meri dastaan vo din bhi kitne ajeeb the jab ham dono qareeb the shabab-e-hizr na tu na main sab apne-apne naseeb the tu hi meri duniya thii main hi teraa jahaan tha mujhe tere hone ka gurur tha tujhe mere hone par gumaan tha tere saath bitaaye the woh din vo raate kitnii haseen thius kamre men thii jannat saari ek bistar par hi zameen thii teri god men sar rakhkar main gazle apni sunaata tha tu sunkar shayari so jaati thii main teri khushbu men kho jaata tha meri kaamyaabi ki khabren sun mujhse zyaada jhooma karti thii vo bewajah baaton-baaton men meraa maatha chooma karti thii meri har pareshaani men woh meri hamdard thii,हमसाया thius se badhkar kuchh na tha bas vahii ek sarmaaya thii mulaqaat na ho to kahti thii main kaise aaj so paaoongi mujhe gale laga kar kahti thii main tumse juda na ho paaoongi ik aaina thii woh meraa usse kuchh bhi nahin chhupa tha har cheez jaanti thii meri meraa sab kuchh use pata tha yaar vahii chehre hain apne vahii ehsaas dil men hai phir kyuuñ dooriyaan badh si gaii kyuuñ rishte aaj mushkil men hai kaii sawaal hain dil men ek-ek karke sab sunogi kya main shuroo karta hooñ shuroo se ab sabka javaab dogi kya kyuuñ lautaa dii angu thii mujhe kyuuñ badal ga.e sab iraade tere kya hua teri sab kasmon ka ab kahaan ga.e sab vaade tere tere in mehn dii waale haathon men kisi or ka ab naam hain ik haadsa hain mere li.e ye maana tere li.e inaam hain apne hijr ki vo pahli raat tab khayal to meraa aaya hogaa aayi hogii sab yaaden puraani meri baaton ne bhi rulaaya hogaa jaise mujh men koi cheekh raha hain meri rooh-rooh tak so rahi hain main apni daastaan likh raha hooñ aur meri shayari ro rahi hain bas yahii iltijaa hain KHuda se koi itnaa bhi pyaara na bane kaii sooraten ho saamne nazar ke par koi hamaara na bane

KHuda naaraz kamaal hai kamaal hai mazhab ki baat par kyun uth rahe sawaal hai behaal hai behaal hai sab makdiyon ke jaal hai duniya men rahna bhi ab bahut badaa janjaal hai bawaal hai bawaal hai guzar rahi jo zindagi yah din hai ya koi saal hai mujhe aaj ki fikr to hai mujhe kal ka bhi khayal hai naqaab hai naqaab hai har chehre par naqaab hai jo shaKHs ki yah zaat hai woh saanp ka bhi baap hai jo do-rukha kirdaar hai ghazab hai be-misaal hai dalaal hai dalaal hai sab soch ke dalaal hai gunaah bhi uskaa maaf hai sab paise ki yah chaal hai kya kaal hai kya kaal hai KHuda bhi jo naaraz hai ibaadaton men mil rahe jaldabaazi ke a'amal hai KHud sochna ab to tu zaraa mazhab ki baat par kyun uth rahe sawaal hai kamaal hai kamaal hai

ped satrah athraah saal ki thii vo jab vo duniya chhod gaii thii aakhiri saansen ginti ladki mujhse himmat baant rahi thii haath pakad ke daant rahi thii aise thodii karte hain aashiq thodii marte hain jism to ek kahaanii hai saansen aani jaani hain usne kaha tha pyaare ladke sabse milnaa hañs ke milnaa meri yaad men ped lagana paagal ladke ishq ke haami mere peeche mar mat jaana ishq kiya tha ishq nibhaana

december ka mahina aur dilli ki sar dii sitaaron ki jhilmilaati jhurmut se pare aasmaan ke ek sunsaan goshe men poonam ka thithurta hua koi chaand jaise baadlon men khaata hai mutawaatir hachkole hawle hawle tanhaa musaafir aur door tak kohre ki chadar men lipti bal khaati sadken dhund ki ghubaar men khoya hua india gate thand men thokren khaata musaafir KHush naseeb hai baadlon men ghus jaata hai chaand meri christmas ki raunqen phaili hain tamaam sitaaron se raushan saje dhaje bazaar lazeez khaanon ki khushbuen jahaan phaili hain har-soo bazaar ki garm fazaaon men may ki sarmasti men dooba hua hai poore shahar ka shabaab tanhaa musaafir ki chand roza masafat bhi kya shay hai yaaro hum-vatanon se door apnon se door jamuna tat par jaise bin maanjhi ke naav boat club ke sard paani men jaise tairta rukta hua koi tanhaa hubaab tanhaa musaafir sochta hai koi hai jis ka vo haath thaam le hawle hawle koi hai jo us ke saath kuchh daur chale hawle hawle dhund men khoi hui manzilen taveel sadken aur tanhaa musaafir jaise poonam ka thithurta hua koi chaand baadlon men khaata hai mutawaatir hachkole hawle hawle

