil kahtaa hai tum khoobsurat ho dimaagh kahtaa hai manzil pe ikhtiyaar karo bahaal tum khoobsurat ho tum ziyaada khoobsurat ho tum sabse ziyaada khoobsurat ho tum hi khoobsurat ho

kyuuñ hai tum nahin ho yahaañ par phir bhi tumhaare hone ka ehsaas kyuuñ hai kuchh hai nahin mere haath men phir bhi kuchh hone ki ye aas kyuuñ hai badi hairaani hai mujhe ki vo door hokar bhi itnaa paas kyuuñ hai sabne kaha ki vo to paraaya hai vo paraaya hokar bhi itnaa khaas kyuuñ hai j itnaa vo door hai mujhse vo utna hi mujh...ko raas kyuuñ hai baitha hooñ bilkul ekaant men main phir bhi kaanon men uski aawaaz kyuuñ hai khul ke nahin kahti vo kuchh bhi uski aankhoñ men itne raaz kyuuñ hain basi hai dil men vo mere ye meraa dil uskaa aavaas kyuuñ hai us..ko nahin bhula saka main ye uske naam ki har shvaas kyuuñ hai poori kaaynaat uski yaad dilaati hai ye tan-man men uskaa vaas kyuuñ hai vo meri hui nahin hai abhii us..ko khone ke dar se man itnaa badhavaas kyuuñ hai dooriyaan likhi hain jaise darmiyaan meraa naseeb mujhse itnaa naaraaz kyuuñ hai aise shabd kahaan se laaun ki vo samjhe jo gar na samjha paa.e to phir aise alfaaz kyuuñ hain rah to raha hooñ apne nivaas men uske bin lagta ye vanvaas kyuuñ hai gar mil bhi jaa.e sampatti saari duniya ki magar vo saath nahin to phir ye bhogvilaas kyuuñ hai sote hi uske khwaabon men aur jaagte hi uske khyaalon men kaise bhi uskaa ho jaane ki itni pyaas kyuuñ hai jaltee hain ye nazren ab meri in nainon ko har waqt teri talash kyuuñ hai haalaat kah rahe hain ki ye mumkin nahin phir bhi tum pukaarogi ek din mujhe itnaa vishwas kyuuñ hai ab bhi nahin samjhi kyuuñ hai tumhaari bahut yaad aati hai tum bin raha nahin jaata bas baat kuchh yoon hai tumse bepanaah mohabbat thii hai aur rahegi ye satya jyon ka tyon hai kyuuñ hai

yaad dast-e-tanhaai men ai jaan-e-jahaan larzaan hain teri awaaz ke saa.e tire honton ke saraab dast-e-tanhaai men doori ke khas-o-khaak tale khil rahe hain tire pahluu ke saman aur gulaab uth rahi hai kahiin qurbat se tiri saans kii aanch apni KHushboo men sulagti hui madhham madhham door ufuq paar chamakti hui qatra qatra gir rahi hai tiri dildaar nazar kii shabnam is qadar pyaar se ai jaan-e-jahaan rakkha hai dil ke rukhsaar pe is vaqt tiri yaad ne haath yuñ gumaan hota hai garche hai abhii subh-e-firaq dhal gaya hijr ka din aa bhi gaii vasl kii raat

bahaar aayi to jaise yak-baar laut aa.e hain phir adam se vo KHvaab saare shabaab saare jo tere honton pe mar-mite the jo mit ke har baar phir ji.e the nikhar ga.e hain gulaab saare jo teri yaadon se mushkboo hain jo tere ushshaq ka lahu hain ubal pade hain azaab saare malaal-e-ahwaal-e-dostaan bhi khumaar-e-aaghosh-e-mah-veshaan bhi ghubaar-e-khaatir ke baab saare tire hamaare sawaal saare javaab saare bahaar aayi to khul ga.e hain naye sire se hisaab saare

