itni milti hai mirii ghazalon se soorat teri log tujh ko mira mahboob samjhte honge

jaanta hooñ ki tujhe saath to rakhte hain kaii poochna tha ki teraa dhyaan bhi rakhta hai koi

pyaas agar meri bujha de to main jaanu varna tu samandar hai to hogaa mere kis kaam ka hai

teraa banta tha ki tu dushman ho apne haathon se khilaaya tha tujhe teri gaali se mujhe yaad aaya kitne taano se bachaaya tha tujhe

roya hooñ to apne doston men par tujh se to hañs ke hi mila hooñ

shab ko may khoob si pee subh ko tauba kar li rind ke rind rahe haath se jannat na gaii

lutate hain vo daulat husn ki baawar nahin aata ha men to ek bosa bhi badi mushkil se milta hai

aañsu hamaare gir ga.e un ki nigaah se in motiyon ki ab koi qeemat nahin rahi

tasadduq is karam ke main kabhi tanhaa nahin rehta ki jis din tum nahin aate tumhaari yaad aati hai

aap pahluu men jo baitheen to sambhal kar baitheen dil-e-betaab ko aadat hai machal jaane ki