ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

mere aañsu nahin tham rahe ki vo mujhse juda ho gaya aur tum kah rahe ho ki chhodo ab aisa bhi kya ho gaya may-kadon men meri lainein padhte firte hain log maine jo kuchh bhi pee kar kaha falsafa ho gaya

main baal baal bach gaya har baar ishq se sar ke bahut qareeb se patthar guzar ga.e

jhela hai maine teen sau painsath dukhon ka saal chaaho to pichhle baarah maheenon se pooch lo

dasht jaisi ujaad hain aañkhen in dareechon se KHvaab kya jhaanken

bichhad jaayenge ham dono zameen par ye us ne aasmaañ par likh diya hai

khauf aata hai apne saa.e se hijr ke kis maqaam par hooñ main

aaj meri ik ghazal ne us ke honton ko chhua aaj pahli baar apni shaayri achchhii lagii

vo kabhi aaghaaz kar sakte nahin khauf lagta hai jinhen anjaam se