tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

ham vo hain jo KHuda ko bhool ga.e tum meri jaan kis gumaan men ho

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

haath chhooten bhi to rishte nahin chhodaa karte vaqt ki shaakh se lamhe nahin toda karte

ik khwaab ne aañkhen kholi hain kya mod aaya hai kahaanii men vo bheeg rahi hai baarish men aur aag lagii hai paani men

ruke ruke se qadam ruk ke baar baar chale qaraar de ke tire dar se be-qaraar chale

tumhaare KHvaab se har shab lipt ke sote hain sazaayein bhej do ham ne khataayein bheji hain

KHushboo jaise log mile afsaane men ek puraana khat khola anjaane men