aankhoñ kii KHaatir us kii aankhoñ kii KHaatir ya us kii aankhoñ ke vaasteus se juda hona ek gunaah hai mujhe ki haan ye bhi ek sabab haius se juda ya mahjoor na hone ka ki jab jab khayal-e-firaaq aata hai mere zehan men to mainus kii vo aañkhen hi to yaad karta hooñ ki kya hogaa jab chhod dooñga un aankhoñ ko darmiyaan-e-safar kya vo afsurda aañkhen phir sah paa.e'ngi ye mahjoori meri vo aañkhen jin men ek umr talak khoya raha hooñ main vo aañkhen jo mujhe mujh se zyaada jaanti hain vo aañkhen jin men mahfooz hain saari yaaden saari baatein saare lamhe aur sab aalam apne sukh dukh ke vo aañkhen jo mere har khwaab ko apna khwaab maanti hain aur jis ke KHud ke khwaab ma-tahati hue hain vo aañkhen jo apne maazi men badi pareshaan rahi hain vo aañkhen jo mujhe ek ummeed se dekhti hain abhii aur ab is maujooda haal men ek sukoon talaashti hain mujh men kahiin vo aañkhen jo abhii bhi sahmi hui hain par ek kashish lauti hai mere aane se vo aañkhen jin se vaa'da kar chuka hooñ main ki k abhii sabab-e-girya na banuunga aur k abhii darmiyaan-e-safarna chhodunga unhen

yaad dast-e-tanhaai men ai jaan-e-jahaan larzaan hain teri awaaz ke saa.e tire honton ke saraab dast-e-tanhaai men doori ke khas-o-khaak tale khil rahe hain tire pahluu ke saman aur gulaab uth rahi hai kahiin qurbat se tiri saans kii aanch apni KHushboo men sulagti hui madhham madhham door ufuq paar chamakti hui qatra qatra gir rahi hai tiri dildaar nazar kii shabnam is qadar pyaar se ai jaan-e-jahaan rakkha hai dil ke rukhsaar pe is vaqt tiri yaad ne haath yuñ gumaan hota hai garche hai abhii subh-e-firaq dhal gaya hijr ka din aa bhi gaii vasl kii raat

sach hai humeen ko aap ke shikwe baja na the be-shak sitam janab ke sab dostana the haan jo jafaa bhi aap ne ki qaayede se ki haan ham hi kaarband-e-usool-e-wafa na the aa.e to yuñ ki jaise hamesha the meherbaan bhule to yuñ ki jaise kabhi aashna na the kyun daad-e-gham humeen ne talab ki bura kiya ham se jahaan men kushta-e-gham aur kya na the gar fikr-e-zakhm ki to khata-waar hain ki ham kyun mahw-e-madh-e-khoobi-e-tegh-e-ada na the har chaaragar ko charagari se gurez tha warna ha men jo dukh the bahut la-dava na the lab par hai talkhi-e-may-e-ayyaam warna faiz ham talkhi-e-kalaam pe maail zaraa na the

mira dard naghma-e-be-sada mirii zaat zarra-e-be-nishaan mere dard ko jo zabaan mile mujhe apna naam-o-nishaan mile mirii zaat ka jo nishaan mile mujhe raaz-e-nazm-e-jahaan mile jo mujhe ye raaz-e-nihaan mile mirii KHaamushi ko bayaañ mile mujhe kaayenaat ki sarvari mujhe daulat-e-do-jahaan mile

chand roz aur mirii jaan faqat chand hi roz zulm ki chaanv men dam lene pe majboor hain ham aur kuchh der sitam sah len tadap len ro len apne ajdaad ki meeraas hai maazoor hain ham jism par qaid hai jazbaat pe zanjeeren hain fikr mahboos hai guftaar pe taa'zeeren hain apni himmat hai ki ham phir bhi ji.e jaate hain zindagi kya kisi mufalis ki qaba hai jis men har ghadi dard ke paivand lage jaate hain lekin ab zulm ki miyaad ke din thode hain ik zaraa sabr ki fariyaad ke din thode hain arsa-e-dehr ki jhulsi hui veeraani men ham ko rahna hai pe yoonhi to nahin rahna hai ajnabi haathon ka be-naam giran-baar sitam aaj sahna hai hamesha to nahin sahna hai ye tire husn se lipti hui aalaam ki gard apni do roza jawaani ki shikaston ka shumaar chaandni raaton ka bekar dahakta hua dard dil ki be-sood tadap jism ki mayus pukaar chand roz aur mirii jaan faqat chand hi roz

1 door ja kar qareeb ho jitne ham se kab tum qareeb the itne ab na aaoge tum na jaaoge wasl-e-hijraan bahm hue kitne 2 chaand nikle kisi jaanib tiri zebaai ka rang badle kisi soorat shab-e-tanhaai ka daulat-e-lab se phir ai khusraw-e-sheerin-dehnaan aaj arzaan ho koi harf shanaasaai ka garmi-e-rashk se har anjuman-e-gul-badnaan tazkira chhede tiri pairhan-aaraai ka sehan-e-gulshan men kabhi ai shah-e-shamshaad-qadaan phir nazar aa.e saleeqa tiri raa'naai ka ek baar aur maseeha-e-dil-e-dil-zadagaan koi vaa'da koi iqaar masihaai ka saaz-o-saamaan bahm pahuncha hai ruswaai ka 3 kab tak dil ki KHair manaae kab tak rah dikhlaaoge kab tak chain ki mohlat doge kab tak yaad na aaoge beeta deed ummeed ka mausam KHaak udti hai aankhoñ men kab bhejoge dard ka baadal kab barkha barsaaoge ahad-e-wafaa ya tark-e-mohabbat jo chaaho so aap karo apne bas ki baat hi kya hai ham se kya manvaaoge kis ne vasl ka suraj dekha kis par hijr ki raat dhali gesuon waale kaun the kya the un ko kya jatlaaoge faiz dilon ke bhag men hai ghar bharna bhi loot jaana bhi tum is husn ke lutf-o-karam par kitne din itraaoge