tere honton ke phoolon ki chaahat men ham daar ki khushk tahni pe vaare ga.e tere haathon ki shamon ki hasrat men ham neem-taareek raahon men maare ga.e sooliyon par hamaare labon se pare tere honton ki laali lapakti rahi teri zulfon ki masti barasti rahi tere haathon ki chaan dii damkati rahi jab ghuli teri raahon men shaam-e-sitam ham chale aa.e l aa.e jahaan tak qadam lab pe harf-e-ghazal dil men qindeel-e-gham apna gham tha gawaahi tire husn ki dekh qaaim rahe is gawaahi pe ham ham jo tareek raahon pe maare ga.e na-rasaai agar apni taqdeer thii teri ulfat to apni hi tadbeer thii kis ko shikwa hai gar shauq ke silsile hijr ki qatl-gaahon se sab ja mile qatl-gaahon se chun kar hamaare alam aur niklengay ushshaq ke qafile jin ki raah-e-talab se hamaare qadam mukhtasar kar chale dard ke faasle kar chale jin ki khaatir jahaangeer ham jaañ ganwa kar tiri dilbari ka bharam ham jo tareek raahon men maare ga.e

moti ho ki sheesha jaam ki dur jo toot gaya so toot gaya kab ashkon se jud saka hai jo toot gaya so chhoot gaya tum naahak tukde chun chun kar daaman men chhu paa.e baithe ho sheeshon ka maseeha koi nahin kya aas lagaaye baithe ho shaayad ki inheen tukdon men kahii vo saaghar-e-dil hai jis men kabhi sad-naaz se utara karti thii sahba-e-gham-e-jaanaan ki pari phir duniya waalon ne tum se ye saaghar le kar phod diya jo may thii baha dii miTTi men mehmaan ka shahpar tod diya ye rangeen reze hain shaayad un shokh bilorin sapnon ke tum mast jawaani men jin se khilwat ko sajaaya karte the naadaari daftar bhook aur gham un sapnon se takraate rahe be-rehm tha chaumukh patharao ye kaanch ke dhaanche kya karte ya shaayad in zarron men kahimoti hai tumhaari izzat ka vo jis se tumhaare izz pe bhi shamshaad-qadon ne rashk kiya is maal ki dhun men firte the taajir bhi bahut rehzan bhi kaii hai chor-nagar yaa mufalis ki gar jaan bachi to aan gaii ye saaghar sheeshe laal-o-guhar saalim hon to qeemat paate hain yuñ tukde tukde hon to faqat chubhte hain lahu rulwaate hain tum naahak sheeshe chun chun kar daaman men chhu paa.e baithe ho sheeshon ka maseeha koi nahin kya aas lagaaye baithe ho yaadon ke girebaanoń ke rafu par dil ki guzar kab hoti hai ik bakhiya udhera ek siya yuñ umr basar kab hoti hai is kaar-gah-e-hasti men jahaan ye saaghar sheeshe dhalti hain har shay ka badal mil saka hai sab daaman pur ho sakte hain jo haath badhe yaavar hai yahaañ jo aankh uthe vo bakhtawar yaa dhan-daulat ka ant nahin hon ghaat men daaku laakh magar kab loot-jhapat se hasti ki dukaanein khaali hoti hain yaa parbat-parbat heere hain yaa saagar saagar moti hain kuchh log hain jo is daulat par parde latkaate firte hain har parbat ko har saagar ko neelaam chadhate firte hain kuchh vo bhi hain jo lad bhir kar ye parde noch giraate hain hasti ke uthaai-giron ki har chaal uljhaaye jaate hain in dono men ran padta hai nit basti-basti nagar-nagar har baste ghar ke seene men har chalti raah ke maathe par ye kaalk bharte firte hain vo jot jagaate rahte hain ye aag lagaate firte hain vo aag bujhaate rahte hain sab saaghar sheeshe laal-o-guhar is baazi men bad jaate hain utho sab khaali haathon ko is ran se bulaave aate hain

shaam ke pech-o-kham sitaaron se zeena zeena utar rahi hai raat yuñ saba paas se guzarti hai jaise kah dii kisi ne pyaar ki baat sehan-e-zindan ke be-watan ashjaar sar-nigoon mahav hain banaane men daaman-e-aasmaan pe naqsh-o-nigaar shaana-e-baam par damkata hai meherbaan chaandni ka dast-e-jameel KHaak men ghul gaii hai aab-e-nujoom noor men ghul gaya hai arsh ka neel sabz goshoon men neel-goon s aa.e lahlahaate hain jis tarah dil men mauj-e-dard-e-firaq-e-yaar aa.e dil se paiham khayal kahtaa hai itni sheerin hai zindagi is pal zulm ka zahar gholne waale kaamraan ho sakenge aaj na kal jalwa-gaah-e-visaal ki shamaein vo bujha bhi chuke agar to kya chaand ko gul karen to ham jaanen