koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

kuchh baat hai ki hasti mitati nahin hamaari sadiyon raha hai dushman daur e zamaan hamaara

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

hamaare baad tere ishq men naye ladke badan to choomenge zulfen nahin sanvaarenge

dasht jaisi ujaad hain aañkhen in dareechon se KHvaab kya jhaanken

us ke dil ki aag thandi pad gaii mujh ko shohrat mil gaii ilzaam se

tire ehsaas men dooba hua main kabhi sehra kabhi dariyaa hua main

aaj meri ik ghazal ne us ke honton ko chhua aaj pahli baar apni shaayri achchhii lagii

jahaan waalon se kah do yahaañ se hat jaayen KHuda ke aur mere darmiyaañ se hat jaayen